旅遊資訊
日本旅遊
參加趣農泊！KOL分享座談會心得
搜尋 ▾



新帖 回覆
  • 瀏覽: 1,183
+20
  • 列印
    • ENGAWAJAPAN

    新手

    帖子
    4 
    積分
    8 
    註冊
    2018-9-28 
    發短消息 加為好友
    [其他] 參加趣農泊！KOL分享座談會心得
    #1
    發表於 2019-2-3 11:22 


    上個星期六喺尖沙咀參加咗一個日本農泊分享會，係由體驗過農泊活動嘅KOL親自介紹農泊有咩正，我本身都有興趣想去農泊，咪當為日後去日本旅行參考吓。當日有3個KOL到場（日本自遊易、沙米旅日手記、劍心日本美食旅遊情報），有追開日本情報嘅相信都識得佢哋。仲有舊年12月參加咗「和KOL一起趣農泊！」活動好彩獲選嘅參加者，佢哋都有一齊分享吓自嘅體驗，我都有參加抽，不過就冇我份，惟有聽吓人哋分享啦。



    開場有同爵爵貓叔一齊去前往長野縣信濃町嘅人介紹當地農泊，佢哋影到個雪景真係好靚，尤其係野尻湖景，靚到我已經book mark咗下次要去。體驗方面，見到佢哋又去蘋果園摘蘋果、又整蘋果批，或者上當地漁民嘅船，體驗吓釣香魚咁，可以話食盡山海，睇到口水都流。





    跟住係同健吾去北海道帶廣市的嘅人介紹。我一開頭都唔知帶廣喺邊，不過原來係北海道第六大城！仲好出名農業，好似種薯仔、粟米咁，所以特別多體驗活動可以玩。d參加者喺冰天雪地到整薯仔煎餅、走去農家整雪糕、芝士，其實咪就係北海道名產囉。仲見到有得去馬場、溫泉、葡萄酒莊，先知原來可以農泊配搭觀光喺帶廣玩幾日，夏天定冬天去都好似好吸引！





    打後就係日本自遊易介紹沖繩縣今歸仁村。原來沖繩縣係日本同香港最近嘅地方！有甘蔗園、黑糖等等日本本島比較少見嘅特色嘢，當然唔少得沖繩嘅無敵海景同沙灘啦。最有印象係佢哋去農泊住個到，原本係間小學，因為人口減少就改建為民泊設施，keep到個學校feel之餘，仲有自製Pizza之類嘅體驗活動可以玩，其實都幾得意啊。





    之後就放break，跟住有沙米旅日手記介紹新潟縣長岡市。新潟縣出名米，連帶日本酒都好出名。佢哋就有去酒造睇吓，好正！見到全部都係入住農家，可以同當地農民交流真係好難得，有機會我都想試啊......，又有得一齊整蕎麥麵，又有得食農民自家製嘅地道農家菜，去得多城市都想試吓鄉下風情嘛。





    最後分享嘅KOL係劍心，介紹香川縣小豆島。一開始就播咗條片，影得香川縣好靚啊，仲有影到小豆島好經典嘅必去景點「天使之路」，我一路都好想去！小豆島另一個出名嘅就係橄欖，所以佢哋都有去橄欖園。仲有咩？香川縣仲出名烏冬同蕎麥麵嘅，睇住佢哋一路食唔停！





    分享會有樣好，有咩唔明、想知可以直接問去過嘅KOL洗唔洗識日文、交通點啊個d，d KOL都有答哂。日文問題我都想問，佢哋話識當然好玩d啦，唔識嘅入鄉追俗就冇問題，一樣有樂趣，聽完真係有d心動。不過原來交通唔太好都係真，所以最好都係自駕。同埋想摘生果個d就要趁秋天夏天去，如果唔係冬天去到，就要玩其他嘢喇！



    其實香港人去日本都算去得多啦，但玩嚟玩去都係東京大阪咁，有時去吓鄉下地區，話唔定有其他樂趣呢~~至少唔洗同返香港人逼先啦！


    農泊JAPAN網站：
    https://nungbokjapan.com
    https://www.facebook.com/nongbokjapan

    [ 本帖最後由 ENGAWAJAPAN 於 2019-2-12 11:05 AM 編輯 ]


    #北海道 #大阪 #尖沙咀 #日本 #東京
    回覆 引用 TOP
    伸延閱讀
    頑遊北海道8天2023 錦秋の明り、真っ赤な紅葉 （多圖慎入） 請問C hing坐UO 到達羽田10:45分有機坐到山手線出到池袋？ 如果唔坐富士回遊去河口湖... 四國紅葉 各C兄C姐請教吓！ 22:30到關西空港,如果hk班機遲在，過在晚上12:00,無南海電鐵出難波，請大家幫幫忙！
    新帖 回覆
    [按此隱藏 Google 建議的相符內容]