註冊 登入



打印

[真人經歷] 泰國師傅驅鬼 親身經歷 更新#412

泰國師傅驅鬼 親身經歷 更新#412 E-mail 此主題給朋友

[隱藏]
更新於
#1 前事
#2 前事
#4 驅鬼
#7 驅鬼
#10 驅鬼
#13 驅鬼
#23 驅鬼
#41 驅鬼
#83 驅鬼
#126 驅鬼
#166 驅鬼
#179 小雨的日常
#191 小雨的日常
#192 小雨的日常
#221 小雨的日常
#257 小雨的日常
#270 小雨的日常
#284 口舌招尤
#291 口舌招尤
#302 小雨復仇
#323 小雨回檳城 加 一點冤親債主
#412 細佬惹鬼
其實個師傅係香港人 不過佢父子都係學泰國既法 啲法叫咩我都唔清楚
事緣係由於本人既另一半 係檳城一間公司做salesman 而我就係同佢遠距離戀愛 我住係香港咁先叫佢做ann
正正常常做左兩個月 不過其實佢話一入間公司就覺得好唔對路 總之啲人令佢好唔舒服
算啦 打工啫 做salesman都係出街多過留係公司 咁就由佢
跟住啲salesman留失率好高 好快黎好快走 跟住阿ann都打算辭職唔做
我諗應該係1月中到就要去annual dinner 要揸車去怡保 去過陣都冇咩野 不過去到annual dinner會場就開始有啲唔舒服 原來附近有個大墓地 咁ann都頂唔順要早啲返檳城 跟住同行有兩個同事一齊走 揸揸下揸到一半停埋左一邊 ann覺得好暈 跟住暈埋~
咁緊係另一個同事嗱嗱聲接手就車佢返檳城屋企 放佢返屋企休息 第二日就開始心口痛 好似有野係身體入面 想嘔都嘔唔出 焗住帶ann去廟 去到廟又開始好返啲就當冇事
到第三日返工 出事喇!
佢一去到公司門口就唔想入去 因為佢公司入面有一尊請返黎既神像所以佢死都唔入 咁冇計 係公司門口抖一抖 到佢另一啲同事返黎 阿ann就開始發癲

抖抖再寫

[ 本帖最後由 cityhuntermax 於 2019-3-16 10:35 PM 編輯 ]



熱賣及精選
再黎

阿ann一見到兩個另一team就撲埋去就大叫要搵佢兩個報仇 佢兩個都嚇一嚇 要報咩仇 跟住阿ann既team有一個學過些少法術 抱住佢 講左一堆野之後阿ann就暈左 佢另一個學過法術既同事暫且叫做may先
may都覺得唔對路就同ann去搵其他師傅幫手 搵左3個 有兩個話搞唔掂 到第三個就睇得出佢地發生過咩事
原來係關於佢地前世既事 係另一team果兩個同事前世虐殺左呢一個靈體 個靈體怨念太重 有機會投胎都唔投 一定要搵佢地報仇 咁岩我女友即係阿ann陰氣重 俾左機會佢上身 所以就借佢身黎搵佢地報
師傅就話佢既怨氣實在太重 好難化解 一定要佢地不停做功德黎回報呢個靈體
果兩個人開頭都話 關我地咩事 前世既事我地點知 做咩要做呢啲野 到ann變左聲對佢地大吵大鬧佢地都驚驚 嗱嗱聲做返啲功德 燒野俾佢 不過呢個靈體既怨念足足有200年《—呢個係聽香港個師傅講
佢地燒左一兩次就冇燒 跟住阿ann仲係俾靈體上身 都搞唔掂
本身阿ann係預左1月27號黎香港同我過新年 身體搞成咁佢都打算飛過黎陪我 我都叫佢唔舒服就唔好過黎喇 佢都唔聽 所以阿ann就係飛黎香港前一晚去廟叫師傅幫手 咁師傅搞左一輪就俾左把扇佢 叫佢一有咩唔舒服就面掃三下 後腦掃三下 率之搞到成凌晨3-4點 早上7點鐘就要上飛機 好趕
待續



回覆 引用 TOP

支持


回覆 引用 TOP

繼續

咁阿ann上到飛機之後就太攰 一直訓 訓到飛機餐都唔到 跟住因為想嘔要去廁所 一起身就暈低
跟住啲空姐空少都過黎幫手 本身班機都坐唔滿人 所以有三個空位可以俾ann訓係度 佢地諗住阿ann都係血糖低先暈 阿ann想攞扇出黎掃 諗一下可能會令人覺得好奇怪所以唔掃 卒之等到飛機降落 空姐們等所有乘客落晒機先用輪椅推阿ann出黎
阿ann都打電話等空姐話俾我聽發生左咩事 叫我唔好擔心 有人推緊阿ann出黎 我等左買四個字到就見機場啲服務人員推緊阿ann出黎 雖然冇咩體力 都同我強顏歡笑話冇事 ...我同阿ann食返少少野補充返體力之後就坐機鐵轉地鐵去粉嶺我媽屋企進發
點解唔坐巴士?因為ann會暈車浪
咁到達屋企之後 本身都唔係有咩事 到第二朝就黎料喇
不停作嘔 嘔左啲口水出黎 跟住就開始暈 我扶左佢上床之後 見佢眼皮不停跳動 我繼續摸她的頭安撫下 突然!
佢兩眼一瞪 用手撥我隻手
用普通話講[不要碰我]我都打個突 雖然我知佢平時都係有用普通話同人溝通 不過對我一定用廣東話
所以我知道 果個唔係Ann 係果隻靈體.....



回覆 引用 TOP

[隱藏]
繼續🙌🏻🙌🏻🙌🏻🙌🏻🙌🏻🙌🏻


引用:
原帖由 waiwai99 於 2019-2-4 01:21 PM 發表

繼續🙌🏻🙌🏻🙌🏻🙌🏻🙌🏻🙌🏻
要等等 隻靈體仲係身邊



回覆 引用 TOP

繼續

跟住我問佢你係邊個 佢雙眼唔望我 望住另一邊 當我唔存在 過左一陣佢突然合眼又暈左 咁等ann醒左之後就問佢仲有冇唔舒服?
佢就話仲有少少暈 不過好左啲 咁我就全日陪住佢 陪佢食野行街 都好彩冇發生咩事
到第二日 我需要返工所以同佢返左沙田老豆屋企訓 跟住返到公司開工 我本身係做運貨司機既 有一個跟車 可以叫佢做杰 我同佢拍擋左3–4年 所以佢好多野我都知 佢後生果陣都試過鬼上身 俾隻女鬼跟左半年 跟住佢屋企人搵到師傅幫佢驅走 所以我就問佢識唔識人幫手驅鬼 咁岩佢有個識左二十年既朋友 幾個月前係泰國學法返黎 咁佢就嗱嗱聲打俾佢叫佢幫手 暫時稱呼師傅為阿贊
收工返到屋企之後 我忍唔住有意無意話俾ann聽 過年前應該好快冇事
仆街 話口未完
佢突然抖氣好大 跟住目露兇光望實我
心諗 吊 自己on99口快快講左出黎俾佢知道左....
跟住ann擰轉頭唔望我 表情痛苦左一陣就慢慢變返平和 之後同我講佢好嬲 知道我搵人對付佢 咁都冇辦法 嗱嗱聲whatsapp杰同佢講 杰就幫我聯絡師傅睇下邊日得 最後 約左星期六......
待續

[ 本帖最後由 cityhuntermax 於 2019-2-4 04:04 PM 編輯 ]



回覆 引用 TOP

多謝樓主分享!期待更新!新年快樂!


回覆 引用 TOP

期待更新


回覆 引用 TOP

[隱藏]
2月2號 星期六
我收到杰既確認消息 等佢收工之後就會去師傅度 而我就不動聲色 慢慢引佢去做法事地點
7點 就係決戰既時間
咁一早同阿ann去早餐 跟住就同佢行下新開返既星光大道 因為都知靈體都怕太猛烈既太陽 (雖然事後靈體同我講其實佢唔太怕 係辛苦啲
咁行下食下 我就提議不如去荃灣行 因為阿ann想買一個新袋俾我返工用 咁好啦 出發!
因為係上年阿ann都係呢個商場買左個袋俾我 見我而家呢個都爛爛地 所以買新袋當情人節禮物
咁買好左 我又提議不如去荃灣廣場果邊搵野食 因為好耐冇去過 (其實係師傅個法壇就係附近
咁我同ann食緊野期間 就偷偷問佢到左未 因為我都唔識去 咁就叫杰係我到附近期間就出黎接我 因為呢餐啲野太遲黎 啲時間愈黎愈近7點 我都緊張起上黎
本身我都需要禁錢俾師傅 所以就同ann講我要去搵櫃員機 咁搵下搵下 我就慢慢帶到ann去到附近 就打電話叫杰黎接我
我行到工廠大廈門口 阿杰一出現 阿ann即刻性情大變 不停向後退 轉頭就走 我要用盡全力先可以拉住ann唔俾佢走 你地需要知道我有180磅 力都有返咁上下 都差啲拉唔住一個5尺高既女仔 咁杰就嗱嗱聲引路去師傅法壇門口 一開門 師傅同兩個幫手已經等候佢既來臨....



回覆 引用 TOP

哇!精彩精彩
跟住點啊 ? ?
阿泰國大師两下搞掂啦!
係呢貴唔貴架!我都有朋友個朋友幾個師父都搞唔掂喎;包括我!



天下風雲出我輩……一入江湖歲月催………………
我一陣再更新 因為我而家送緊ann同靈體返馬來西亞



回覆 引用 TOP

岩岩送完機

一入到去師傅望左一陣 等我地將阿ann放左係將椅子上面
就向住阿ann問 :點解你要上呢個女仔身?
阿ann開始變聲用普通話對話....:「哈哈哈~你?有什麼能耐可以對付到我?」
師傅不溫不火咁講「咁就要試下喇。」師傅示意我地拉阿ann去佢面前跪低 唔拉由自可 我一個人真係拉唔郁 卒之要等杰同埋師傅兩個幫手先夠力拉佢過去!
拉到去都未完 要令佢跪低仲難 要兩個幫手禁住ann對手 而我同杰要撞佢膝蓋後面個位先令到佢跪低
阿ann一跪 師傅用左手一手捉住佢後頸
中氣十足一喝「出唔出黎!!」
阿ann極力反抗 不停掙扎 「不出!不出!」
師傅用一扎好似啲好幼好幼籐條扎埋一齊既野 沾一沾神壇旁邊既花水 灑左幾下落阿ann塊面度
阿ann即刻大叫 跟住就暈左 我心諗唔通搞掂?
師傅就講「唔駛扮野喇 我知你仲係度 」跟住見到阿ann眉頭一皺 開眼 就大叫「到底你是誰?為什麼要幫她?」
師傅語重心長就講「呢度唔係你應該存在既地方 離開女仔既身體啦...」
靈體就大叫「不行!!我要報仇!!!」
師傅又問「報咩仇?」
靈體開始冇咩反抗 師傅示意我地放手
靈體很憤怒咁講.「她們殺了我!」
師傅再問「邊個佢地?」靈體冇再答...
師傅將手放係阿ann個天靈蓋 「咁等我睇下之前到底發生咩事...」跟住合眼..吟吟念咒..我諗過左半分鐘到
師傅徐徐開眼 「我知道咩事喇....」



[ 本帖最後由 cityhuntermax 於 2019-2-7 04:17 PM 編輯 ]



回覆 引用 TOP

精彩精彩


天下風雲出我輩……一入江湖歲月催………………

回覆 引用 TOP

[隱藏]
期待 


回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。