註冊 登入



打印

[愛.回家之開心速遞] 傻強被Out冇得愛回家馮奕森交代去向:我不會回頭

傻強被Out冇得愛回家馮奕森交代去向:我不會回頭 E-mail 此主題給朋友

[隱藏]
傻強已正式離開咗《愛‧回家》。

甫踏入2019年無耐,無綫處境劇《愛‧回家之開心速遞》雖然會添食加拍至720集,但就有人氣角色相繼離開劇組,繼博士(馬貫東飾)與Mandy(謝芷倫飾)因為拍其他劇而要離「家」之外,早前就連傻強 (馮奕森飾) 都無得留低,他今次更是無聲無色地被Out走,劇情突然講述傻強去西伯利亞留學了,甚至連講拜拜道別的機會都無。網民紛紛表示好唔捨得傻強,又留言追問原因,大呼:「還我傻強!」不過馮奕森對於自己無得再拍該劇的原因並沒有透露半句,不禁惹來各種揣測。

大家都好唔捨得傻強。
傻強一角明明深受觀眾同網民歡迎,其戇直搞笑的丑角形像深入民心,去年曾經有一段時間他的戲份亦明顯多了,正當大家覺得傻強慢慢開始上位,想不到他卻突然被「消失」。而剛巧他早前客串演出的FOX劇集《心冤》播映了,飾演警察的他只於第一集有份出鏡,且只有幾秒的鏡頭和一句對白,不過就好大機會是因為這短短的幾秒戲份,而令他觸怒了TVB。事實是《心冤》第一集播出後不久,他就無得再演出《愛‧回家》,未知是巧合,還是他真的因此得罪了方丈。之前江嘉敏也曾因為接拍了ViuTV的劇集《三一如三》而激嬲了TVB,遭掟入雪櫃。

昨晚馮奕森終於開腔回應被飛一事,他說:「其實對於《愛‧回家》我亦都無咩嘢可以回答,我只能夠講一切有最好嘅安排,我依然係喺公司,依然都係活躍嘅,大家會繼續喺電影框上面見到我嘅,我人係安好嘅,無事無事,大家放心。演員路真係唔易行,當中有風都有沙,我有責任時人哋亦有責任,互相都有責任,所有嘢都可以做得更加好,更加盡善盡美嘅,我亦都希望嚟緊嘅日子會有更好嘅performance畀大家睇,依然會等待一個更好嘅角色。」


佢話一切有最好嘅安排。

他又感恩公司給他演出傻強的機會:「其實公司對我好好嘅,高層都對我好好嘅,佢哋都體諒我,肯畀我演呢個咁爆嘅角色,傻強帶咗畀我好多嘢,但沒有最好只有更好,我都希望有更多嘅嘗試。」始終未有透露真正的原因,笑言:「要講原因有十萬個嘅,總之我會一直走,不回頭,期待有更好嘅演出。」他表示現正在放大假,稍後將會演出新劇《十八年後的終極告白》:「唔算太多戲份但個角色突出嘅,我做陳山聰嘅頭馬,到時大家可以留意下。」


佢話傻強呢個角色帶畀佢好多嘢。


無線真係勁小氣  還我傻強呀!



回覆 引用 TOP

熱賣及精選
無咗傻强真係唔洗日日等住睇愛回家。只睇大小姐同辉輝就夠。


回覆 引用 TOP

拍大台都會拍Fox 咁低級失誤


回覆 引用 TOP

Fox同大臺應該係冇咩利害衝突,應該係有其他戲需要演出或者其他嘢忙。因為如果通常真係觸怒嘅話,編劇係直接寫死佢,話佢死咗之類直接暴斃嗰隻而唔係寫去咗外面讀書之類嘅說法。


惠英紅紅姐一樣有拍心冤,但又有拍鐵探,所以應該唔關事。

[ 本帖最後由 湖海洗我胸襟 於 2019-2-10 02:36 PM 編輯 ]



湖海洗我胸襟,河山飄我影蹤,雲彩揮去卻不去,人生休說苦痛。
[隱藏]
關拍F0X咩事 自己遲到五個鐘又吾講


引用:
原帖由 yagyag 於 2019-2-10 02:36 PM 發表

關拍F0X咩事 自己遲到五個鐘又吾講
咁樣就確實離譜咯。



湖海洗我胸襟,河山飄我影蹤,雲彩揮去卻不去,人生休說苦痛。

回覆 引用 TOP

之前的留言已講是他遲大到才被飛


引用:
原帖由 yagyag 於 2019-2-10 02:36 PM 發表

關拍F0X咩事 自己遲到五個鐘又吾講
有冇詳細d嘅資料呀?



回覆 引用 TOP

引用:
原帖由 yagyag 於 2019-2-10 02:40 PM 發表

之前的留言已講是他遲大到才被飛
any source?



回覆 引用 TOP

[隱藏]
。係咪冇通知電視台就拍fox戲呢?通知抽佣咪無事囉


回覆 引用 TOP

講得出哩返說話,佢的公關幾好


回覆 引用 TOP

得罪落小姐後果


回覆 引用 TOP

遲到五個鐘咁誇張?


回覆 引用 TOP

希望高層比次機會佢 玉不啄不成器 下次唔好喇


回覆 引用 TOP

[隱藏]
傻強,我憎死你,無啦啦不辭而別,傻強去西伯利亞食屎吧。


回覆 引用 TOP

 50 1234
 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。