註冊 登入



打印

[翡翠台] 【又一猛將離開] 續約要減1/3,人工僅得七千,蓋世寶劈炮:真係夠喇! 香討焦點

【又一猛將離開] 續約要減1/3,人工僅得七千,蓋世寶劈炮:真係夠喇! E-mail 此主題給朋友

[隱藏]
二月底即將與TVB約滿,Lulu決定唔續約,離開效忠咗23年嘅TVB!「其實今年一月二日嘅時候,電視台打俾我傾續約事宜,其實上一份約已經簽咗一年生約、一年死約,佢哋意願都係繼續簽嘅,只不過條件唔同咗,因為成績表問題,即係做唔夠騷啦。」TVB留佢嘅方法,唔係加人工,而係減。「我聽到又減,我係減人工,減1/3呀!冇萬三咁多,當佢一萬頭,唔係話佢哋對我差,我明公司有公司度,我唔敢講話佢對我差,我呢23年喺公司唔係白過嘅!」

由兒童節目主持轉去拍劇,有得開工嘅日子唔多,Lulu好感激監製德哥(潘嘉德),一講起德哥,已忍唔住淚如雨下!「嗰次係我主動提出嘅,我去搵德哥,因為難聽啲講,我好似只係識得佢,因為喺數年前,佢開拍一套《大冬瓜》,當時已經合作,當時好開心,但拍完套劇又重返兒童組,所以壓力無咁大,曾經有過拍劇經驗,當我知道兒童組將會解散,我就WhatsApp對方,話我出番嚟,問佢有咩角色適合我嘅話,就幫吓我啦,佢答:『OK』兩個字。」結果,德哥開拍《拆局專家》一劇嘅時候,就搵搵咗Lulu做其第三女主角,角色有發揮,令人眼前一亮,只可惜無以為繼。

唔少觀眾應該記得Lulu喺《BB來了》,只得一句對白,原來對佢嚟講,仲有更差待遇嘅安排!「嗰個都唔係最差,我啱啱拍嘅《她她她的少女時代》感覺仲差,最慘我係收信去演嘅,意思係你已經加入呢套劇!我有經驗,所以唔會第一時間就開心,因為我唔知道做咩角色,所以就等通知,但係遲遲都唔通知,就算啦,我都唔理,因為《超時空男臣》之後,我其實睇到自己將來會係點樣,唔會再演到有人名嘅角色,唔識得點樣形容,總之就係無前景,唯有繼續做住先,呢套《她她她》我會形容為,仲差過啱啱訓練班出嚟,我唔想用個差字,呢個都係我嘅機會,坦白講每一次演出都係一個機會,無發揮空間裡面或者你搶到或上到位呢,我會咁樣諗,但係我唔會去睇低每一個角色,只不過係咪要去到咁樣呢?其實我係飾演田蕊妮嘅健身公司裡面嘅職員,唔只得我一位同事,對比起我,佢哋年資當然比較淺,但都已經唔算係新人,我相信大家都係因為under show而走埋一齊,但當佢哋見到我嘅時候,我相信佢哋都應該會覺得OK,呢位姐姐都咁樣,無問題啦。即係可能我俾到安慰佢哋啦,所以就一齊渡過咗。我諗夠喇,真係夠喇!」





我只係記得Lulu姐姐冇幾耐之前喺開心速遞扮一隻企喺覓雪琴行隔離嘅一隻雞,得兩句對白

[ 本帖最後由 johnwong0800 於 2019-2-12 08:45 AM 編輯 ]



熱賣及精選
加入無綫不要諗著咬份"老底",要的是博機會,成為大名星,不其然,就是有大戶包起,埋街食井水。


佢想做第二個譚玉瑛,可惜TVB只養一個譚玉瑛


我建議佢續約好過離開
以佢嘅條件...........



[隱藏]
引用:
原帖由 戰鬥吧 於 2019-2-12 01:36 AM 發表

我建議佢續約好過離開
以佢嘅條件...........
我都係咁話,個人覺得佢響外面未必撈得掂,以佢嘅性格來睇。



湖海洗我胸襟,河山飄我影蹤,雲彩揮去卻不去,人生休說苦痛。
上大陸,點都多過無線嘅。


引用:
原帖由 金銀幣 於 2019-2-12 01:17 AM 發表

佢想做第二個譚玉瑛,可惜TVB只養一個譚玉瑛
抵大台收視率越来越低,養埋班垃圾!



回覆 引用 TOP

呢d價根本係迫你自己走


回覆 引用 TOP

冇辦法,娛樂圈好現實,紅唔起就要out,唔係一般office俾你穩穩定定做成世。
祝福佢,希望佢有更好發展。



[隱藏]
引用:
原帖由 sowina 於 2019-2-12 02:04 AM 發表

冇辦法,娛樂圈好現實,紅唔起就要out,唔係一般office俾你穩穩定定做成世。
祝福佢,希望佢有更好發展。
tvb冇人情味..又係減騷人工依招...減到7000..尊嚴都冇..



引用:
原帖由 戰鬥吧 於 2019-2-12 01:36 AM 發表

我建議佢續約好過離開
以佢嘅條件...........
出面求其找sales都過10000萬人工啦



引用:
原帖由 湖海洗我胸襟 於 2019-2-12 01:44 AM 發表



我都係咁話,個人覺得佢響外面未必撈得掂,以佢嘅性格來睇。
狗眼看人低



回覆 引用 TOP

邊個lulu大埔lulu


回覆 引用 TOP

引用:
原帖由 nbachung101 於 2019-2-12 02:30 AM 發表



出面求其找sales都過10000萬人工啦
講尊嚴就唔好將底牌萬幾蚊人工揭出嚟比人睇
到佢出去搵工都可以嗌高啲價吖
TVB又冇話炒佢,重唔夠比足面佢?
即係:你鍾意就續約!唔喜歡咪走囉!
以佢嘅知名度走唔走都冇人知架啦!唔駛唱通天啩!
如果佢係猛將又駛乜喊苦忽啊!!



[隱藏]
夠唔夠最低工資?


 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。