• 瀏覽: 2,733
  • 回覆: 22
  • 追帖: 1
[隱藏]
2019年2月18日 下午12:30


【人到中年要能把壞日子過好】月入6萬育2兒40歲男被炒 為養家再拼搏:唔介意去快餐店做更多人到中年突然被炒,突然失業始終係一大難關,要跨過絕唔容易。有位40歲嘅巴打,喺網上分享自己被炒之後嘅心情。並唔係要發放負能量,相反係淡然咁分享人生起伏,態度豁達,當中嘅正能量令唔少網民大受感動!

會考3分17歲開始打工 靠自己一步步打拼

巴打本身從事廣播工程,觸及電腦及媒體。佢話自己17歲出嚟做嘢,做咗23年,最後一份工就做咗11年,職位係「Solution & Tech Manager」。佢嘅人生從來都唔係一帆風順,讀書時會考只有3分,中五畢業後就開始投身「社會大學」。

把握機遇 迎來事業轉捩點

佢唔係一開始就從事專業,中學畢業後嘅第一份工係倉務員;之後佢機遇巧合下見過電腦中心嘅招聘啟事,就膽粗粗去試。佢唔介意朝10晚10、六天工作、只有4000蚊月薪,形容一年間學咗好多電腦嘢;佢後來又做過售貨員賣電腦,之後覺得自己仲年輕仲想學嘢,所以又讀咗個課程「轉跑道」,轉而從事設計行業。

佢做咗一年設計後,開始想做更多平面設計以外嘅工作,更想做嘅係網站相關工作;佢再讀電腦相關課程,之後入咗間新開嘅公司,正式入咗電腦行業。佢繼續爭取機會,進一步做同影片有關嘅工;其後更被招攬到一間美國公司做(即係佢最後做緊嘅公司)。
一個接一個工作挑戰 體會不同國家同事處事

喺呢間公司做咗11年,佢喺外國嘅日子好多,要面對不同國家嘅同事、客人,例如:美國、日本、韓國、東南亞各國等,挑戰一個接一個:外國人歧視、語言熟習問題、人事鬥爭、無間斷嘅麻煩電腦問題。對於呢一切,佢都沉著處理,更有深刻體會:「美國、歐洲係諗方法去解決問題;中港台、東南亞就係諗方法去防止問題。」

人工6萬被炒:公司只當員工係一堆數字

佢被炒之前大約6萬蚊月薪。回望過去,佢話一直都無計較過人工,入職時已係人工較低。佢自覺自己唔係專才,所以唔介意做豬頭骨、蝕底嘢,做到嘅都會做。佢嘅工作原則係唔擦鞋,唔會為啖氣,唔會為嘈而嘈。而今次被炒,佢形容人工「補足有突」,其實算「開心走」。

佢最唔捨得嘅,其實係一班同事、下屬。佢多年來見過唔少震盪,曾見過公司一次過炒一個部門,公司恆常地炒人,令佢意識到「公司只係當我哋(指員工)係一堆數字」。作為經理級嘅佢,曾經幫同事爭取花紅,因為覺得佢地嘅付出唔可以當無事。
巨浪襲來公司精簡架構 一組12人剩3人

巨浪最終都無可避免冚過嚟,巴打終於要走。佢嘅公司要精簡架構,之前已將資源逐步搬去菲律賓,其後更加想搬去印度,佢已算係最遲走果批員工。巴打不諱言,印度嘅人工比現時員工低三分二。佢原本果組就由全盛時期嘅12人,變成只有3人。
育2兒為養家願減人工 巴打:唔介意去麥當勞做

人到中年被炒,巴打無自怨自艾,只係想簡單休息兩個星期。對於未來,佢睇得好開,但有一樣嘢佢堅持,就係佢結咗婚、育有兩個小朋友需要養家,所以一定會搵嘢做。話雖如此,佢嘅心態好放得開,會試下搵返原本果行做,人工盡量爭取,但有減人工嘅心理準備;佢同時有諗過自己開公司創業;就算上述嘅嘢都唔成功,佢甚至唔介意去麥當勞做。佢話老婆原本係護士,不過已無做嘢5、6年,而佢唔希望老婆感到壓力而要再做返嘢。

唔少網民睇完都話叔叔巴打好成熟,好有經歷,更覺得做到佢嘅同事係幸福。而且巴打嘅經歷,更為一啲面對事業樽頸嘅網民指明咗方向。網民都祝福佢可以盡快搵到工,繼續拼搏,甚至係創業成功!的確,失業唔一定係絕路,都可以係一個新開始,推倒重來往往可以創新天,唔試過又點知唔得呢,係咪?

幾叻都好,私人機構點都係危。公營機構可以穩陣到退休。



免責聲明
本人所發表的文章,圖片、聲音、影片、超連結或其他,並不可靠,均不構成任何投資的邀約或建議!!!

回覆 引用 TOP

熱賣及精選
小版主有冇原文link呀?


紅褲仔上,做到六皮,難得啊!


紅褲仔去美國公司做,呢點已經可以「西」走好多人。有啲人打硬仗,自己都硬起嚟,totally abrasive,講兩講當你殺父仇人。


文中主角絕對係真正打硬仗嘅人,先至有啲咁高 EQ 嘅反應。



引用:
原帖由 PacificIslander 於 2019-2-18 06:44 PM 發表

小版主有冇原文link呀?


紅褲仔上,做到六皮,難得啊!


紅褲仔去美國公司做,呢點已經可以「西」走好多人。有啲人打硬仗,自己都硬起嚟,totally abrasive,講兩講當你殺父仇人。


文中主角絕對係真正打硬仗嘅人,先至有啲咁高 EQ 嘅反應。 ...
其實紅褲系咩意思?



男主角最失敗係入錯行,我一早叫的唔係精英唔好做 IT, 佢如果入建造業,醫護,做到 60 歲都大把世界,唔使 40 歲壯年就失業,又一 IT 人悲劇。


[隱藏]
引用:
原帖由 PacificIslander 於 2019-2-18 06:44 PM 發表

小版主有冇原文link呀?
紅褲仔上,做到六皮,難得啊!
紅褲仔去美國公司做,呢點已經可以「西」走好多人。有啲人打硬仗,自己都硬起嚟,totally abrasive,講兩講當你殺父仇人。
文中主角絕對係真正打硬仗嘅人,先至有啲咁高 EQ 嘅反應。 ...
原文係YAHOO

https://hk.news.yahoo.com/%E3%80 ... 4%B7-043005004.html

但都係引述自連登。



免責聲明
本人所發表的文章,圖片、聲音、影片、超連結或其他,並不可靠,均不構成任何投資的邀約或建議!!!

回覆 引用 TOP

引用:
原帖由 rhk100 於 2019-2-19 11:02 AM 發表

男主角最失敗係入錯行,我一早叫的唔係精英唔好做 IT, 佢如果入建造業,醫護,做到 60 歲都大把世界,唔使 40 歲壯年就失業,又一 IT 人悲劇。 ...
建築做到六十歲



回覆 引用 TOP

引用:
原帖由 discuzz-me-la 於 2019-2-19 09:51 AM 發表




其實紅褲系咩意思?
除便 google 都可以查到。紅褲仔泛指,由基層做起,一步一步晉升,做到高職位,係自學成功。對比學院派,即係讀飽書然後出身,一出來就做乜乜官噉。


「紅褲子出身」的典故
 
不少人都知道「紅褲子出身」是代表由基層做起,不屬學院派。但你又知道這句說話的典故嗎?


紅褲子的典故是梨園的守護神為華光先師,祂原為天庭火神。傳說某次有戲班演出時鑼鼓聲打擾了玉皇大帝,衪命令火燒戲棚。火神不忍戲班弟子葬身火海,叫戲班弟子燃燒大量衣紙和香燭,製造煙霧遮蓋戲棚,令玉帝以為戲棚冒出煙火。


火神又囑咐他們全部穿上紅褲子,當玉帝見戲班弟子下身全都是火紅色,誤以為他們被燒至皮開肉綻。自此,習戲小演員都穿上紅褲子,而梨園中人更奉華光為戲神,尊稱華光先師。



回覆 引用 TOP

引用:
原帖由 discuzz-me-la 於 2019-2-19 09:51 AM 發表




其實紅褲系咩意思?
紅褲夠剎氣,而家趁何生病,去葡京必備



回覆 引用 TOP

引用:
原帖由 rhk100 於 2019-2-19 11:02 AM 發表

男主角最失敗係入錯行,我一早叫的唔係精英唔好做 IT, 佢如果入建造業,醫護,做到 60 歲都大把世界,唔使 40 歲壯年就失業,又一 IT 人悲劇。 ...
做 IT,暫時阿豬(今年),阿狗(去年)都可以做。所以 A版友到 Z板友都可以做。


RHK 版友更加係度做 IT,不過傳聞好快去渣紅的。   



[隱藏]
引用:
原帖由 PacificIslander 於 2019-2-19 01:16 PM 發表



做 IT,暫時阿豬(今年),阿狗(去年)都可以做。所以 A版友到 Z板友都可以做。


RHK 版友更加係度做 IT,不過傳聞好快去渣紅的。   
"RHK 版友更加係度做 IT,不過傳聞好快去渣紅的。"

好快都要等退休啦 ! 自問都係 香港 IT 界嘅精英一員,希望可以做到退休。



上唔到位既話,IT 退休中位數是四十幾歲,777 知道嗎?


回覆 引用 TOP

引用:
原帖由 rhk100 於 2019-2-19 01:39 PM 發表




"RHK 版友更加係度做 IT,不過傳聞好快去渣紅的。"

好快都要等退休啦 ! 自問都係 香港 IT 界嘅精英一員,希望可以做到退休。
要去越南出差的,都是猛料!





回覆 引用 TOP

引用:
原帖由 rhk100 於 2019-2-19 01:39 PM 發表




"RHK 版友更加係度做 IT,不過傳聞好快去渣紅的。"

好快都要等退休啦 ! 自問都係 香港 IT 界嘅精英一員,希望可以做到退休。
退休果日,Uber滴滴,自動駕駛,可能紅的都冇得揸,要去印度揸篤篤



引用:
原帖由 singsingcat 於 2019-2-19 03:37 PM 發表


退休果日,Uber滴滴,自動駕駛,可能紅的都冇得揸,要去印度揸篤篤
以香港政府和公務員心態,我拍心口話香港未 來50 年都須要司機揸車,就算印度有自動駕駛,香港都唔會係短期內跟嘅。



回覆 引用 TOP

[隱藏]
IT 退休可轉行做DC9, 做到70 歲


提示:支持鍵盤翻頁左 右
[按此隱藏 Google 建議的相符內容]