註冊 登入



打印

【大走音】謝安琪演唱時耳機失靈:我喺後台度喊

【大走音】謝安琪演唱時耳機失靈:我喺後台度喊 E-mail 此主題給朋友

[隱藏]
走音片: https://www.youtube.com/watch?v=ML-lfeUBy0I



謝安琪(Kay)昨日(12日)出席首屆《KKBOX香港風雲榜活動》,Kay擔任「風雲大使」,並與Supper Moment在台上合唱歌曲,但期間Kay的耳機失靈,對此她說:「其實今日個表演都好難忘啊,個耳機由一開始都好大干擾,干擾到我連band leader嘅聲都聽唔到,我就好徬徨。咁我唯有聽現場嘅聲,我聽到音樂,先追住入囉。我由第一隻歌已經好緊張,我由第一隻開始個心入面猛咁喺度祈禱,希望耳機快啲有返聲,所以今日個演出好難忘啊。」

Kay坦言對此有點不開心,更在後台落淚,她說:「因為我個演出好長,我唱成五首歌,所以我由第一首歌咁,我就好擔心喇。其實我唱完第一首歌之後就到Supper Moment嘅,咁佢哋唱緊嘅時候,我就係咁喺度同技術人員講,佢哋都好畀心機幫忙嘅,咁但係一路都未處理好呢個問題,咁我急起上嚟,我就喺後台度喊啦,我都未試過發生件咁嘅事嘅,咁大家見到我喊呢,又再緊張啲啦,我睇住佢哋全部標晒汗呢,但係無人解決到嗰個問題。」


Kay表示在演出時,因耳機出問題,連自己彈琴的聲音都聽不到,又聽不到Supper Moment主音陳仕燊(Sunny)和結他的聲音。


Kay在日前與Juno一起推出兩首新歌,分別是《寂寞就如》和《其實寂寞》,她表示文案和MV都會很快推出,因為MV已經拍好。

Kay同時感謝Sunny幫忙,「佢知道我好徬徨,佢特登企到好近嘅,大家唔知嘅話以為我哋做咩咁熱情。其實就唔係,係因為聽唔到,佢要企到好近,俾我睇到佢唱到邊度啊。」Kay又說:「今日真係好多狀況,我連彈琴嘅時候,個咪枝mic stand都有問題,個咪係一路跌緊嘅,又有兩個工作人員跑出嚟幫我。」

提到今天(13日)是Kay的42歲生日,她表示:「我生日就好簡單,本來無生日願望,我依家有喇,我希望今呢就工作順利,我以後出場,咪同耳機都生生性性,我嘅願望好卑微,希望呢個願望可以真係實現喇,今年一切順利啦!」被問到老公張繼聰有沒有送生日禮物給她,她說:「我其實成日都叫大家唔好準備禮物俾我,因為我個人好麻煩㗎,唔係咁容易買禮物俾我嘅,咁所以我成日都話禮物可免則免啦,我覺得一個人佢付出嘅時間,佢點樣對你啊,咁係仲緊要啲嘅。咁所以,其實平日對我好都夠㗎喇。」



但佢平時都走開音 走左十年

https://www.hk01.com/即時娛樂/305358

[ 本帖最後由 元朗歌神 於 2019-3-15 11:53 AM 編輯 ]



熱賣及精選
汲取經驗之後,下次可以臨場應變,例如叫台下的粉絲一齊唱,如果粉絲夠多的話,氣氛會好好。


回覆 引用 TOP

整容怪 走音當飯食


2018年1月  許廷鏗穩奪 叱咤樂壇男歌手 金獎

回覆 引用 TOP

除耳机 不行嗎??  應該現場有音樂, 因唱LIVE 真要識執生.
因我糸 YOUTUBE 都找不到條片聽, 要去B站才聽到... 唱得5好聽, 和同Suppermoment 開頭好似各有各唱咁, 后期都還可以
佢真糸要學下唱歌, 都唱左咁多年, 唱live都糸咁样, 真糸5得....

[ 本帖最後由 kalcci 於 2019-3-13 05:19 PM 編輯 ]



[隱藏]
乜都有得賴


「請你一定要相­信自己,一定要接受、喜歡自己的樣子,一定要讓自己變成你真心會­喜歡的樣子。如果你想要做的,不是長輩所控制你的樣子、不是社會­所規定你的樣子,請你一定要勇敢的為自己站出來,溫柔的推翻這個­世界,然後把世界變成我們的。」
引用:
原帖由 kalcci 於 2019-3-13 04:47 PM 發表

除耳机 不行嗎??  應該現場有音樂, 因唱LIVE 真要識執生.
因我糸 YOUTUBE 都找不到條片聽, 要去B站才聽到... 唱得5好聽, 和同Suppermoment 開頭好似各有各唱咁, 后期都還可以
佢真糸要學下唱歌, 都唱左咁多年, 唱live都糸咁样, 真糸5得.... ...
如果你有現場表演過,你就會知道現場喇叭出黎ge音樂係有delay, 同埋冇耳機就好似朧左咁完全聽唔到自己唱緊咩



引用:
原帖由 元朗歌神 於 2019-3-13 12:56 PM 發表

走音片: http://whyhow.info/view8/6978/
/qEIfSKZzxaZuaOQ0wO2rr-eREVZAJdbxWqLliFqi5Yg?v=w1920r16_9

謝安琪(Kay)昨日(12日)出席 ...
其實佢講咩香討都無人明,因為係E度無咩人係大場唱過歌,係大場自己聽到音樂時和唱出口時時間跟本不一樣,而且指揮也是必須,如果大家看看演唱會就知道,可以check吓lady gaga個演唱會個指揮收幾錢。
看到有些人説叫台下一齊唱,真的笑左,叫觀眾唱shallow........看看當日唱咩歌先啦。
有些人說兩個人唔佩合.......都聽唔到點佩合,同老闆問,點解你唔係我心裡條蟲有咩分別。
講真個拍子還可以我已經接受,如果大家試過唱歌一隻耳收到尖聲或其他雜音,一路要唱下去就應該明白。
如果係當年王菲已經唔唱,如果係張歌神也一樣,陳歌神直情會罵人都唔奇.......



回覆 引用 TOP

引用:
原帖由 matthewchchow 於 2019-3-13 17:42 發表


如果你有現場表演過,你就會知道現場喇叭出黎ge音樂係有delay, 同埋冇耳機就好似朧左咁完全聽唔到自己唱緊咩
以前沒有耳機就聽monitor, 做live一定有monitor的.



引用:
原帖由 cl1403 於 2019-3-13 05:58 PM 發表




以前沒有耳機就聽monitor, 做live一定有monitor的.
企定定係台上面聽返台上面個monitor喇叭係可以,但係佢今次係個台下面唱根本聽唔到,同埋有時現場太嘈係會連monitor都聽唔到所以要用耳機



[隱藏]
引用:
原帖由 matthewchchow 於 2019-3-13 18:03 發表


企定定係台上面聽返台上面個monitor喇叭係可以,但係佢今次係個台下面唱根本聽唔到,同埋有時現場太嘈係會連monitor都聽唔到所以要用耳機
咁台下就真係死得啦。



回覆 引用 TOP

其實都走開音嫁啦
有乜好喊丫



引用:
原帖由 gillbb 於 2019-3-13 06:15 PM 發表

其實都走開音嫁啦
有乜好喊丫
😂😂!太直接了
做歌手有機會遇到咁情況,要穩定,好多細的睇住架



回覆 引用 TOP

唔用耳機,歌手在現場只會聽到混亂嘈雜


回覆 引用 TOP

引用:
原帖由 matthewchchow 於 2019-3-13 05:42 PM 發表


如果你有現場表演過,你就會知道現場喇叭出黎ge音樂係有delay, 同埋冇耳機就好似朧左咁完全聽唔到自己唱緊咩
點解演唱會時見有d歌手會唱唱下除左耳機



「請你一定要相­信自己,一定要接受、喜歡自己的樣子,一定要讓自己變成你真心會­喜歡的樣子。如果你想要做的,不是長輩所控制你的樣子、不是社會­所規定你的樣子,請你一定要勇敢的為自己站出來,溫柔的推翻這個­世界,然後把世界變成我們的。」
[隱藏]
引用:
原帖由 cyruschicken 於 2019-3-13 07:01 PM 發表


點解演唱會時見有d歌手會唱唱下除左耳機
有可能個耳機太大聲自己又較唔到咪除lor



 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。