• 瀏覽: 5,107
[隱藏]
自《Toy Story 4》預告正式會係 6 月上映後,Toy Story 嘅熱潮就一浪接一浪,不同品牌都爭相推出聯乘系列,繼韓牌 Innisfree 後,今次有台灣本土品牌 FreshO2 與 Toy Story 聯手,推出「玩具總動員限量聯乘彩妝系列」,一系列超 Cute 產品粉絲千祈唔好錯過!





限量系列總共有十件產品,分別係兩款四色眼影、四色唇膏、三眼仔高光粉、打亮粉、補水潤唇膏,以及火腿隨身鏡。兩款四色眼影用咗薯蛋頭夫妻做主題,分為自然大地色及玫瑰粉色,每盒都齊備啞光及閃粉眼影,打造眼妝話咁易!





除咗眼影外,又點可以錯過唇膏呢!今次唇膏包裝用上火腿、彈弓狗、泡泡龍、勞蘇,加上焦糖奶茶、豆沙等唇色,每款唇色不挑膚色,完全可以直接包款!另外仲有必備嘅潤唇膏,白色底色襯托迷你 Toy Story 公仔,送禮自用都啱!





想入手嘅Sis可以去佢哋嘅網店,或者去台灣各大屈臣氏啦!



回覆 引用 TOP

[按此隱藏 Google 建議的相符內容]