註冊 登入



打印

見工後不足一星期就見到再出 ads 香討焦點

[隱藏]
樓主見工果陣,應該無問到如果okay幾時會有feedback?


如果真係無,尤其是個新同舊廣告之間唔係有個好regular既interval, 一般來講再見到同一個廣告登出來/有些微modifications既,都可以理解為落選架啦。

雖然都應該無錯,但都無需要太過灰心。好似樓上其他人甘講,唔proceed你既申請可以有好多原因。e.g. 就算覺得你真係適合,但predecessor未走/部門唔太急著請番個人,甘既情況公司想收多幾輪cv,見多d人先再決定,其實都有可能 - 事實上,呢種説法最近我都聽過唔少。呢d情況我都有問番對方,收多幾輪究竟cv有何作用?點解又吾等最需要人既時候先登廣告?對方只會答番你,'我地都係想揀個真係適合既姐' - in other words姐係其實唔趕人用啦,你急對方唔急。你可能會話,收多幾輪cv唔緊要,最重要係對方其實係唔會2-3星期之後打番來,話揀完一大輪之後最後都係決定請你 - 係架,所以依家揾工其實好講彩數。

想分享個自身經歷:有間公司18/4登廣告,我即日send application,24/4打來話約26/4上去見工。上到去個hr問我係咪可以即時返工,我話係,對方就答'甘你呢排都會照樣揾住先架啦!無所謂啦,上到來未即管見下lo’,之後pass左比supervisor見。當時我已經覺得有d奇怪,後來從supervisor口中先得知,原來間公司expect個candidate五月尾/六月頭先返工(廣告上面無寫呢點。甘對方都有講左個理由我知既,信唔信就另一樣野啦)。見完supervisor之後,對方話要等1-2星期,合適先會再約見,到時見老闆,再決定請定吾請。到剛過去既星期五10/5, 剛剛滿兩個星期;同一日,間公司再登同一個廣告出來......

【當然,對於我呢個經歷,我其實覺得我唔係對方既'intended candidate': 對方可能覺得,既然我五月底/六月頭先要人(當住係真先),甘四月中~尾登廣告,見一/兩次,合適就既比offer, 對方通常要一個月通知(意思姐係......),甘到五月尾/六月對方就可以來番新工啦!】

[ 本帖最後由 ilovecwy 於 2019-5-13 11:55 PM 編輯 ]



熱賣及精選
引用:
原帖由 inyrd 於 2019-5-14 08:49 AM 發表


謝謝你咁詳細既分享...
我真係唔記得問幾時會有feedback, 所以而家既猜度都係負面
心情都有d低落

而家你搵到工未呀?
大家一齊加油 !
共勉之
上個星期本來終於有人請,條件都合曬我要求,但番落之後發現因爲細公司,所以每個星期返貨都要點+搬下貨甘,自問做唔來,所以無做,依家心情仲調整緊 - 當然要繼續揾工啦!多謝你既鼓勵,大家一齊努力!



引用:
原帖由 inyrd 於 2019-5-14 05:00 PM 發表


睇黎都好事近 !!
哈哈,望就甘望啦。



回覆 引用 TOP

引用:
原帖由 棉棉花糖 於 2019-5-15 05:58 PM 發表




打左去問   對方話仲in緊其他candidates, 要遲下先有結果
似乎間公司看來都仲想見/揀下人先,但呢d情況通常最後都好少會番轉頭揾番你。無既,好似拍拖甘,你係對方眼中未好到對方願意爲你放棄成個森林 - 甘唔一定代表你差,最多只能夠講你地無緣。好似樓上甘講,揾住第份先啦!



[隱藏]
引用:
原帖由 eliskw2000 於 2019-5-15 08:27 PM 發表

多人爭,要求自然高,唔啱心水咪再出ad囉。
成日都覺得,莫講話依家,根本揾工既人從來都唔少,雇主見左一個/堆can,如果知道自己唔係趕到聽日無人返工就一發不可收拾,甘真係可以拍住心口講'呢個唔夠好,再見下先啦'。


反而好似我剛quit左既果份工甘,外國公司,規模唔大(連埋外籍老闆得3個人),個hr+admin阿姐由一開公司做到宜家(15年),去到今個星期last day然後移民,所以要請replacement。據知兩個月前已經開post請admin manager個位,但係收到既cv全部本身揾緊50-60k一個月,老闆''無prepare到呢種budget'' (個阿姐人工連21k都無 - 雖然公司有13糧+discretionary bonus of usually 1-month salary, ie 實際出14個月),所以請左兩個月都請唔到,直至今個月頭又再登(因個阿姐14/5 last day), 當時先比我留意到,約見完合適所以1-2鐘頭内已經打來問聽日可唔可以返工(因爲要等個阿姐交帶低所有工作同自己一路以來既filing system同way of working - 呢d個老闆一路唔知亦無理),salary就算我要求比廣告上寫既多兩千,個老闆都無再壓價。問題係,呢種公司/空缺有幾多?


想分享以上例子,因爲想講,例如呢個版有其他網友成日都話見工得個見字,1st/2nd in之後又無回音/好似呢個帖所講甘又再登廣告,但事實係宜家社會已經唔係所有行業都甘labour intensive,公司無人開工就唔掂。呢樣野之上,覺得有absolute need要儘快請人既公司其實都越來越少(e.g. ''或者其他同事可以兼任住先?''/覺得''出面一定有更平更好既人等緊我地去請''/''真係想請個同我地一拍即合既人番來呀'') - 換個角度,如果唔係甘,邊有公司會等工轉工既can最少一個月呀?


工,係要揾,而且想儘快揾到合適既,但我覺得,有時候,又真係唔輪到我地唔自求多福一番......



引用:
原帖由 babypnk 於 2019-5-16 01:05 PM 發表


去到second in都唔請人咁何必要搞second in
um....一般公司1st同2nd in既安排通常係:1st in係由hr/文職同事見下can,合適既先再pass比supervisor/boss做2nd interview。而某程度上1st interview其實作用唔大:要强調係'某程度上', 係因爲你過唔到1st in,就唔會有2nd in既機會;但過到1st in, 又唔代表自己好有機會受聘,因爲實際使用者/最終評核者係2nd interview既interviewer, 而1st in同2nd in 既interviewers通常取態都有明顯唔同 - 有可能個can 同事係1st in時候覺得唔錯,但2nd in時老闆/supervisor覺得唔得(一來因爲他們更加了解incumbent實際要做既工作,所以容易判斷到申請人係咪適合);亦有可能1st in 既interviewer知道final decision都係2nd in 既interviewer落既,所以自己就唔做太多野(包括其實都需要既screening),等2nd interview既時候申請人同interviewer之間自己討論, 甘就更加增加左係second in既時候覺得其實都係唔合適/唔夠好既情況。


所以有second in係咪代表好有機,second in之後都唔請係咪好過分 - let's say 二揀一都揀唔中自己,甘都無辦法,可能人地背景/人工/性格上真係比較適合呢 - 其實又唔一定既我覺得。



引用:
原帖由 電梯滴滴浴缸 於 2019-5-16 06:54 PM 發表

有某些公司可能根本不是請人,刋登招聘只係證明公司有競争力,我有朋友做過hr,當然不是每間公司如是,我曾見有一間公司在我未去面試的半年前,及我面試後半年,足足刋登了六次招聘,當然我都係無影啦 ...
呢種故事都有聽過。究竟係幾時開始不停/regularly登廣告請人 = 公司有競爭力? 我估大家都明白,其實唔係每個行業每年都有新,好既境況可以support到定期請人架,尤其是香港多數都係sme居多,空缺真係要有人走/内部有晉升/真真係有新市場+需要(記住好多公司而家都已經行所謂既horizontal development, 甘又何來有職升?)先會出現。難道香港d公司高層/老闆/hr既自尊心真係甘低,需要成日係外面見到自己公司既廣告先安落?

又如果,係公司每年都有budget for hr purposes,所以無論如何,需要人與否,筆錢都要用左去,以免上頭cut budget之後真係需要既時候麻煩?又如果,hr同事要keep住做d野話比老闆知hr其實仲有價值......



回覆 引用 TOP

引用:
原帖由 babylon123 於 2019-5-16 09:16 PM 發表




咪玩啦
收履歷開價五、六萬
老細出兩萬幾邊請到人
其實真係會有甘既情況出現:從申請者方面,雖然廣告寫3 years of relevant experience or more, 但job title 係請admin manager, 甘情況下會來申請既通常都已經係其他公司做緊admin manager既位,有番一定經驗但又想轉工既,叫價5-6萬甚至更多一d都唔出奇;至於雇主方面,um......其實之前上班一族果邊都有個sme雇主分享,話想請個文職位樣樣野都做下果種,budget理想上頂曬籠都只係20k,其實以sme為多數既香港來講,同類case一定唔少。尤其是,自己出得來開得sme既,係有一定/穩定生意+客源既,但老闆當然係想自己賺最多。係需要個人幫手做曬文職各各樣樣既野,但對方人工當然唔可以太高啦,一來對方始終唔係bread winner,二來對人工高自己作爲老闆所得到既就會少左,甘又點得呢?


講番我之前分享果個例子,果個由開公司做到今年59歲決定移民既admin manager阿姐,15年來又無話特別request要高d人工 - 試想下她自己last salary連21k都無,但要一脚踢,連搬貨都做埋。都有略略問過她背景,sars果陣被公司裁員,之後就入左去呢間公司做account(本行)+admin,貪呢間公司唔使ot, 外籍老闆處事開明,公司又人少少,放左工仲可以番去煮飯,她話對她來講已經係more than enough架啦。所以都唔怪得曬個外籍老闆開post請replacement既時候個budget一直係20k或以下架。其實打工仔自己都應該爭取下應得既,唔好做壞個市。唔係只係講緊人工,連職責都係。



引用:
原帖由 babypnk 於 2019-5-16 09:40 PM 發表


先多謝你咁詳細既分析
咁如果1st in已經係自己個阿頭,點解仲要搞2nd in
實際情況當然要了解多d先知啦,但我覺得有d公司對於請人依然停留係一種好傳統既想法上面:對果d公司來講,1st in無論如何都只係公司同申請人之間第一次見面(呢樣的確無可置疑),除非個can非請不可,如果唔係,覺得合適既通常都先會安排second in然後再決定。

你既問題令我想起最近既一次1st in,安排其實無什麽特別,都係見下hr等個阿姐介紹下公司背景,跟住主力就係見supervisor,同你講既一樣。面試末段我當然問之後會點,幾時有消息等等,個supervisor就話,我地同事間會商討下你既申請。如果覺得合適,我地會pass比老闆,由老闆做second interview,到時就會大概係二個揀一個甘。想講呢個例子係因爲,有時候個supervisor都未必係可以落決定請人果個,而大部分老闆/再superior既人又唔想列席1st in陪下屬screen人,甘好多時就會要second in,講穿左其實(有d) 公司對内係需要呢d小把戲來劃分老闆同夥計,甚至係同事同同事之間既hierarchy;而對外,甘既安排亦可以話到比申請人聽,每個申請都係經公司認真考慮,如果最後請到你代表公司對你既能力+經驗予以肯定,同埋樹立自己係一間established, 有規模既公司形象 - 呢個同樓上講,一間公司登廣告請人係有競爭力既表現一樣,為既係goodwill。



[隱藏]
引用:
原帖由 babylon123 於 2019-5-16 10:57 PM 發表




你所講即使唔係想當然,也是以例外掩飾一般事例。邊有人月入五、六萬轉返月薪兩萬多。唔好當大家係蠢材喇。
我估有少少誤會啦,可能係我詞不達意啦:係,間公司的確收到好多d甘既cv(據説因爲當初廣告上無specify salary range), 但個老闆都無約見,只係同個hr阿姐呻點解會甘。之後個阿姐同老闆解釋,manager的確有seniority既意思,人地做開admin manager想轉工,要求50-60k以上,實屬正常。如果公司budget只係max 20k,甘廣告唔好寫請admin manager啦, 改做admin clerk,但職責同之前廣告完全一樣,甘收到既cv應該就會'正常'd - 事實亦的確如此,但果d申請人老闆又覺得唔太適合,所以又無請甘解。

p.s. 當然,聰明既你會問,一個外籍老闆,係咪連manager有何意思都真係唔知呢?答案就當然係...

[ 本帖最後由 ilovecwy 於 2019-5-16 11:18 PM 編輯 ]



引用:
原帖由 babylon123 於 2019-5-16 11:19 PM 發表




原來作故仔,博蠢人睇完唔諗。想用月薪兩萬多請admin manager。
哈哈,希望你口中'作古仔'既人唔係講緊我啦。如果真係的話,似乎蠢果個係我至真,花甘多時間寫甘多自己所見所聞,但到頭來d人只係當過眼雲烟,齋睇唔諗。其他網友如果對我既留言有疑問,亦好歡迎他們好似 閣下甘留言追問。

都仲係想糾纏下:

1) 之前都有提到,間公司需要被replace果個admin manager, 姐係我口中所講果個admin+hr阿姐,她自己本身都係20k多少少,所以第一樣想話你知既係,呢個世界上係的確有人收20k來做份叫admin manager既工既 - it's true this is rather an exceptional case but 的確存在(that's why我都話我有大概了解下她既背景 - 詳情請爬文)- 但信不信,始終由你決定。

2) 個人而言,我都唔認爲admin manager一職只值兩萬,that's why我一直都係用一個普通敘事既角度,講述香港有間公司當時當刻既做法。至於公司係sme係唔係一個可以用20k請個admin manager既原因/excuse,就留番比 閣下自己定奪。

3) 雖然作爲一個求職者,我都會按著'本能','常識',來認知manager係解‘經理', 而經理級員工一般情況來講唔應該只值20k,但從純語文角度來講,其實manager literally只係解'someone who manages things' - okay take the oed's explanation: ''A person responsible for controlling or administering an organization or group of staff'', 本身就無理會seniority呢個概念。所以我可以理解點解個外籍老闆會覺得一個admin manager位只值20k, 但對於他係咪用緊一套通用既商業語言去登廣告?起碼係個job title上我唔會話係lo。問我會唔會覺得個老闆好縮骨,走精面,就連個就admin+hr阿姐都助紂為虐,我既答案係absolutely。

4) 承接 2)尾段所講既,究竟sme既admin manager同大公司既admin manager係咪一定要一樣(無論係待遇/職責/其他範疇)?又或者係咪一定要唔同?就住呢d問題係呢個帖我同其他網友都有少少討論,有興趣可以click入去望望 --> (https://www.discuss.com.hk/viewthread.php?tid=28133406&extra=&page=1)



回覆 引用 TOP

引用:
原帖由 al5432120 於 2019-5-17 01:11 AM 發表



其實我覺得好多公司都好PK 你請唔請都3日內通知啦 有D話個幾兩個星期通知 如果最後唔請搞到浪費左成半個月 又無理由IN完一聽到話個幾兩個星期通知就即刻IN第二間嫁... ...
都有公司會做到見完工3日左右通知番你個面試結果既,但真係真係好少,好少數,果d重要本身係好急要請到人。試想想,市面上會突然間出現真係immediately available既工,機率有幾高?當人地唔急,又想揀下先,又未肯爲你放棄他們見到/見唔到既大片森林,甘....都無法架,適當時候自己唯有都要局住騎牛揾馬。只能夠講,如果你係工轉工既,可能你心裏面無甘焦急lo



回覆 引用 TOP

引用:
原帖由 Ratchet 於 2019-5-17 02:23 AM 發表


剛剛五月份試過兩種面試,
又問過玩法,如下:

一試定生死:
由 HR screening CV,交畀管理層,
面試時係直屬上司+總經理級人馬共三位面試官見,
話面試完一個月內直接有決定,唔會有 second-in ,無收到通知就當落選。

雙重把關:
First-in 是直屬上司+部門經理
Second-in 是大老闆,話面試完兩星期有決定,無收到通知就當落選。

不 ...
雙重把關過份,請問1st同2nd in相隔几耐?感覺上,一試定生死果份要等1個月先有消息好似有d耐,不過如果好似雙重把關果份甘,有兩次in再+等消息,夾夾埋埋都差唔多成個月,所以我個人就覺得兩個安排上都好相似,有少少朝三暮四既感覺。


甘你自己呢?你又覺得邊種模式比較好?



引用:
原帖由 最好的時光 於 2019-5-17 12:43 PM 發表


我估我試個月見果間日資公司同你講既情況一樣, 雖然我1st in 已經見HR同部門兩位Senior Manager, 但都係要Second in, 見埋Director, 由Director決定請唔請
所以有時假若自己心情唔太好果陣,如果有人email來講明話約1st in既,甘我會唔覆番對方lo,雖然有得見總叫做有個機會,但經驗話比自己聽,呢d通常要等好耐,到最後唔請既,唔講嘥時間啦,單單係白費心機都死啦。



回覆 引用 TOP

[隱藏]
引用:
原帖由 Ratchet 於 2019-5-17 02:06 PM 發表


試過兩次雙重把關,都係話兩星期內有消息,感覺好耐,但實際上每次都係兩三日就有下一步消息,變相由 first-in 去到有 Offer 其實唔係想像中咁耐。

上面講 second-in 果份,已經叫我去做 body check 了。

其實兩份工我都係 5月3日 in ,
雙重把關果份已經見埋大老闆同 call 我做 body check ,
話等一個月果份我就打定輸數了。 ...
有body check即係都已經算係confirm請啦,恭喜曬!!
但我有無理解錯,你其實係想做要等1個月果份?



[按此隱藏 Google 建議的相符內容]




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。