打印

[愛.回家之開心速遞] 歐陽震華群姐終成CP 群姐:我真係好傾慕佢

歐陽震華群姐終成CP 群姐:我真係好傾慕佢 E-mail 此主題給朋友

[隱藏]
群姐終於一完夢想同偶像歐陽震華拍戲,開心到令群姐露出粉絲笑容(葉志明攝)

歐陽震華大讚群姐好戲

《開心速遞》粉絲最期待畫面終於出現喇,歐陽震華真係亂入《開心速遞》,呢個畫面最開心的應該是群姐(許詩敏飾),今日二人步出化妝間,群姐成個小粉絲咁,笑得有啲怕羞,但仍難掩心中的興奮,而歐陽震華表示自己親自問珍姐可唔可以入劇客串,點知珍姐以為佢講笑,他說:「有次返嚟我同珍姐講想去《開心速遞》玩下,佢以為我講笑,同下次我再返嚟,我話我認真㗎,之後珍姐就安排咗,其實自己都有間唔中睇下《開心速遞》,都知群姐好like我,我啲朋友都係咁叫我入劇玩下,我覺得成件事好有趣,群姐係劇入面,之前同我有無形嘅對手戲,佢演繹得好好,又唔會over,又唔會under,鍾意我呢啲年紀嘅人,係我粉絲,一定係佢心靈上嘅倚靠,好似發夢一樣,就好似我自己見到偶像一樣,我返嚟做兩集,在公在私都圓咗佢嘅夢想啦。」

歐陽震華雖然只時客串,但亦十分享受今次拍攝。(葉志明攝)

而終於美夢成真嘅群姐當然興奮,她說:「我真係好開心,冇諗過真係有機會同佢一齊拍劇仲有對手戲,今次我演藝妓,佢演才子,呢個設計好完美,你睇下大家都好靚呀。」而歐陽震華同群姐都希望呢集收視,可以衝過30 點,他說:「我知《開心速遞》收視不嬲勁㗎喇,我返嚟係叨光啫,哈哈。。不過講真嘅,如果收視好,又檔期許可,又劇組歡迎,咁咪再玩囉,最緊要觀眾鍾意。」

https://www.hk01.com/%E5%8D%B3%E6%99%82%E5%A8%9B%E6%A8%82/330528/%E9%96%8B%E5%BF%83%E9%80%9F%E9%81%9E-%E6%AD%90%E9%99%BD%E9%9C%87%E8%8F%AF%E7%BE%A4%E5%A7%90%E7%B5%82%E6%88%90cp-%E7%BE%A4%E5%A7%90-%E6%88%91%E7%9C%9F%E4%BF%82%E5%A5%BD%E5%82%BE%E6%85%95%E4%BD%A2

正呀 好想快D睇呢集!



回覆 引用 TOP

[按此隱藏 Google 建議的相符內容]




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。