• 瀏覽: 173
  • 回覆: 2
[隱藏]
真係火都嚟
話說我網上做銷售都有一段時間啦
但係呢真係形形式式嘅人都有。
最經典嘅有幾單唔知有冇人同我一樣遇到呢。

第一單) 同我講話要貨又叫我留畀佢又叫我send地址戶口畀佢,我同佢話講冇得留,得一件, send個地址畀佢結果唔嚟攞無入錢, 已讀不回,最後件貨賣咗喇, 佢竟然send過嚟媽叉我話我唔留畀佢。
我真係覺得好無奈,你錢都未畀,點留呀,唔通我做生意,人哋攞錢来同我買我唔賣咩。
但對方竟然同我講話我send咗地址畀佢就代表我會留貨畀佢,我真係對白眼反到落後尾枕。

第二單)同我講話要,一定要叫我留畀佢,第二日一早嚟攞,我见夜晚你話要又話第二日一早嚟攞,我算數,破例留一次啦,結果第二日返工途中就收到对方話死老母唔要啦,大佬呀,你買嘅係燈泡嚟㗎喎,你唔要直接講啦,咁樣咀咒自己個阿媽。
第三單) 話要,同我講價,ok講完啦,大家接受咗個價錢,send咗戶口叫佢入錢,表明唔留貨,結果等做左一日都唔入錢,終於件貨賣咗喇,又係呢媽叉我,真係火都嚟。
點解網上面買賣可以有咁差質素嘅顧客,係咪大家互相見唔到面,用嘅account又係假嘅,所以可以將人嘅信用降到咁低 ,請原諒我呢個老人家不能接受。



回覆 引用 TOP

熱賣及精選
係有好多人以為全世界圍住佢轉既啦


回覆 引用 TOP

極無奈,曾經我都懷疑自已,是否我的問題,現在,我覺得我是正常的。


回覆 引用 TOP

[按此隱藏 Google 建議的相符內容]