打印

今年冠軍算唔算係史上最廢

[隱藏]
就算支持勇士都好,都覺得速龍抵贏,佢地既防守同決心都係頂級
最可惜既係KD大傷,勇士賠了夫人又折兵



回覆 引用 TOP

熱賣及精選
好同意如果勇士full team,一定可以4-0贏到速龍
不過傷病係比賽一部份,冇辦法,勇士攞冠軍既時候都有因為對方球員受傷而受惠
速龍呢隊波其實好完整,內線有細加素、史阿琴、伊巴卡
得分有可愛,羅利控制節奏同防守已經唔再係以前既泡泡龍
勇士內線一路俾人當放題咁食,佢地根本冇正視過問題,只係靠攻擊力去補足,冇傷兵既時候咪無敵,有傷兵既時候,攻力弱左,仲要俾人屈內線,結果咪唔夠打
速龍係抵贏,佢地既決心唔講得笑,勇士有傷兵,都唔可以否定佢地既決心同努力,咁既球隊好值得尊重

[ 本帖最後由 stern 於 2019-6-14 12:42 PM 編輯 ]



引用:
原帖由 45MJ 於 2019-6-14 12:37 PM 發表

因果報應, 連上帝都睇唔過眼KD 抱大腿走捷徑嘅懦夫行為, 所以要斷佢腳筋, 殺一儆百,以儆效尤
咪咁黑心啦,佢真係儒夫就唔出場啦,佢為左勇士賠上左整個職業生捱,話因果報應會唔會有啲唔尊重



回覆 引用 TOP

引用:
原帖由 f1kon 於 2019-6-14 12:43 PM 發表

一定?我話 Warriors 星散睇嚟就一定成定局,同幾年前嘅 Heat 一樣!
你睇下有KD出嗰十幾分鐘既時候,有KD同冇KD既勇士根本係兩隊波嚟



[隱藏]
引用:
原帖由 f1kon 於 2019-6-14 12:52 PM 發表

我唔否認 KD 喺 GSW 嘅存在價值,不過就算健康嘅 KD 打足成個 finals,我唔覺得 GSW 可以橫掃 Raptors,甚至可能會輸添!Raptors 係唯一一支今季常規賽橫掃 GSW 嘅球隊! ...
常規賽就唔好講啦,兩回事嚟
就算唔橫掃,勇士都會贏,你睇勇士有幾場殘陣都唔係輸得太樣衰



引用:
原帖由 thxforshare100 於 2019-6-14 01:07 PM 發表

今季常規賽速龍完勝勇士,常規賽勇士傷左幾多件? 有kd係唔係直接加30分上去咁簡單? 冇kd輸,有kd會贏面高d,但係一定贏? 唔覺囉
常規賽火箭同拓荒者對勇士都係贏多輸少,結果呢
速龍贏係值得,我只係想講,速龍唔係想像中咁強



回覆 引用 TOP

引用:
原帖由 f1kon 於 2019-6-14 01:08 PM 發表

我唔覺得係兩回事!打到 Finals GSW 全隊七勞八損,Raptors 就全隊健健康康,體能上已分勝負!最後結果都證明一切!
結果證明一切,冇人會否定
KD係幾時傷? 係總決賽出左幾多場?
我唔會話因為速龍因為勇士多傷兵而唔值得贏,傷病係比賽既一部份,但速龍實力唔係真係想像中咁強,下季就算冇勇士,仍然有公鹿、76人同西岸一大堆強隊同佢地對決,佢地要衛冕唔係容易既事



話速龍打到勇士五勞七傷真係笑話
好多勇士球員對火箭既時候已經打殘左
速龍最勁既地方係識得把握勇士既弱點,加強內線去對付佢地,只係呢樣,已經令佢地值得贏,加埋勇士傷兵既因素,天時地利人和,就造就左總冠軍



引用:
原帖由 f1kon 於 2019-6-14 01:16 PM 發表

要用水晶球嚟睇嘅嘢,喺呢一刻無謂攞出嚟講!標題係「Raptors 今次冠軍係咪最廢」,唔強又點能夠成為皇者?
個post唔係我出,每一季既總冠軍球隊都要過五關斬六將先贏到,我從來唔會否定每季既總冠軍球隊
速龍贏既唔止係勇士,仲有76人同公鹿,一圈要打到第七場,另一圈都係苦戰,佢地唔係有無比既決心,未必可以捱到今日



[隱藏]
引用:
原帖由 f1kon 於 2019-6-14 01:20 PM 發表

Right,而且佢哋打嚟打去都係嗰八個人(唔計垃圾時間)!
所以論決心,速龍比勇士優勝好多
勇士浪花兄弟係KD未傷之前只係睇波浪射,等KD執手尾,冇左KD先識發力
跟住一個又一個過勞傷晒,唔多唔少都係佢地自己種既禍限
我鍾意勇士既打法同團隊防守,但坦白講句,速龍班球員比勇士既值得尊重
我係勇士迷都係咁話



作為勇士迷,呢一圈我覺得勇士幾可恥
KD傷左仲要迫佢出,斷送左佢既球員生捱
KD第五場之後,我已經覺得唔係輸贏既問題,就算俾勇士贏到,我都唔會開心
不過我唔係勝利球迷,會繼續支持勇士,但都希望佢地反省下



引用:
原帖由 巴斯. 於 2019-6-14 02:10 PM 發表

含金量偏低,但唔係速龍的錯
好同意
就算勇士有傷兵,都要速龍把握到先得,之前贏公鹿同76人都唔係易



回覆 引用 TOP

引用:
原帖由 wai2408 於 2019-6-14 02:23 PM 發表

手感仔成熟D 既話 今日笑到最後係邊個都好難講 生死戰夠膽死仲係度玩花式控波 見到個下BEHIND THE BACK都知佢又病發鳥  上次先黎個BEHIND THE BACK PASS 送個冠軍比騎士 真係唔識吸取教訓 其實點睇勇士都係高一班波 就算KLAY 傷出, KD傷出後 速龍全場都係捱打狀態 戰術分佈+teamwork+防守策略 勇士絕對比速龍強 ...
有時睇咖哩真係睇到火滾,控波已經唔係穩,仲要成日插花同控球玩花式,佢控球係快,但我未見過佢因為控球過到人,只係見佢一玩花式就控甩,仲要成日傳失波
佢係有天份同實力,但好唔成熟,咁耐都未攞過fmvp唔多唔少係佢自己攞嚟



回覆 引用 TOP

引用:
原帖由 大鑊了 於 2019-6-15 10:46 AM 發表

終於見到個唔係勝利球迷(我係龍粉)
速龍今年決心真係好大,由Ujiri豪賭換可愛到速龍開始就已經無退路,佢當日換走DDR我都真係好傷心,之後再用JV等換加素,Ujiri每一步都係真到位,再加上護士可以令到隊球員用咁短時間就打出默契,仲有速龍個3位後備有超水準演出,仲有種種原因太多,比賽除左球員技術仲有好多嘢可以影響到賽果,速龍今年打決心波勁,不過我都覺得勇士黑仔希望 ...
速龍換走DDR,我唔會覺得傷心,因為速龍已經俾左好多時間佢
不得不佩服速龍換可愛同加素呢兩個交易,連我呢個普通球迷都已經睇到勇士內線既弱點,我唔明點解勇士可以咁多年都唔理,唔係話KD唔好,但簽完KD就簽唔到內線同後備,靠外投同進攻火力既球隊,一有球員傷就好大影響,勇士竟然可以博自己年年冇人傷
本來主力球員傷左,冇左總冠軍就算,基本上好多球隊都係咁,但佢地竟然要球員重傷都格硬上陣,斷送埋球員生捱,坦白講,就算俾佢地捱到最後,贏到都唔值,更何況輸埋



[隱藏]
引用:
原帖由 polman 於 2019-6-15 11:02 AM 發表

以一個普通球迷來說,贏了就是贏了,冇話廢唔廢,咁輸咗一隊咪仲廢?
仲有,呢場傷一件,上場傷一件,咁頭四場呢?當時少兩件傷兵,都俾龍仔場數三比一領先,樓主又點解釋呢?唔好忘記,上場龍仔都係以一分飲恨。
利申:我祗是一個普通球迷,鍾意睇波,但唔係任何一隊嘅粉絲。 ...
只係能夠同意贏就係贏,輸就係輸
但勇士頭四場陣容都唔完整,第二場KT傷出,第三場KT出唔到,KD就頭四場都冇出過
最後一場速龍係中後段冇晒KD, KT既情況都只係贏得一分,試問有邊隊可以冇左兩個主力既情況下仲可以係總決賽只輸一分,勇士都算係咁



回覆 引用 TOP

[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。