打印

[翡翠台] (最新回應) 馬明親證同姣穎分手 降呢做朋友

(最新回應) 馬明親證同姣穎分手 降呢做朋友 E-mail 此主題給朋友

[隱藏]
轉貼 on.cc & AppleDaily




今年4月爆出藝人黃心穎背男友馬國明偷食人夫許志安後,心穎被全面停工兼遭網民鬧爆,最後避走美國。事件後,馬國明曾開腔維護心穎,但就一直避談是否分手。 

馬國明接受東網獨家訪問,提到感情狀況,他以OK及過得幾好形容,問有否聯絡心穎?他主動將對方定位為「朋友」:「只可以講我哋點都係朋友,我哋係朋友,我覺得大家對呢件事嘅反應係有少少過激,感情好難講邊個啱邊個錯,大家唔需要咁大反應,唔需要去攻擊佢,而且佢都知錯,有邊個冇做錯過呢?(原諒佢?)我之前都講過,我係有嬲,但只係好短時間,之後係擔心多,希望大家之後唔使咁大反應,其實係可以畀個機會。(再同佢合作?)OK!我唔介意,我都話點都係朋友,佢又唔係我殺父仇人,感情事唔需要放到太大。(即係關係已經改變?)朋友囉!一定唔係仇人。(之前傳你會去美國搵佢?)只係記者寫啫!(媽咪有冇擔心你?)冇,都冇嘢!」他稱母親從來不會催婚,亦尊重其選擇。 


6/7最新回應:
馬國明在訪問中多次希望網民言論別過激,希望給予心穎一個機會,問到是否想幫她復出工作?他說:「唔係幫,只係件事大家反應過激囉,有啲網民,始終係感情事,我都可以同佢繼續係朋友,點解大家反應咁激呢?!只係大家係咁啄住佢嚟鬧,件事過咗咁耐,佢都知錯啦!我之前回應都講咗,佢後生仲有好多路要行,大家無謂呢件事周旋啄住佢。」

馬國明在報道中承認得知「安心偷食」後好憤怒,他澄清:「係有啲嬲,但唔可以用憤怒嚟形容,佢知自己犯錯。而家仲嬲?過咗好耐仲嬲?大家仲係朋友,總之大家唔使咁激動,冇必要做唔到朋友。」問到跟心穎分手後,是否已準備接受一段新感情?馬國明稱:「我唔答喇,唔答喇呢啲,冇話準備好未。」若然心穎想復合又是否接受?馬國明即笑說:「呢啲假設性嘅問題唔答喇!Thank you,辛苦晒!」問到他倆是否有復合機會?他亦話:「唔答喇,都冇咩可以答,我冇咩答喇,大家都係朋友。」提到再拍拖時會否更小心,以及更關注女友行蹤?馬國明就話:「呢啲將來嘅事,唔答喇,多謝大家關心。我諗都係專心做嘢先啦,大家都冇咩答喇,做好自己手頭上嘅工作先。」

現已回復單身的馬國明,又指從來不認為自己是筍盤:「大家畀面成日叫筍盤,其實就唔係真係咁筍嘅,多謝大家畀面!」問到事情發生後,有沒有跟心穎傾過如何面對傳媒?馬國明說:「其實第一次回應當日我已經講晒,亦都唔係好想再講,係囉都冇咩再可以答,其實我而家答嘅基本上都係套番第一次嘅答案嚟答,只不過大家有自己嘅解釋,就再解釋落去,我都話我控制唔到報紙、傳媒嘅標題,但我只可以話我哋仲係朋友,希望大家可以畀個機會佢。」問到情傷好番未?馬國明就引用劇集中的醫生身份說:「其實我第一次已經答咗,嬲嗰段時間好短,人誰無過呢,我冇事,我不嬲都話我冇事,當我第一次出嚟回應我已經話我冇事,我自己修復咗我自己個心,我係心胸肺科,我自己修復咗,大家唔使擔心!」

[ 本帖最後由 johnwong0800 於 2019-7-6 07:57 PM 編輯 ]



熱賣及精選
恭喜馬明


好fake好腥呀
馬明加油


快啲追李施嬅,完成5年之約。
https://www.google.com.hk/url?sa ... st=1562432228081782



Hello !!!
[隱藏]
如甘都唔分手 真係服你啦馬明


引用:
原帖由 19440606 於 2019-7-6 12:50 AM 發表

恭喜馬明
X2..馬明中於醒過來



係男人就飛9佢啦


回覆 引用 TOP

馬明叻仔


回覆 引用 TOP

梗係分開啦,全世界有華人地方都知呢單嘢, 唔通咁大頂綠帽帶成世, 你肯阿媽都唔肯呀。


回覆 引用 TOP

[隱藏]
綠帽明


戴綠帽仲係朋友
馬明真係大方



友誼波米岩晒姣穎啦,去淘支膠震棒比姣穎做分手禮物

[ 本帖最後由 ultra 於 2019-7-6 03:43 AM 編輯 ]



綠帽唔怕戴,最緊要除得快!!!


馬明值得更好


回覆 引用 TOP

[隱藏]
分手好正常


回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。