打印

[翡翠台][愛.回家之開心速遞] Venus復活回歸鄺潔楹預告組新CP:希望大家記得我

Venus復活回歸鄺潔楹預告組新CP:希望大家記得我 E-mail 此主題給朋友

[隱藏]






由第475集,Venus就失蹤了。不過經過了200多集,今日(7月12日)鄺潔楹(Judy)就正式宣佈Venus復活啦。(電視截圖)


《愛·回家之開心速遞》在不斷有新角色加入之餘,亦有不少角色消失,其中一個在網上擁有高人氣的角色,Bonnie(林凱恩飾)的好朋友Venus(鄺潔楹飾)自上年11月播出第475集後,就「被消失」了,讓不少網民都大嘆不捨。不過,鄺潔楹(Judy)今日在IG上表示,她又再回歸《開心速遞》大家庭了,說:「好一段時間無做愛回家之開心速遞,還是很有愛。」




劇組一班演員仲幫Judy慶祝生日添,好有愛吖。(IG圖片 / judy.kwong)
Venus消失100多集再回歸 鄺潔楹:希望大家仲記得我

鄺潔楹(Judy)接受《香港01》訪問時說:「其實我自己都唔記得幾耐啦,淨係知自己有一段好長嘅時間。係直到最近拍返《開心速遞》,嗰個P.A.都係上年嗰個。咁我就見到原來對上一次佢畀(拍攝)通告,已經係10月尾嘅事。我仲記得嗰一集係講緊『道德訓練營』。我而家係拍緊第600幾集,即係Venus原來係有成100幾集冇出現過,嚟緊會交代返點解Venus消失咗,希望大家仲記得我。」








今年5月鄺潔楹(Judy)正式畢業娛樂新聞台,讓不少網民擔心從此就不會在TVB見到她。(受訪者提供)
預告Venus會有感情線 CP對象要保持神秘

她也透露,Venus將於第648集開始出現:「我收到劇本嘅時候都好興奮同埋好緊張,一嚟對白都幾多,可以講嘅,就係有感情線埋伏,同埋都劇情都幾意想不到。緊張呢,係因為我已經好耐冇拍過劇,上年主要係做綜藝節目。綜藝節目雖然有少少話劇元素,但係做綜藝都會誇張少少,始終同拍劇都有啲唔同,所以返去拍劇都會有啲壓力。」會與誰組成新CP?她表示要保持神秘:「遲啲出街你就知,拍擋話要等觀眾估下。」






鄺潔楹(Judy)常常為《3日2夜》擔任主持。(受訪者提供)
簽約成「親生女」Venus即復活:會有多啲工作安排

為何會突然回歸《愛·回家之開心速遞》呢?雖然她沒有解釋,但就好可能是她與無綫正式簽了經理人藝員合約(即行內俗稱的「親生仔女」合約)有關。她說:「而家合約就係屬於TVB經理人合約,之前喺娛樂台畢業,其實都諗住再搵多啲新嘗試。拍劇係其中之一,我知道公司嚟緊都會喺劇集方面有多啲安排,呢個就要保持秘密先。不過綜藝方面我都唔會放棄,因為我都好鍾意嗰面,例如《學是學非》就好膽咁實驗,《3日2夜》就可以去旅行去玩,吃喝玩樂我又鍾意,所以兩邊嘅工作我都會Keep住做。」



1.55米身高會否成為拍劇阻礙?她笑說:「都無得驚嘅,係事實黎㗎嘛,係蝕底啲嘅講真。不過我同公司反映呢個問題嘅時候,佢哋仲安慰返我話:『可以企箱拍,影唔到㗎!』所以,咁樣就會令我更加想喺演戲方面做好啲,等大家唔好睇留意我高度,同埋一開始邊會有機會比我拍住王浩信喎呢個級數同身高嘅演員喎,我有排都未去到佢既Level,所以唔驚啦。」




https://www.hk01.com/articles/351394/

我覺得冇問題, 一定記得



熱賣及精選
一段時間無做愛
回家



花樽


回覆 引用 TOP

佢太矮了, 後生可賣可愛, 年齡一大就難發展.


[隱藏]
 
小矮小是否與Bonnie及美麗爭安仔。


回覆 引用 TOP

太矮了,頂盡只能做女二


回覆 引用 TOP

我覺得佢係好靚女, 只係太矮細,不過好多人鐘意細細粒容易食。


一係池子孝一係阿壯啦


回覆 引用 TOP

引用:
原帖由 underline 於 2019-7-15 01:11 PM 發表

一段時間無做愛
回家
扯左



回覆 引用 TOP

[隱藏]
 



回覆 引用 TOP

Thanks for sharing


回覆 引用 TOP

支持女神回歸


回覆 引用 TOP

可唔可以係池子孝呀


回覆 引用 TOP

引用:
原帖由 lpj88 於 2019-7-15 13:29 發表

佢太矮了, 後生可賣可愛, 年齡一大就難發展.
可做群姐接班人!



回覆 引用 TOP

[隱藏]
 
演技太差
本身套劇角色可有可無
只係靠個人的網上人氣爭取戲份
實在不看好



回覆 引用 TOP

 提示:支持鍵盤翻頁 ←左 右→
 




 


重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。