打印

發生輕微碰撞 想知道最後會點 求指教><

發生輕微碰撞 想知道最後會點 求指教>< E-mail 此主題給朋友

[隱藏]
小妹剛渣車唔夠1年(已過P牌),小路出大路同一架貨VAN發生輕微碰撞
當時對方讓與唔讓之間就判斷錯誤,一出就撞左佢車門度,而對方個鼻撞到流少少血擦損下
因為大家都係第1次撞車,無咩經驗,對方報左警,CALL左白車
但警察未到佢就提議郁車,行前少少怕阻到後面既車輛
所以我地都有郁過車,之後白車同警察黎到話有人受傷無得私下和解
初步口供我一時慌失失認左係自己有失誤
警察都唔知係邊一方既錯,因大家都郁左車,雙方又無車CAM
不過警察同我講有機會告我危險駕駛,搞到我好驚
幾個鐘之後對方打電話黎話已經出左院,不用住院,只有皮外傷,做左簡單包紮
佢都好好人,話見我一個妹妹仔唔洗我賠睇醫生既費用
只係問我CLAIM唔CLAIM自己既保險,但我選擇無CLAIM到
由自己去負責。。。佢只要求叫我搵車房幫佢整返好架車就可以
無要求我其他既賠償,咁我都立即已經搵朋友搵左車房幫對方整部車了
之後過左幾日警察都有打黎問我地情況如何
咁我地都想私底下和解,同埋都已經幫對方整緊部車
事發因為小路出大路。。。我小路出一方都打定輸數,唔想煩咁多野
而且對方又唔追究,警察話可以簡單處理
直到早幾日收到電話通知,交通部約我去警處落口供
我想知道落完口供之後,雖然對方唔追究唔告我
咁警察果邊會唔會告我不小心駕駛/危險駕駛呢?
阿SIR口中講既簡單處理。。。即係點呢? 
一開始話有人受傷無得私了,但依家對方都唔追究,可以和解嗎?
有無師兄師姐可以分享一下你地既睇法 ><



精選汽車
我無相關經驗,但覺得你保持番現有誠懇態度幾好。 


(另外,小路老馮讓大路,唔需要諗人地讓唔讓之間,人地慢一慢可能只是驚你衝出來,並不是讓小路呀)



回覆 引用 TOP

警察有機會檢控你不小心駕駛/危險駕駛
佢口中講既簡單處理、我估係因為你的動作同認左罪係你錯無分別、唔駛查簡單易做



回覆 引用 TOP

你態度好,被撞者都放你一馬,很幸運貨VAN司機無開天殺價,下次揸車要小心D。寶貴的一課。
最好叫貨VAN司機簽埋和解書(網上找到sample),會當無事發生.

[ 本帖最後由 panadol2013 於 2019-7-21 09:21 AM 編輯 ]



回覆 引用 TOP

[隱藏]
對方職業司機咁樣嘅態度真係好好,你遇到好人,希望只係破財了事


回覆 引用 TOP

簡單處理即係你地私下和解, 唔開file兩邊都唔告, 約你上去簽字互不追究, closed file, next


回覆 引用 TOP

無論最後要唔要claim保險,建議妳都要先報事件俾保險公司。
如對方突然反口,話有身體傷害,工作唔到等等,有排妳賠。
報保險要在事發日1-2星期內報上去,份份保單限期不同,妳報左上去結果唔claim錢,係唔會影響未來投保的,亦唔會扣NCB,有益無壞。



冇事咪握手算


回覆 引用 TOP

引用:
原帖由 candyching 於 2019-7-21 03:26 AM 發表

小妹剛渣車唔夠1年(已過P牌),小路出大路同一架貨VAN發生輕微碰撞
當時對方讓與唔讓之間就判斷錯誤,一出就撞左佢車門度,而對方個鼻撞到流少少血擦損下
因為大家都係第1次撞車,無咩經驗,對方報左警,CALL左白車
但警察未到佢就提議郁車,行前少少怕阻到後面既車輛
所以我地都有郁過車,之後白車同警察黎到話有人受傷無得私下和解
初步口供我一時慌失失認左係自己有失誤
警察都唔知係邊一方既錯, ...
妳楂車都危危地



回覆 引用 TOP

[隱藏]
引用:
原帖由 jc_hong_kong 於 2019-7-21 10:40 AM 發表

無論最後要唔要claim保險,建議妳都要先報事件俾保險公司。
如對方突然反口,話有身體傷害,工作唔到等等,有排妳賠。
報保險要在事發日1-2星期內報上去,份份保單限期不同,妳報左上去結果唔claim錢,係唔會影響未來投保的,亦唔會扣NCB,有益無壞。 ...
唔係間間保險公司都可以報完撤銷唔claim,至少有一間唔係,一報就扣ncd冇得撤銷



正常程序同對方簽和解紙,重點系沒有受傷,不作再追討,跟著去警暑簡單落2句口供,完成。利申:試過比人撞車尾又系call白車,最後私了,去警署落口供時呀Sir重點提出私了就無車手獎拎


回覆 引用 TOP

危險駕駛又未到,不小心駕駛實走唔甩,你小路出大路撞人車門,牌面上輸晒,認罪同報保險啦!


回覆 引用 TOP

你遇到好人,以後小心啲

小路出大路,見到有車老死都唔好出,等佢過左先,隨非佢停低上落客,就算佢慢車都唔好出,絕對唔好有以為佢讓你既心態,同埋揸車無以為呢樣野。

如果遇著心地唔好既人,佢會慢車,等你以為佢讓你,當你一出就加油撞車,小路出大路輸9成。

Cut線都係咁,唔好以為佢讓你就Cut,好多人篤油撞車等收錢。小心啲



回覆 引用 TOP

引用:
原帖由 candyching 於 2019-7-21 03:26 AM 發表

小妹剛渣車唔夠1年(已過P牌),小路出大路同一架貨VAN發生輕微碰撞
當時對方讓與唔讓之間就判斷錯誤,一出就撞左佢車門度,而對方個鼻撞到流少少血擦損下
因為大家都係第1次撞車,無咩經驗,對方報左警,CALL左白車
但警察未到佢就提議郁車,行前少少怕阻到後面既車輛
所以我地都有郁過車,之後白車同警察黎到話有人受傷無得私下和解
初步口供我一時慌失失認左係自己有失誤
警察都唔知係邊一方既錯, ...
call左白車都可以和解,你地兩個私低下簽和解紙(最好過一個星期左右先簽,和解一定要寫明冇人受傷),之後對方唔去落口供或者落埋啲唔三唔四既口供,到最後警察會出返中止調查通知書比你,但係如果你落左口供又認左 咁就唔知會點。



回覆 引用 TOP

[隱藏]
引用:
原帖由 dudehk 於 2019-7-21 12:14 PM 發表


唔係間間保險公司都可以報完撤銷唔claim,至少有一間唔係,一報就扣ncd冇得撤銷
以我所知係就算單案自己啱晒,即大路俾小路撞,都係要報保險的,如果你講果間公司一報就扣NCB,咁都好唔合理喎!



 36 123
 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。