打印

[遊記分享] 2019@8月~非洲之納米比亞

2019@8月~非洲之納米比亞 E-mail 此主題給朋友

[隱藏]
再次踏上非洲土地,勇闖動物的天堂-納米比亞(Namibia),納米比亞位於非洲西南邊,在19世紀成為德國殖民地,第一次世界大戰德國戰敗後,這片土地交給南非託管,成為殖民地中的殖民地,直到1990年才正式脫離南非獨立,是非洲最年輕的國家,主要語言有德語、英語、南非語和各種傳統部落自己的語言。

納米比亞對生態保育非常的重視,立國之初就將全國一半以上的土地列為保護區,使得這裡的一切還能夠保持的這麼的原始自然,而且是少數野生動物數量持續增加的非洲國家。非洲五霸(英文:Big Five game)指獅子、非洲象、非洲水牛、豹和黑犀牛這五種非洲動物,這些動物成為非洲五霸是因為徒手捕捉牠們的難度最高,而不是因為牠們的體型龐大。納米比亞、南非、肯亞、坦尚尼亞和波札那擁有全數五種動物的棲息地。非洲五霸是十分危險的野生動物,而數目也不斷下降,獅子和非洲象是易危物種,非洲水牛和豹是近危物種,而黑犀牛是極危物種。






到納米比亞的原因是在去年12月左右連續看到3-4個網友分享行程及相片,覺得好靚,於是就把原本暑假計劃到緬甸的大計再次延遲(本來4月去但撞正當新年,通巴暂停,變陣去了斯里蘭卡)。今次是在1月找資料,並計劃6-8人包13人車(司機是個香港網友介紹的),好快已經有朋友報名,當準備選日子時有一半以不同原因相繼退出(埃航墜機、價錢、伊波拉、假期),後尾得返4個,原本將計劃閣置,直到斯卡旅行回來分享行程時,中學老師話有興趣去納米比亞,仲1拖4,那就促成了這個8人團。從香港去納米比亞可選南非航空經約翰尼斯堡奧利菲坦博國際機場或埃塞俄比亞航空經阿迪斯阿貝巴機場到達。我地5月頭先開始買票,經過時間及價錢的考慮我地選擇了埃塞俄比亞航空 $6,618,過幾日已經$9xxx。

接住我就開始揾住宿及同司機夾行程,納米比亞位於南半球,7月是冬季也是旱季,夜晚的溫度常常會到0度甚至更低,亦是旅遊的旺季,住宿一定都要盡早預訂,有些住宿要一年前訂好,今次有1-2晚我們訂的也不算是最好地點,有的住宿要附半訂、也有的是全訂。

除此以外,司機就網友介紹,十日費用大約Nad27700包含租車(Nad16000)、司機人工、食及宿 (Nad11700),我們要於出發前一個月左右預先過租車費用給他(可去匯豐銀行過$到納米比亞,除兌率外還要附雙方手續費)。好景不常,出發前一天收到司機的微訊說屋企有事,會找 brother 代替,無奈要接受。油費初頭報每日 Nad600,來到就實報實銷,最終用了 Nad 4620。

整個旅程換左3次車:
- 第一日安排14座,行李放後排,但就好入塵,司機話明天換過第二架;
- 第二日冇換;
- 第三日換左架10座,要拖 trailer 才可放行李,d塵入哂行李箱、架車燒 fuse 無電冷氣;
- 第四日在公路上燒埋極瀝子,全日活動取消,等左3-4小時才有車接我們去下一站;
- 第五日話架10座整好,但等左個半小時才有車到;
- 第九日架車有燒燶味,又燒 fuse,等左1小時維修;




行程:
Day 1:
HKG 00:25 – ADD 06:25
ADD 08:35 – WDH 13:20
Arrival > Supermarket > Otjiwarongo
Stay: City Out of Africa Guesthouse

Day 2:
Otjiwarongo > Etosha Park
Stay: Eldorado Guest House & Camping

Day 3:
Etosha Park > Himba Village > Kamanjab
Stay: Melissa's Guest House

Day 4:
Kamanjab > Twyfelfontein
Stay: Aabadi Mountain Camp

Day 5:
Twyfelfontein > Elephants Trekking > Rock Engraving > Damara Living Museum > Walvis Bay。
Stay: Walvis Bay Lagoon Chalet

Day 6:
Whole day Boat Cruise and Sandwich Harbour Tour
Stay: Walvis Bay Lagoon Chalet

Day 7:
Tropic of Capricorn > Solitaire for Sunset
Stay: Solitaire Desert Farm

Day 8:
Dune 45 for Sunrise > Deadvlei > Big Daddy
Stay: Arebbusch Travel Lodge

Day 9:
Harnas > Lion Roar
Stay: Harnas Wildlife Foundation

Day 10:
Carnivore Feeding > Windhoek German Church > Independence Museum > Craft Market
Stay: Windhoek Urban Camp

Day 11-12:
Local market Single Quarter > China Town > Checkers Supermarket > Airport
WDH 14:30 – ADD 21:20
ADD 22:40 – HKG 14:40

住宿 (以8人2-3房合計)*推介:
- *City Out of Africa Guesthouse (Breakfast, 2*Twin, 1*Family Room with 4 beds)*1晚 HK$1,500,接待人員非常親切、環境乾淨舒適、有 wifi及泳池、早餐有多士、旦、穀物、熱食、甜品、果汁、水果、芝士!
- *Eldorado Guest House (Breakfast & Dinner, 4*Twin) *1晚 HK$5,200、有泳池及wifi 只在 lobby 但好弱,晚餐有湯、包、沙律、兩款即燒肉(雞、牛)、甜品係雪糕蛋糕,環境舒適。早餐有多士、煎旦、穀物、熱食、果汁、水果、芝士!
- *Melissa's Guest House (Breakfast, 4*Twin)*1晚 HK$2,500,環境乾淨舒適、有 wifi 在 lobby 但房間比較弱、有泳池,旁邊就是超級市場,早餐有多士、煎旦、煙肉、穀物、果汁、水果、芝士!
- Aabadi Mountain Camp (Breakfast, 8*Double Safari Tents, No internet)*1晚 HK$5,300,價錢包早餐,但我地行程有改,所以不吃早餐,用早餐錢每人Nad120 扣落晚餐到,晚餐每人多補 Nad140,晚餐以自助形式,有3-4款肉、沙律、蔬菜同麵包。冇熱水沖涼、水壓低、晚上睇星星好靚。建議住附近的 Twyfelfontein Country Lodge,環境靚、有泳池、餐廳、wifi。
- *Walvis Bay Lagoon Chalet (No Breakfast, Apartment*8 Bed, 2層高、煮食工具齊全,可叫司機停超市補給或自煮、有客廳及飯廳;1-Bed Apartment*2 Bed、有WiFi、步行10分鐘就到海邊可看 Flamingo)*2晚 HK$2,700。
- *Solitaire Desert Farm (Breakfast, 4*Twin, wifi, Guide Room FREE, 泳池)*1晚 HK$5,400,我地05:45 出發,所以叫酒店安排了早餐盒,內含火腿芝士三明治、雞蛋、青蘋果及果汁。
- *Windhoek Arebbusch Travel Lodge (Breakfast, 4*Twins Bed, Wifi, 泳池)*1晚 HK$1,630。這𥚃亦提供 Self Catering Unit 可比大家烤食物,早餐好豐富,有8款熱食、殼物、果汁、即叫煎旦/奄列、麵包、水果、乳酪。
- *Harnas Wildlife Foundation (No Breakfast, Self Catering 3-bedroom unit for 6, 2-bedroom unit for 6, WiFi at the restaurant)*1晚 HK$3,000。Reception 距離房間5分鐘車程,join tour 近距離睇動物。
- Windhoek Urban Camp (No Breakfast, 4*Superior Tent, WiFi at the restaurant)*1晚 HK$1,650,共用廁所及浴室,Tent 比 Abadi 大、有插蘇差電,同一價錢會選擇 Arebbusch Travel Lodge (房間有廁所、wifi 及早餐)。

註:
- 到達 WDH機場,出面有3間找換店,兌率差不多,不用手續費我們揀了最高的US1=Nad13.78(回程時見到兌率 US1=Nad14.44);
- 電話咭也可在機場買,舖頭叫 MIC,電話咭Nad 7、3GB 7日 Nad 65,共 Nad72,用完可增值;
- 粗三腳圓插;
- 慢香港6小時;
- 氣溫3-23度;
- 不用簽證、不用打針;
- 車程長或正值活動中,基本上午餐也在車上自理,可帶備乾糧;
- 納米比亞又名臘鴨髀拿😂

活動:
- Etosha Park Nad800@8個人
- Etosha Park Nad700@8個人
- Himba Village Nad300
- Elephant Trekking Nad690
- Rock Engraving Nad100
- Damara Living Museum Nad100
- Whole day Boat Cruise and Sandwich Harbour Tour Nad2350
- Shuttle to Deadvlei Nad 170
- Entrance Fee to Deadvlei Nad80
- Lion Roar Nad480
- Morning Tour (職員餵動物)Nad520




















全程費用為港幣$16,570:
- 機票 $6,618;
- 保險 $276;
- 預付汽車及住宿訂金 $3,562.5;
- 住宿、活動、交通及食 $6,113.5;

[ 本帖最後由 zevo 於 2019-8-11 03:58 PM 編輯 ]



熱賣及精選
先支持,慢慢睇


Day 1:
HKG 00:25 – ADD 06:25,第一次坐埃航,感覺都 ok。00:25 飛,01:30 就派餐,有魚飯同意粉揀、早餐就有粥同旦揀,先前已經食了晚餐同環亞,已經巧飽, 飛機餐扒少少就訓了。全程9小時9分鐘,比原定時間早了1.5小時到達埃塞俄比亞 Addis Ababa 機場,變相有3.5 小時轉機,非常充足,好彩機場有得免費上網,時間也不算難過。
















我地再有埃塞 Addis Ababa 坐 08:35 航班到納米比亞 Windhoek,全程5小時45分鐘,上機1小時到就派火腿芝士包、落機前派午餐,飛機餐都可以。落機先要填張入境紙先過移民局,都等左成1小時,出到去便見到司機 Norman,佢就教我地去兌錢同買電話咭,攪掂哂已經是當地 16:00(由昨晚22:00 集合到現在已經24小時),先揸30分鐘車去超市補合然後開始登車坐3小時去目的地 Otjiwarongo 住宿 City Out of Africa Guesthouse,環境舒服,我地訂了2*Twin、1*Family Room with 4 beds,最後 upgrade 左2*Twin、1*Family Room with 6beds、1*3人房,settle 好已經是21:00,所以選擇留喺酒店食野,侍應話份量都多,我地先叫四份主菜,包括羊架、魚、珍珠雞同豬扒,全部跟沙律及飯或薯條,諗住吾夠再叫,食完我地都飽,可能又攰,食少少就算,所以就冇再叫,連2支水才港幣300!







[ 本帖最後由 zevo 於 2019-8-11 12:32 PM 編輯 ]



回覆 引用 TOP

Day 2:
約左司機 07:30,06:45 先去食早餐,都幾豐富,接著便出發去 Etosha Park (Whole day game drive),車程2.5小時,我地喺國家公園逗留7小時,公園實在太大,幸好我們帶備乾糧,吾洗花時間兜返出去食飯,肚餓便找東西在車上吃。

今日見到 Elephant, Spring Bok, Steen Box, Zebra, Oryx, Wilderbees, Oxtrich, Kudu, Giraffe, Birds, 水牛、角馬,有時勁大風、有時勁大塵,頭髮也變成白髪魔女,返到 Eldorado Guest House 酒店即刻冲涼,房價包早、晚餐,是日為其中一團友生日,早已安排司機買定蛋糕,但經過一日 game drive 左拋右拋已經變左少少樣😂職員也很窩心的捧著蛋糕一齊出來唱歌,由於網路太弱、電話咭又收吾到,我們只好乖乖的21:30 便睡覺了。





















[ 本帖最後由 zevo 於 2019-8-11 12:33 PM 編輯 ]



回覆 引用 TOP

[隱藏]
Day 3:
約左司機 07:30,06:30 先去食早餐,都幾豐富,因為尋日見吾齊非洲五霸,還欠獅子和犀牛,所以趁今日時間許可,我們早d起身再入
Etosha Park 尋找牠們的蹤影,酒店距離樂園只是15分鐘車程。我地喺國家公園逗留6小時30分鐘,我們會帶備乾糧,肚餓便找東西在車上吃。今日見到 Jakkal, Hyena, Spring Bok, Birds, Wilderbees, Impala, Cheetah , Kudu, Oxtrich, Elephants, Giraffe,最終還是看不到獅子和犀牛。

























睇完動物我地就坐2小時車去 Himba Village 參觀,司機先預約當地操英語的人作介紹,村裏有10多間屋,及30隻羊左右,女士們湊著孩子及煮飯,由一個 Headman 統領睇住條村,其他男士出去搵野食,當中女士們更表演跳舞娛樂我們,覺得好的就要識做呢!臨出村女士們就捉我地去買佢地自製的手工藝,成個參觀每人 Nad300,我地都覺得貴,如果呢d $ 比呢個村我地又 ok,比個 guide 就覺得吾值。







今晚宿 Melissa's Guest House,房間比較細,這裡也有餐廳但我地就行左出去約5分鐘到達 Fritz Box 食晚餐,我地叫左 Pizza、2*意粉、豬手、飲品為港幣400,抵食!



回覆 引用 TOP

Day 4:
踩左3日都攰了,今日行程比較輕鬆,所以約左司機 09:00,08:00 先去食早餐,以為得d甜包
之類,其實呢幾日早餐比我們預期豐富。滿心歡喜出發之時,司機話架車舊電壞左,開吾到車,要延遲1小時出發,到左10:00 又話未得要12:00,一係就搵人駁電不過無冷氣,新車在中途匯合我們。思前想後下,決定彩用 Plan B 繼續3.5 小時的行程,否則吾知等幾耐先整好。

好景不常,架車行左2小時,燒左極瀝子,上吾到波,司機話等20分鐘就有車接載我們,可惜等了2個半小時也沒有車來,電話又聯絡不上公司。再隔半小時,才揾到附近小鎮的人來拖車,司機建議我地今晚住呢個小鎮,明天才繼續行程,我地就吾肯因爲今晚住宿 Abadi Mountain Camp 已付完數無得退錢,除非佢比返住宿錢我地但又吾肯。司機果間公司又吾肯比錢小鎮既司機車我地去,等、等、等,等到16:30 先有車載我地返酒店,好彩有乾糧喺身,否則真係大煲獲,原本今日去 Elephants Trekking 也要改去明天,變相全日無活動了。




















坐左1.5小時車到達 Aabadi Mountain Camp,
到步有 welcome drink、之後就趕上山看日落(住宿後山上5分鐘便可)。由於浴室是露天,比較凍又沒有熱水,我們只好在入黑前趕快沖涼,房間價錢包早餐,但我地行程有改將今日的改去明天,所以明天要一早出發,我們選擇不吃早餐,職員說可用早餐錢每人Nad120 扣落晚餐到,每人再多補 Nad140作晚餐便可,晚餐以自助形式在露天場地進行,旁邊有個火爐,比較凍,有3-4款肉、沙律、蔬菜同麵包。
住帳篷會比較凍,但觀星一流。














回覆 引用 TOP

Day 5:
昨天壞車事故,今天行程比較多,司機建議我地06:30 便出發,先 join 07:00 Elephants Trekking,然後就 Rock Engraving 接著 Damara Living Museum 繼而揸4小時去 Walvis Bay。

一早起來打開帳蓬見到流星以為一切很順利,
誰知... 請繼續收看...
我地 07:00 去到 Twyfelfontein Country Lodge,司機就叫我地坐喺到等 Guide 來,完 tour 來接返我地。如是者等到 07:30,我地就問酒店職員,她說08:15 才出發,完全浪費左75分鐘訓覺時間。

我地8人和4位外籍人士一齊坐 Safari 車去追蹤大笨象,諗住會見到一家大細的組群出現,但呢3個半小時我們只見到3隻大笨象和 Kudu, Spring Bok, Oxtrich, Birds, Oryx, Jakkal, Guinfowl Chicken, 中間會落車小休,有餅乾、咖啡、茶及汽水供應給大家享受。










如果先去 Etosha Park 就可以 skip 這個,因為呢個團要 Nad690,所看的動物比 Etosha Park 少很多,若然先去 Elephants Trekking,你就會覺得 Etosha Park 好多好多動物看。Tour 完成後我們也沒看到司機,打電話比佢又話黎緊,最終又等了1小時才到達,我地只好咬著乾糧等候。

坐左15-20分鐘車程就到了 Rock Engraving Nad100,會由一名當地 guide 帶我們行及講解,成個參觀約1小時。






時間緊湊,參觀完畢後又急不及待坐15分鐘去
Damara Living Museum Nad100,起初還以爲是普通博物館一個,入到去才知道是一個地方去介紹 Damara 族的民族生活,他們試範鑽目取火、香草的藥用價值、如何用羊毛做衣服、手工藝品等等,最後全部人出來載歌載舞,氣氛熱閙,個 headman 仲好好學地叫我地教佢講簡單中文,學得又快,呢個 Museum 幾值得參觀,臨走我地仲買左少少手工藝品留言,成個參觀約1小時,始時已經是16:00,我們也急回 Abadi Mountain Camp 換車出發到 Walvis Bay。


















但司機話尋日架車已整好,約30-40分鐘才到達 Abadi Mountain Camp,經過尋日的謊言我們已經抱著不知等候幾多個30-40分鐘的心態了,一路擔心到達 Walvis Bay 的時間?亦擔心晚餐的時間,始終早、午餐也只是輕食乾糧,眾人也很憤怒但可以怎樣?最終架車 18:00 才到達,佢話2.5-3小時便到但我從地圖找要4.5 小時,我們也沒氣力跟司機說三道四,只期望途中找間餐廳填飽肚子便罷了。

揸左2小時車,我地就停一個小鎮入油同揾野食,鎮上2間餐廳,1間關門、另1間就是酒店內的 Bar & Restaurant,沒有選擇下只留在這裡,我地叫左4*意粉、 1*飯、2*雞亦沙律和水,等左1小時才有得食,效率非常低,d意粉黎到又吾熱,但味道就 ok,全部為港幣$380。




吃飽飽後,21:40 繼續開車到 Walvis Bay,司機話仲有3小時,心諗2+3已經5小時,你原先又同我地講2.5-3小時?最尾到達 Walvis Bay Lagoon Chalets 已經是00:40,大家也很疲累,拿拿臨沖涼訓覺。



回覆 引用 TOP

Day 6:
住宿不包括早餐,尋晚又夜返,求其搵d野食自理便算了,這裡離碼頭10分鐘車程,碼頭有吾同公司出團,我地將會全日出海參加 Boat Cruise and Sandwich Harbour Tour 連午餐及下午茶合共 Nad2350!

等齊人08:30 出發,全團21人+4個職員,佔了15個亞洲人,出發不久鵜鶘、海狗仲跳上船歡送我們,職員也預備了魚仔比佢地食,示意牠們留低拍照。途中也會見到海獅、海豹、海豚,非常難忘的體驗。整個 tour 約3小時,包午餐含生蠔、炸物(豬、牛、雞、春卷、旦)及香檳。納米比亞生蠔好creamy 呀,吾洗點任何檸汁及醬已經可以了,炸物就凍的,不過這個香檳午餐我們也非常滿意。















回到碼頭已經12:00,我們又趕接下一個活動,Sandwich Harbour Tour,呢個係陸上旅程,5人一車,整個旅程約5小時,先會到海岸線睇 Flamingo > Salt Mine > 沿海邊一路向沙漠駛去,途中會穿插不同山丘停下影相,我地亦看到 Oryx, Oxtrich, Jakkal, Spring Bok, Birds! 大約到15:00,幾架車就停下來吃下午茶,司機們在山丘開了幾張枱,放上食物及飲料(青瓜、紅蘿蔔、蕃茄、雞髀仔、薯條、薯片、果仁、果汁、汽水及香檳),勁好 feel。之後就揸車送我地返住宿,呢個 tour 約5小時,今日呢2個活動我地都好推薦大家參與,又出海、又沙漠、又有香檳生蠔。











我地先休息一下便出超市補給乾糧(揸車去 Dune Mall 約10分鐘),然後坐30分鐘車去食飯,本來呢2日安排左去網友推薦的 Ocean Celler & Jetty 1905 吃,因為前日的意外將所有活動迫在尋日,黎到 Walvis Bay 已經夜深,只好安排今晚試其中一間,最後選了 Ocean Cellar。Ocean Cellar 其實是 Strand 酒店的餐廳,坐滿外藉遊客,環境光猛且舒服,我地8人點了2打蠔、2個意粉、2個咖哩飯、2個白飯(因為剩左d咖哩)1個海鮮窩配法包、1個雞配薯蓉、1支白酒、2支水,約港幣1,100。係抵食但食物相對較咸,只有蠔值得一讚,雖然吾肥但幾 creamy 同甜。






回覆 引用 TOP

Day 7:
尋晚見到超市咁巨,住宿又不包早餐且有煮食工具,我們不約而同話買早餐回來煮,買左麵包、乳酪、Butternut Squash(鹽煮30分鐘,好淋又甜)Squash、Salami、蛋、生果、咖啡、茶,吃飽飽 09:00 出發繼續旅程。




我地先去海邊睇 Flamingo,然後就去入油,便開始5小時長佂到住宿地點,途中會經過 Namib Desert,據說是世界上最古老的沙漠,道路比較凹凸不平,然後就停在 Tropic of Capricorn 南回歸線拍照,到了 Solitaire 才 14:30,我地去左間 McGregor’s Bakery 到嘆下午茶,又出出面的爛車影相才回 Solitaire Guest Farm。

















我地幾喜歡呢間住宿,好寧靜,網上話無 wifi,黎到竟然有、房間也大,四處種滿仙人掌、對出有個水源比動物來飲水。












由於今晚住沙漠,距離另一酒店的餐廳約十分鐘車程,我地選擇留喺住宿的酒店食晚餐,自助餐形式每位港幣110,有菠菜湯、麵包、沙律、白汁雞、豬扒、薯菜、飯及甜品。食飽飽就睇動物飲水,有 Zebra, Oryx, Spring Bok, Jakkal, Squirrel,晚上睇星星也很漂亮。



回覆 引用 TOP

[隱藏]
Day 8:
我地今早05:45 出發,目的就是在中午前去 Dune 45 及死亡谷。酒店亦悉心為我們準備早餐盒,有果汁、芝士火煺三文治、雞蛋、青蘋果。點解要咁早出發?因為要坐1.5小時車去 Sesriem,閘口07:30 開,我地黎到已經排第50架車,等候入閘時間就落車看日出。




Sossusvlei 地區納米布國家公園內的紅沙漠,不僅是「全世界最古老的沙漠」,也被譽為「全世界最美的沙漠」,因沙裡富含氧化鐵而呈赭紅,是納米比亞最具代表的景點。

入閘後還要揸一段路才到 Dune 45 的腳底,已經是 09:00,落車看到四處也是霧氣且太陽消失了,我們就非常失落,連司機也說今日天氣比較差,真係要哼返句「天氣不似預期」,但我們沒有放棄,還是努力地用半小時爬上 Dune 45 的頂點,雖然拍照效果不佳,但我地也玩到10:00。此時,四處的山丘不斷浮出來,霧水四散,我地輕奮到大叫出來,好靚啊!極力爭取時間拍照才回程。













之後就揸車往死亡谷方向前進,去到閘囗要買飛轉 Shuttle 入去起點,來回 Nad170,有人選擇行個多小時入去、搭單程車出來,那費用就平一半。

死亡谷係一個乾涸沼澤地,最值得睇嘅就係已枯死千年嘅駱駝刺樹,加上背景顔色,一棵棵形態獨特嘅樹屹立不倒,挺特別,個係納米比亞最標誌性景點!

雖然我們正中午 12:00 來到死亡谷停車場,但今日天氣幾舒服,有些少風、吾熱。大家可選擇先爬半小時山丘便可從高處看下整個死亡谷或大概沿平緩沙漠步行1.5公里到達死亡谷,又或先爬後行,亦有人花3.5 小時爬上 Big Daddy 或 Big Mummy,隨個人喜好,我地亦花了2小時來回連拍照,之後就坐返 Shuttle 出去換返自己車,再出閘去比返入場及停車場費,每位 Nad80,附近有油站及便利商店補給。

















接著就開始長征返回 Windhoek,中途停下廁所所以花了4.5小時才到達住宿 Arebbusch Travel Lodge,呢到好大,有好多房間、又有 Self Catering Unit,隔離鄰舍喺到 BBQ,好正!司機話住宿的餐廳不錯,我地就選擇喺到食晚飯,勁爆,其左炸雞胸、扒 同 Pizza 食,我地叫左3塊 medium 既500g 牛扒(Rump + Sirloin)、炸雞胸及2個 pizza 才港幣$550,不過d扒好多筋且有d靭,麻麻地,pizza 就勁多芝士,有d漏,食到超飽!



回覆 引用 TOP

Day 9:
住宿包早餐,幾多野食,呢餐應該係最豐富的,食飽後 09:30 出發去 Harnas,轉左兩個彎架車有燒燶既味,即刻停埋一邊找人來睇,原來 Fuse 燒左,今個旅程架車真係幾多問題。

最尾 10:30 先再出發,中途停下廁所、超市買餸今晚煮食,所以花了4.5 小時才到達今晚住宿Harnas Wildlife Foundation ,呢到大到無比,入閘再要揸十分鐘車先到接待處。

環境好幽美,好多動物 Spring Bok, Birds, Oyrx, Impala, Cheetah, Oxtrich, Monkey, Bamboo, Roar Pig、龜、crocodiles。我地 book 左2個 Self Catering Unit(距離 Reception 約5分鐘車程),2間屋都好滿意,煮食工具齊全。休息一陣便出去行下及預備 18:00 的 Lion Roar Nad480,短短一小時活動包一杯飲品及小食,非常窩心。
























Lion Roar 顧名思義獅子咆哮,職員先大聲呼喊牠們出來,然後拋d肉入去比佢地食,呢到有13隻獅子,其中3隻出左來同我地咆哮,餵左幾塊肉佢地都未夠喉,不斷咆哮,司機話佢地吾夠飽、嬲喎,此時已經入黑,安全起見,我們也是撤退。







中午時已經買左材料今晩煮,有雞腿、豬扒、豬仔骨、意粉、蔬菜、酒才港幣400,d肉就全部焗,又淋又滑,再煲埋蕃薯辣薑糖水,非常飽的一餐。




回覆 引用 TOP

Day 10:
尋日買埋今日早餐,盡情享受 Self Catering 的樂趣,住在一個荒蕪的地區,尋晚不斷被動物的咆哮聲嘈醒,勁驚佢地爬入來😂我地自理後便約司機 08:30 接我地出去,預備 09:00 join Morning Tour (職員餵動物),全程2.5 小時,中途停下來食下曲奇、咖啡/茶。

這個 Morning Tour 會餵治見到獅子、豹、狒狒、野狗、𤠣子,幾特別的體驗,建議不用 join Lion Roar 因為餵獅子時也可聽到牠們咆哮,反而可 join Cheetah Walk,我估可以接觸下牠們。

















時間過得很快,旅程也接近尾聲,我地 join 完 tour 便回程到 Windhoek,大約個半小時便到油站,有 KFC、快餐店同超市,我地試左 KFC,HK$15/4件新推出的雞亦(豉油、蜜糖及薑),d汁分上會比較好,肉質好滑,不錯。

停埋廁所共約4.5 小時便到達 Windhoek,我地去左市中心的 German Church, Independence Musuem 同 Craft Market 逛同買手信。









今晚住Windhoek Urban Camp,Tent 比起 Abadi Mountain Camp 大且有得差電,但要共用浴室及洗手間,同一價錢會選擇 Arebbusch Travel Lodge (房間有廁所、wifi 及早餐)。

放好行李便去遊客飯堂 Joe’s Beerhouse 食晚餐,呢餐亦係今個旅程最後一餐晚餐啊!我地叫左蒜包、生蠔、2個意粉(Oyrx 千層麵及雞肉意粉,Oyrx 有少少羶)、1個豬肋骨(比較鞋)、2個 Mixed Games Meat(有 Oyrx, Spring Bok, Zebra, Kudu, Jakkal,上左枱都吾知乜肉打乜肉,不過全部都淋既,不錯),今餐為港幣$910,食到好飽,抵食,值得推介。




回覆 引用 TOP

Day 11:
住宿不包早餐,可額外付款去餐廳食,我地就選擇自理、清倉大行動。叫左司機 08:00 接我地,去 local market Single Quarter, China Town, Checkers Supermarket 逛逛作最後衝刺。






















由市區去機場約45分鐘,大家謹記要預3小時來機場,因為機場細、櫃檯小,同埋最重要的是兌換返納米比亞$為美金(除非你會再去),入閘前有3個櫃檯可兌$,兌率差不多,其中一間無$、其餘2間人山人海,我地都排左成個鐘先兌到(*我地分2間排,2間也要當日在納米比亞兌美元的收據才可,否則吾會兌返比你,好彩我地4個人有留收據,每2個用一張才兌返美元),過關後也有一間兌換店但吾知洗吾洗收據同有個風險就是兌換店關門或無$就兌吾到了。

我地分批排隊、分批去買 Burger 食,雙層芝士漢堡加薯條為港幣$70,不過塊牛肉好乾、有dd咸,食飽飽上機訓覺。




我地坐 14:30 機由Windhoek 飛 Addis Ababa 機場,飛行時間5.5小時,其實食完🍔不久還沒餓,只是食少少便算了,21:05 到達 Add 機場,轉機時間1.5 小時,22:40 再上機飛返香港。







回覆 引用 TOP

Day 12:

ADD > HKG 飛行時間10小時,又食2餐飛機餐,宵夜有牛肉意粉同雞飯揀,我食左牛意,d意粉巧淋。早餐就旦炒飯,冇乜味。還是香港飛過去既飛機餐好食過果邊飛返黎。







快樂時光過得特別快,今日已經是在納米比亞的尾聲。回想起眾人知道我去非洲都攜著奇異的眼光,更何況未聽過這個國家呢!


今次旅程架車不斷發生問題,時間上有點緊迫但也叫順利完成所有行程。這個國家比我們想像中的好玩,叫做上山下海、景點又特別、又住不同類型的住宿,乜都體驗一下。

非洲五霸(英文:Big Five game)指獅子、非洲象、非洲水牛、豹和黑犀牛這五種非洲動物,我們只見到四霸,有獅子、象、水牛及豹,犀牛被喻為極到稀有的動物,無緣一見。

洗費也比預期HK$22k-25k 用得少,可能因為計劃時毎樣也打大10% 且為了節省時間、午餐全部在車上吃乾糧或超市麵包、快餐店、又試下住 Tent、又試下住貴d既、酒店或餐廳晚餐連飲品HK$150 左右已經好豐富、參加幾個 tour 也提供小食,綜觀來說,納米比亞是一個很安全的非洲國家,當地人也很友善,性價比高,非常值得到坊的國家。

這旅程看過幾次日出、日落😍
在此,送上臘鴨髀拿的咸旦王。





回覆 引用 TOP

[隱藏]
正,好精彩,唔貴,一直想去,但人少包車十分困難,唔包=唔駛去
另外我見妤多自駕一D包埋住宿既車



 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。