主頁 註冊 登入
冷門開始變暖?
  • 樓主: mr2turbohk
  • 日期: 2019-8-15 10:53 PM
  • 7,256
  • 154
  • 1
GO呢個品牌真係好冷門,買佢都可能要用“勇氣”嚟形容。 不過買得佢就應該唔係新手又或者係一D唔想隨波逐流嘅人,我就有D偏向後者。經過七月份某日跟呢度嘅師兄交流之後,我就知道再無藉口唔訂呢隻大三針。 原因有兩個:1) 隻錶兩三年前其實已經好鐘意但未有好大動力推我去買。上個月係呢度搭過兩嘴後,呢度D師兄又口述又放相講到隻錶點正點吸引,攪到我團火都返哂嚟; 2) 當年無落手主要係因為價錢唔吸引。爬文時見有師兄直接上網訂貨,價錢重非常吸引,但自己就唔太敢上網訂,唸住放棄之際,又有師兄主動比資料教我點訂,喺咁嘅情況下重邊有藉口唔買。
發咗request去攞報價,一日後回覆我,嗰價好靚但我亦同時間問香港水貨店,幾日後覆我價錢,比上網定貴千多蚊。記得有位師兄喺呢度講過“有時唔需要去到咁盡”,聽佢話,最後都喺香港水貨店度訂。 訂貨時間三個星期多少少,我又唔急帶所以無所謂。
隻錶早兩日攞咗但無事間攪佢直到今日先有時間。 隻錶全新當然無問題,warranty card個date只係我收錶早幾日。 喺等緊呢三個星期又無特別心急如焚,可能因為之前睇得太多,以為自己已經買咗
個藍面真係好靚,當時訂藍色但有少少擔心返嚟係偏紫嗰隻色因為個model number好似同深藍色一樣而顏色又係寫Blue,好彩無事。 呢隻藍確實好靚,值回票價。 日曆清晰易睇,成個面好簡單,無花巧嘢都好吸引。最後想講一下個機芯,我玩錶資歷淺,唔太識但打磨好似幾滑同埋好似好光亮好閃,唔知係咪因為打磨關係。 唔再講,睇相實際D,希望大家鍾意。
同場加多隻無咁冷嘅嘢。



REPLY/回覆
ac322:
靚錶,恭喜師兄!請問大概幾錢入貨?


has@:
師兄,我好小入呢版.想請敎隻錶幾多mm和大約幾$?謝謝


武川耐富:
靚錶!恭喜!


fbn1:
請問有冇65折


查看更多回覆
RELATED ARTICLES/相關文章
More