打印

[遊記分享] 2019仲夏河口湖富士頂上伊豆半島 香討焦點

[隱藏]
景好靚呀 😍


回覆 引用 TOP

熱賣及精選
我是今年8月初出發,登山初哥就挑戰富士山,可惜相機弱影唔到星星,生活在香港都市人真的被眼前滿天星海吸引著,上山容易下山難,下山路就好像行不完似的.....

[ 本帖最後由 koyo_toya 於 2019-8-27 01:57 AM 編輯 ]



師兄,請問晚餐是伊豆那一間酒店的呢??


謝謝



嚴禁一切買賣/宣傳
引用:
原帖由 mal999 於 2019-8-24 06:34 AM 發表


可以講解一下登頂程序嗎?什麽月份最好呢?
好多師兄師姐都登過頂, 有師兄師姐登頂超過一次, 板上應該歷來有唔少呢類分享.

富士登頂較多係 7 月初至 9 月中, 山上較少積雪, 天氣情況較適合登頂, 沿路嘅各種設施, 大多亦只喺呢段時間開放.  其他時間要登頂的話, 沿路支援少好多, 難啲危險啲.

登頂主要有四條路徑, 我哋今次係搭車去到吉田路線嘅五合目.  一般建議因為體力同適應較高海拔, 因此唔好彈丸登山, 即係即日來回, 所以通常會喺山上嘅山小屋過一晚.  山小屋通常設備比較簡陋, 有洗手間而無淋浴設施, 除咗少數有個室或半個室, 即係類似獨立房外, 大部份都係同其他人排排瞓, 我哋今次就喺一個約六呎乘八呎嘅上格床, 瞓咗六個人, 另通常住宿嘅山小屋有提供簡單夕食朝食, 叉電就未必有, 我哋住呢間就只有幾個共用嘅插頭.

我哋今次住喺本八合目, 我覺得都適合, 第一日約 10:30 左右到五合目, 逛咗陣當適應高度, 同埋買支金剛杖, 一人俾 1000 円富士山保全協力金當買個年年不同嘅紀念牌仔, 約 11:40 起行, 沿路經過每一間山小屋都同金剛杖燒印 (有啲山小屋 300 円一個印, 有啲可以 500 円兩個唔同嘅印), 有需要就買啲嘢飲 (大部份山小屋有嘢飲, 小食, 有啲有熱食例如飯麵等, 仲有罐裝氧氣), 或者去洗手間 (全部要自律俾錢, 約 200 円), 結果共用咗 5 小時 45 分, 即5:30 前到達本八合目.  上山多數係碎石路, 或者需要以手借力攀上嘅路段, 臨近山小屋就有時有樓梯, 我用一支金剛杖, 加一支行山杖, 我家大人就用兩支行山杖.

唔少人會半夜起身登頂, 喺富士頂上睇御來光日出, 半夜兩點幾, 約七八成日離開山小屋, 其實到嗰陣我先瞓到.  吉田路線山小屋都向東, 所以我哋向來計劃都係第二朝睇埋日出再食埋早餐, 約 6:30 先出發, 由本八合目登頂, 慢慢行加上有啲路段人多排隊, 約用 2 小時, 登頂後喺久須志神社燒最後一個印, 休息一下, 再喺山頂鉢巡, 即係繞山頂火山後一周, 喺山頂郵便局寄名信片, 經過最高點剣ヶ峰等, 行下休息下, 又花咗 3 個鐘, 最後沿返吉田路線, 返本八合目嘅山小屋食嘢, 再落山, 呢一日共用咗約 9 小時 15 分, 4 點前返到五合目, 再行下五合目先搭車走, 返到停車場攞車, 去買生果, 返到河口湖住宿地方都約 6 點了.  落山主要係碎石路.

所以第一日行多少少, 住高啲, 第二日時間就充裕啲.

我平時唔算做好多運動, 行完兩日, 無肌肉痛, 不過大概因為我喺香港呢個海濱城市生長, 無幾可去高海拔地方, 所以臨近 3 千米高時, 要放慢一啲動作, 否則較易氣喘.  但因為有啲路段較窄, 尤其要用手借力嗰啲地方, 所以為免阻人, 我都係正常速度行過咗窄嘅路段, 喺闊啲嘅地方先抖順條氣, 行下抖下咁.

另外係衣著, 第一日我主要係一件短袖快乾衫, 長防水褲, 厚運動襪, 防水高筒行山鞋, 另有一個腳套包住褲腳同鞋, 避免砂同碎石走入鞋入面, 同埋太陽眼鏡, 闊邊太陽帽.  到本八合目高度超過 3000 米, 溫度比地面低咗約 20 度, 所以加咗 fleece 外套同風褸.  

第二朝換咗長袖較厚身快乾衫, 厚身防水褲.

有帶薄保溫手套, 不過只係戴咗一陣, 主要係要用手借力嘅路段用.

我哋有帶雨褸, 不過好好彩, 登山落山除咗遇過一兩陣好短暫好細嘅雨粉, 都無落雨.  背囊嘅 rain cover 亦無用過, 防水袋亦只係裝污糟衫褲同垃圾.

記得山上垃圾自己帶走.

同埋防曬好重要, 防曬好重要, 防曬好重要.

簡單講我哋今次經驗就係咁, 詳細嘅請參考其他師兄師姐分享, 或者參考呢個網頁: http://www.fujisan-climb.jp/

另吉田路線山小屋空室情況可以參考呢個網頁: http://mtfuji.jpn.org/

[ 本帖最後由 tucuxi 於 2019-8-29 11:35 AM 編輯 ]



[隱藏]
引用:
原帖由 Melay 於 2019-8-25 04:51 PM 發表


冇3萬年咁耐

有圖有真相

10141542
大師姐好記性.  原來半年前我仲有睇帖, 無 3 萬年咁耐.  不過對上一次可以由頭追到尾嘅帖, 應該就真係好耐了.



引用:
原帖由 koyo_toya 於 2019-8-27 01:55 AM 發表

我是今年8月初出發,登山初哥就挑戰富士山,可惜相機弱影唔到星星,生活在香港都市人真的被眼前滿天星海吸引著,上山容易下山難,下山路就好像行不完似的..... ...
我都係 8 月初呢.  落山條路確係好似行極唔完.



引用:
原帖由 mandic 於 2019-8-27 09:58 AM 發表

師兄,請問晚餐是伊豆那一間酒店的呢??

謝謝
伊豆半島嗰兩晚, 第一間係雲見温泉 かわいいお宿 雲見園, 第二間係伊東温泉 陽気館.



回覆 引用 TOP

多謝其他師兄師姐欣賞支持.


回覆 引用 TOP

引用:
原帖由 tucuxi 於 2019-8-27 11:54 AM 發表



大師姐好記性.  原來半年前我仲有睇帖, 無 3 萬年咁耐.  不過對上一次可以由頭追到尾嘅帖, 應該就真係好耐了.
我知我知因為你改咗追其他嘢分唔到身



***************************************************
2015 福島,新潟妙高 秋の紅葉ひとり旅

[隱藏]
引用:
原帖由 tucuxi 於 2019-8-22 05:32 PM 發表

公私兩忙, 大概 3 萬年無入嚟日板.  不過近幾年除咗去日本滑雪外, 其實每年都仲有去一兩次日本.

早兩星期兩公婆撇低兩個女去咗日本一趟, 今次係河口湖出發, 先睇河口湖祭 (可惜太忙無睇清楚花火地點, 傻傻地喺酒店等背景係富士山嘅花火, 結果九成九唔啱位)

https://lh3.googleusercontent.com/aCydNGOYUU4rOdaEeQdvI5TStyqQG ...
原來呢版都有富士登山遊記,支持,支持!

呢排睇緊另一個最近很熱的討論區的旅遊帖,人地同一時間就有4個帖講富士登山,比這裡熱鬧很多:
[劇!毒 !慎入]帶女去富士山頂!--- 呢個帖寫得很有趣
[長氣多圖][不爛尾] 山梨富士山登頂之旅
其中一個是直播:
獨遊東京加富士山 23/8-28/8 LIVE 你講我去
還有幫助第一次登山人士的帖:
[你問我答]上年去完富士山,有咩行前準備唔識可以係度問

依家日遊版變得好靜,好懷念以前熱熱鬧鬧的情況



登山小木屋我是住白雲莊. 旅程是跟日本當地旅行社選擇只有上述同元祖屋,在八合目後每次要上洗手間是要付錢的200~300日圓(自發畀) 木屋裡面就是很簡陋只有碌架床同薄綿被. 環境很嘈抄,整晚你會聽見國語 日語 同廣東話的談話和鼻寒聲夾雜,6點就休息12點半出發. 整個旅程我都有導遊帶領比較安心.樓主我是8月7日上山,還有我上劍峰要另加1000日圓即課帶領.....天氣很好, 旅程都很順利之後我去了令和第一個comic market .


引用:
原帖由 Melay 於 2019-8-27 03:16 PM 發表


我知我知因為你改咗追其他嘢分唔到身
調咗工作崗位後忙咗好多, 連今次旅行都準備不足, 例如河口湖祭花火大會就無研究放花火嘅地點, 以致放花火時仲喺房, 而房幾乎睇唔到咁滯.



回覆 引用 TOP

引用:
原帖由 autovolok 於 2019-8-27 07:49 PM 發表



原來呢版都有富士登山遊記,支持,支持!

呢排睇緊另一個最近很熱的討論區的旅遊帖,人地同一時間就有4個帖講富士登山,比這裡熱鬧很多:
[劇!毒 !慎入]帶女去富士山頂!--- 呢個帖寫得很有趣
[長氣多圖][不爛尾] 山梨富士山登頂之旅
其中一個是直播:
獨遊東京加富士山 23/8-28/8 LIVE 你講我去
還有幫助第一次登山人士的帖:
[你問我答 ...
多謝介紹, 即刻去睇睇.



回覆 引用 TOP

引用:
原帖由 koyo_toya 於 2019-8-28 01:52 AM 發表

登山小木屋我是住白雲莊. 旅程是跟日本當地旅行社選擇只有上述同元祖屋,在八合目後每次要上洗手間是要付錢的200~300日圓(自發畀) 木屋裡面就是很簡陋只有碌架床同薄綿被. 環境很嘈抄,整晚你會聽見國語 日語 同廣東話的談話和鼻寒聲夾雜,6點就休息12點半出發. 整個旅程我都有導遊帶領比較安心.樓主我是8月7日上山,還有我上劍峰要另加1000日圓即課帶領.....天氣很好, 旅程都很順利之後我去了 ...


我同師兄同一日登山, 唔知有無緣曾喺山上碰面呢.



[隱藏]
想請教去富士山登頂會很高難度嗎?  是否要行開山? 普通人可以應付嗎?  Thanks


 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。