• 瀏覽: 24,474
  • 回覆: 38
  • 追帖: 8
[隱藏]
公私兩忙, 大概 3 萬年無入嚟日板.  不過近幾年除咗去日本滑雪外, 其實每年都仲有去一兩次日本.

早兩星期兩公婆撇低兩個女去咗日本一趟, 今次係河口湖出發, 先睇河口湖祭 (可惜太忙無睇清楚花火地點, 傻傻地喺酒店等背景係富士山嘅花火, 結果九成九唔啱位)







之後去咗富士登頂

喺本八合目過夜時見到北斗七星






"御來光" 日出




最後喺伊豆半豆匆匆打咗個轉



睇埋按針祭海の花火大会


然後返東京行街, 喺御茶ノ水買咗啲過季特價滑雪嘢, 就返香港.

[ 本帖最後由 tucuxi 於 2019-8-22 05:45 PM 編輯 ]



熱賣及精選
喺伊豆有幾餐喺温泉旅館食得唔錯:

晚餐一:













早餐一:





[ 本帖最後由 tucuxi 於 2019-8-22 07:30 PM 編輯 ]



晚餐二:









早餐二:






回覆 引用 TOP

當然仲有其他嘢, 例如河口湖周邊仲去咗下吉田市, 富岳風穴, 鳴沢冰穴, 船津胎內樹形, 紅葉台, 天上山公園, 花の都公園, 山中湖等, 伊豆半島亦去咗唔同地方, 亦想夏天帶埋兩個女再去玩深入啲伊豆半島, 東京自由が丘去咗 Peter Rabbit Cafe 等.

另附富士山燒印金剛杖





大概簡報完畢, 多謝收看.

[ 本帖最後由 tucuxi 於 2019-8-22 05:38 PM 編輯 ]



[隱藏]
引用:
原帖由 Melay 於 2019-8-22 05:58 PM 發表

支持好爸爸
多謝me總記得.

me總係其中一個吸引我嘗試富士登頂嘅師姐, 謝謝.



回覆 引用 TOP

引用:
原帖由 里安納度比卡蕉 於 2019-8-22 06:22 PM 發表

d景影得好靚bor, 尤其係北斗七星
謝謝.

我影相無技術, 向來靠器材搭救, 但救極有限.  登富士無經驗, 唔敢帶器材, 啲相更加唔上得檯面, 獻醜了.



多謝幾位.


話說回來, 其實嗰幾日係風暴喺日本外圍臨近, 大概受外圍下沉氣流影響, 除咗富士山日間常常被雲遮蓋 (但又唔係靚嘅笠雲), 同埋遇到一兩場失魂雨, 其他時間大致都藍天, 連登富士山嗰兩日都只遇過一兩陣雨粉, 所以景靚自然相靚, 算好彩.



回覆 引用 TOP

多謝大家 


回覆 引用 TOP

謝謝森師兄,謝謝大家


回覆 引用 TOP

[隱藏]
引用:
原帖由 DoubtfulSound 於 2019-8-24 12:20 AM 發表


交通點搞呢?
今次由羽田到河口湖到伊豆半島,我哋都係自駕,返東京先還車。

不過羽田去河口湖有巴士,我哋喺伊豆半島最後一站伊東亦有火車返東京。伊豆半島嘅交通我就無研究了,抱歉。



回覆 引用 TOP

引用:
原帖由 阿火~~ 於 2019-8-24 12:32 AM 發表




啲海鮮好得,要食既想食既都齊備
味道都唔錯添。伊豆半島值得玩深入啲。



引用:
原帖由 阿火~~ 於 2019-8-24 01:18 AM 發表




小弟從未逗留伊豆,因為的確唔知有咩好玩,當然每人要既野不一,食應該係最吸引之處。
伊豆半島海岸線長,除咗海產以外,仲有好多海濱景色。我哋今次去咗雲見温泉,鄰近就有上邊好似円月島咁嘅千貫門。另去咗伊東温泉,就係上邊按針祭花火大會嘅地點。伊東有個大海灘,我哋喺伊東嘅時候,市內除咗因花火大會而有穿著浴衣嘅男女外,最多就係穿著泳裝嘅人。

除此以外,西岸駿河灣好天時可見仿佛浮於海面嘅富士山,堂ヶ島一帶有好特別嘅海蝕洞天窓洞,除咗喺地面可以望落去,天氣及海面情況許可的話可以乘船遊覽,又有潮退時先出現嘅連島沙洲,仲有個遠望海水係淺藍色、水清見底、由幾個海島天然組成防波屏障嘅沙灘。

除咗堂ヶ島一帶,其實沿海岸線仲有其他海濱景色可以發掘。

而以河津櫻聞名、但就算無櫻花都有好靚嘅河津七滝嘅河津,亦喺伊豆半島。

伊豆半島温泉資源豐富,上面提及嘅地方,都係温泉鄉,而仲有更多未提及嘅温泉。

我哋係想再去玩多幾日的。



引用:
原帖由 rainy大頭蝦 於 2019-8-24 02:18 AM 發表

見倒版頭張煙花相~即刻入黎留言支持四貓

北斗七星御來光~仲有煙花~

繼續等睇靚相
謝謝大蝦。

不過我想放嘅相已經放晒喇, 實在抱歉.



回覆 引用 TOP

引用:
原帖由 constance1997 於 2019-8-24 06:32 AM 發表

so beautiful scene
景色確係好好。

謝謝觀賞。



回覆 引用 TOP

[隱藏]
引用:
原帖由 mal999 於 2019-8-24 06:34 AM 發表


可以講解一下登頂程序嗎?什麽月份最好呢?
好多師兄師姐都登過頂, 有師兄師姐登頂超過一次, 板上應該歷來有唔少呢類分享.

富士登頂較多係 7 月初至 9 月中, 山上較少積雪, 天氣情況較適合登頂, 沿路嘅各種設施, 大多亦只喺呢段時間開放.  其他時間要登頂的話, 沿路支援少好多, 難啲危險啲.

登頂主要有四條路徑, 我哋今次係搭車去到吉田路線嘅五合目.  一般建議因為體力同適應較高海拔, 因此唔好彈丸登山, 即係即日來回, 所以通常會喺山上嘅山小屋過一晚.  山小屋通常設備比較簡陋, 有洗手間而無淋浴設施, 除咗少數有個室或半個室, 即係類似獨立房外, 大部份都係同其他人排排瞓, 我哋今次就喺一個約六呎乘八呎嘅上格床, 瞓咗六個人, 另通常住宿嘅山小屋有提供簡單夕食朝食, 叉電就未必有, 我哋住呢間就只有幾個共用嘅插頭.

我哋今次住喺本八合目, 我覺得都適合, 第一日約 10:30 左右到五合目, 逛咗陣當適應高度, 同埋買支金剛杖, 一人俾 1000 円富士山保全協力金當買個年年不同嘅紀念牌仔, 約 11:40 起行, 沿路經過每一間山小屋都同金剛杖燒印 (有啲山小屋 300 円一個印, 有啲可以 500 円兩個唔同嘅印), 有需要就買啲嘢飲 (大部份山小屋有嘢飲, 小食, 有啲有熱食例如飯麵等, 仲有罐裝氧氣), 或者去洗手間 (全部要自律俾錢, 約 200 円), 結果共用咗 5 小時 45 分, 即5:30 前到達本八合目.  上山多數係碎石路, 或者需要以手借力攀上嘅路段, 臨近山小屋就有時有樓梯, 我用一支金剛杖, 加一支行山杖, 我家大人就用兩支行山杖.

唔少人會半夜起身登頂, 喺富士頂上睇御來光日出, 半夜兩點幾, 約七八成日離開山小屋, 其實到嗰陣我先瞓到.  吉田路線山小屋都向東, 所以我哋向來計劃都係第二朝睇埋日出再食埋早餐, 約 6:30 先出發, 由本八合目登頂, 慢慢行加上有啲路段人多排隊, 約用 2 小時, 登頂後喺久須志神社燒最後一個印, 休息一下, 再喺山頂鉢巡, 即係繞山頂火山後一周, 喺山頂郵便局寄名信片, 經過最高點剣ヶ峰等, 行下休息下, 又花咗 3 個鐘, 最後沿返吉田路線, 返本八合目嘅山小屋食嘢, 再落山, 呢一日共用咗約 9 小時 15 分, 4 點前返到五合目, 再行下五合目先搭車走, 返到停車場攞車, 去買生果, 返到河口湖住宿地方都約 6 點了.  落山主要係碎石路.

所以第一日行多少少, 住高啲, 第二日時間就充裕啲.

我平時唔算做好多運動, 行完兩日, 無肌肉痛, 不過大概因為我喺香港呢個海濱城市生長, 無幾可去高海拔地方, 所以臨近 3 千米高時, 要放慢一啲動作, 否則較易氣喘.  但因為有啲路段較窄, 尤其要用手借力嗰啲地方, 所以為免阻人, 我都係正常速度行過咗窄嘅路段, 喺闊啲嘅地方先抖順條氣, 行下抖下咁.

另外係衣著, 第一日我主要係一件短袖快乾衫, 長防水褲, 厚運動襪, 防水高筒行山鞋, 另有一個腳套包住褲腳同鞋, 避免砂同碎石走入鞋入面, 同埋太陽眼鏡, 闊邊太陽帽.  到本八合目高度超過 3000 米, 溫度比地面低咗約 20 度, 所以加咗 fleece 外套同風褸.  

第二朝換咗長袖較厚身快乾衫, 厚身防水褲.

有帶薄保溫手套, 不過只係戴咗一陣, 主要係要用手借力嘅路段用.

我哋有帶雨褸, 不過好好彩, 登山落山除咗遇過一兩陣好短暫好細嘅雨粉, 都無落雨.  背囊嘅 rain cover 亦無用過, 防水袋亦只係裝污糟衫褲同垃圾.

記得山上垃圾自己帶走.

同埋防曬好重要, 防曬好重要, 防曬好重要.

簡單講我哋今次經驗就係咁, 詳細嘅請參考其他師兄師姐分享, 或者參考呢個網頁: http://www.fujisan-climb.jp/

另吉田路線山小屋空室情況可以參考呢個網頁: http://mtfuji.jpn.org/

[ 本帖最後由 tucuxi 於 2019-8-29 11:35 AM 編輯 ]



提示:支持鍵盤翻頁左 右
[按此隱藏 Google 建議的相符內容]