打印

[遊記分享][新疆 西藏] 西行記-西藏(多圖)

西行記-西藏(多圖) E-mail 此主題給朋友

[隱藏]

西行不易,這段旅程好壞如何,最後都將會成為一段特別嘅回憶。
圖有啲多,可以直接睇呢度,可以嘅就點下紅色鐘仔,訂閱一下
https://youtu.be/LwAMKIXIv1w

登天

z6801次列車,下午兩點出發,22個鐘嘅車程。天南地北,各種膚色嘅人都會見到。


由城市到村落,草原到山地,一路上乜都睇到。青海湖好大,足足一個鐘先見唔到。



夜晚九點幾會到達格爾木,真正嘅青藏鐵路由呢度開始。前後修足50年,世界最高最難搞嘅鐵路,真係好犀利。

要換翻內燃機嘅火車頭,因為用電唔夠力。火車頭係美國GE公司嘅,世界最大推力火車頭。未出現高山症反應嘅可以落車睇睇,順便感受一下肺部收縮嘅感覺。

開始供氧,準備瞓,軟臥嘅好處係一個人有個大嘅氧氣口


天光,好多人會出現高山症,因為經過唐古拉山,5000m嘅海拔,供氧都唔掂

可可西里,身體冇反應嘅唔好錯過,一世人可能就一兩次機會可以親眼見到呢個地方



早上八點到拉薩,不可思議,我真係黎左西藏。


聖域


拉薩市區唔大,但好多人,車都好多,熱熱鬧鬧。會有臭味,臭味主要係啲油脂、奶類混合香火嘅味道,一開始會好唔習慣,多幾日就冇事。



聞名不如見面,好興奮,終於見到,好宏偉。

淡季唔使買票,直接排隊入去就可以了,要注意嘅就係,只有上午可以入去,下午唔得。我一共去左兩次,好深印象。




布達拉宮好高,要行樓梯上去,會有一種好正嘅feel

拉薩全景,雪山好壯觀,睇到冇聲出

大殿,入去就唔可以影相,裡面啲嘢都係珍寶,會有人介紹

行完出黎就係後山,有個好勁嘅屎坑,記得去痾尿,直排嘅

林廓,布達拉宮下邊條街,好熱鬧,乜人都有,可以見到好多佛教徒。





天地

大昭寺、羅布林卡等每天都人都湧動,在瑪吉阿米與各方遊人一起偶遇,成為一件十分有趣嘅事。

早上七點的拉薩依然月明星稀,但我等幾個相會於偶然的旅人已走出了寧靜的拉薩市區,行駛在崎嶇不平的公路上,穿行於茫茫的群山之中。

轉山轉水轉佛塔,不為修來生,只為與你相見。雖然呢首七絕詩與藏文原版有一定美化,但對於前往納木措嘅人黎講,係最應景的。世界最高嘅鹹水湖。位於念青唐古拉山腳下,海拔5000m,係拉薩出發,要6-7個鐘嘅車程。









羊措翁措,又叫羊湖,三大聖湖之一,拉薩過去比較近,亦冇咁高,所以都幾多人過去。湖面d顏色會成日變化,而且會好大風。






歸去


藏民其實都幾相與,特別係後生嘅一輩,晚上係布達拉宮嘅廣場隔離,可以好容易咁加入佢地嘅隊伍一起跳舞。

搭飛機去成都,再轉機翻黎,整個旅程半個月,去埋日喀則,冇去珠峰。一共用左幾皮嘢,去西藏玩其實好貴,去珠峰更加貴,但其實都值得,你不一定思想上會昇華,但眼界會開闊好多,對你以後做人處事都會有幫助。
進入香討影片區



回覆 引用 TOP

熱賣及精選
揸車入仲正,我川入青出50日,兩個人用咗一萬七,去埋珠峰大本營。


引用:
原帖由 leung776 於 2019-9-6 05:28 PM 發表

揸車入仲正,我川入青出50日,兩個人用咗一萬七,去埋珠峰大本營。
師兄好波,可惜我只有一個人去,乜都係飛機,去到咁遠,又怕死,乜都去最貴差不多,用多你好多錢。



引用:
原帖由 半空真空的香腸 於 2019-9-6 05:45 PM 發表


師兄好波,可惜我只有一個人去,乜都係飛機,去到咁遠,又怕死,乜都去最貴差不多,用多你好多錢。
住房差好多,你住星級酒店每日用錢都畀我多二千幾啦。



[隱藏]
引用:
原帖由 leung776 於 2019-9-6 05:47 PM 發表




住房差好多,你住星級酒店每日用錢都畀我多二千幾啦。
酒店得確係占好大一部分,當時識到啲北京嘅朋友,去佢地嘅酒店睇,其實都幾OK,不過價錢就只有我住嘅一半唔到。



回覆 引用 TOP

真係一生人必要到一次嘅地方。


引用:
原帖由 陳滔滔 於 2019-9-7 10:03 AM 發表

真係一生人必要到一次嘅地方。
又唔一定嘅,我反而覺得新疆正好多



引用:
原帖由 半空真空的香腸 於 2019-9-7 12:03 PM 發表


又唔一定嘅,我反而覺得新疆正好多
之前去過青海,嗰時已有衝動跳上火車直入西藏,所以暫時西藏係首選。



引用:
原帖由 陳滔滔 於 2019-9-7 12:14 PM 發表



之前去過青海,嗰時已有衝動跳上火車直入西藏,所以暫時西藏係首選。
你嘅想法都相當狼死



回覆 引用 TOP

[隱藏]
多謝分享


回覆 引用 TOP

一直想去 但又怕有高山反應


引用:
原帖由 nldw 於 2019-9-8 11:30 PM 發表

一直想去 但又怕有高山反應
可以先去青海適應一下



回覆 引用 TOP

提示: 作者被禁止或刪除 內容自動屏蔽
要去一次的地方


回覆 引用 TOP

[隱藏]
壯美


回覆 引用 TOP

[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。