打印

[遊記分享] 阪京、鳥取6日濕身快閃之旅 香討焦點

阪京、鳥取6日濕身快閃之旅 E-mail 此主題給朋友

[隱藏]


京阪神上年去過,對比其他日本地方,大阪俾我嘅感覺唔算良好,因為實在太多同胞,今次會重遊嘅原因只得一個 - Harry Potter。 不過去環球片場得一日,咁其他五日做乜呢?之前無意發現鳥取砂丘同浦富海岸呢兩個地方,一直好想去, 好想睇下浦富海岸嘅透明海,雖然車程好長,但係最後都決定放埋響呢個trip。今次六日行程如下:

Day 1 - 四點幾到,冇planning
Day 2 - Universal Studio
Day 3 - 京都嵐山玩白水激流
Day 4 - 京都玩紮染
Day 5 - 浦富海岸獨木舟 + 鳥取砂丘
Day 6 - 黑門市場 + Outlet

去片



熱賣及精選
支持支持


砂丘無咩人


睇完機管局平面圖都搞唔清楚


搭機場通宵城巴巴士 , 想問下 T2進出管制安排即係邊個位置可以入去?


 想問下有沒有買pass 去鳥取砂丘 ?



[隱藏]
引用:
原帖由 西九花花獅子 於 2019-9-10 07:43 PM 發表

支持支持
釘橋釘橋



回覆 引用 TOP

引用:
原帖由 iapple2 於 2019-9-10 08:46 PM 發表

砂丘無咩人
其實都有啲,不過唔算多,因為我5點半鐘先去到,我估啲旅行團走曬

[ 本帖最後由 Luien 於 2019-9-11 02:39 PM 編輯 ]



回覆 引用 TOP

引用:
原帖由 Pauliney 於 2019-9-11 01:51 PM 發表

睇完機管局平面圖都搞唔清楚


搭機場通宵城巴巴士 , 想問下 T2進出管制安排即係邊個位置可以入去?


 想問下有沒有買pass 去鳥取砂丘 ? ...
我冇買pass, 因為租左一日車自駕。

嗰朝我係搭機鐵,所以唔係好清楚T2安排,但係返港嗰陣我就見到出入口有人咁高嘅水馬,然後經過要check boarding pass。



回覆 引用 TOP

Day 1 - 4/9 大阪

今次去日本又係坐冇水飲航空,時間好好,去程上午11回程晚9點。 經expedia book package,6日5夜$2500/人酒店連機票抵到喊。Book嗰間Sarasa Dotonbori 三星酒店今年2月先開 ,幾乾淨,日本橋站落車行大約六七分鐘,好近道頓崛。


因為擔心有不合作運動,所以早三粒鐘到機場,結果冇人排隊,D人望一望個boarding pass就放行。 Check in完入去食早餐,呢兩碗泰式牛河成為舊幾水,李露薇吖, 蔥都唔多粒。


班機準時到達,我另外兩個朋友因為搭港龍,所以早一個鐘到接我哋機。事不宜遲pok去大阪,途經天下茶屋站轉車到日本橋站。 其實車站行去酒店六七分鐘唔算遠,不過拎住啲行李加埋落雨都幾狼狽。

到咗酒店劈低啲嘢就出發去第一站 - 難波公園 P2。由酒店行去難波公園大約廿分鐘,我哋沿途share左串炸雞。咁P2 究竟係乜鋪頭,要咁遠專登去呢? 身為鳥奴嘅我,梗係要為我嘅主子去啲寵物用品專門店辦貨啦。比我D主子出下鏡先。


平時啲寵物用品店多數只係賣貓狗嘢,P2就有埋雀仔、倉鼠、兔仔、鬥魚、龜,呢類比較冷門嘅用品。 另外仲有好多貓狗食嘅精美曲奇餅、蛋糕,全部都係啲殺人不見血嘅兇器。



舖頭響難波公園商場入面,都有好多玩具揀,不過計落都係香港雀仔街平,但係當然日本嘅包裝就精美好多。 結果我就買咗一包不知名的瓜子,兩間茅屋同一包啫喱咁大把。尋晚獻上粒啫喱貢品比主子,佢哋吼都唔吼,一臉要拖我出去斬嘅樣望住我,又嘥錢啦頂!


買完貢品餓到虚虚地,即刻出去搵食。沿途穿過小巷,見間居酒屋好多人諗住試下,但係個侍應唔識講英文唔肯招呼我哋。於是四條友又行返去大街,求其見到間食串燒嘅就中咗入去,坐低畀menu 就知道奶嘢,因為全本都係中文。 我哋唔敢搏,求其叫咗幾樣諗住頂下個肚再跑第二場,咁啲嘢食又唔算太差。

有嘢落肚個人終於有返啲力氣,於是我哋再跑下一場,我個friend之前去過呢間Kakigoya 食蠔,果然好介紹。



佢呢度有燒蠔同埋生蠔散叫,又有任食。生蠔一打好似三千yen左右,非常鮮美,其他小食都好好味,係D house wine 好似飲水咁淡。


頭先上半場嗰餐,本來輸緊0比3,大家都好down,好彩下半場呢餐大比數反超前獲勝。 我哋四個好滿足咁捧住個肚,慢慢lan返酒店準備眼閉,因為聽日晨早我就要去朝聖 - Harry Potter。



回覆 引用 TOP

Day 2 - Universal Studio

除非你有好多彈藥可以買fast pass,如果唔係黎Universal Studio一定要揀日子,因為熱門ride排隊嘅時間可以去到三四粒鐘。

http://www15.plala.or.jp/gcap/usj/

上面條link係預測每日入場人數,分綠黃紅三色,紅色係地獄,我係綠色入場,不過平均每個ride最少都排咗個幾鐘,我想像唔到紅色入去係令人幾悲憤。

我張飛係官網買嘅,因為有生日優惠比Klook仲要平30蚊。官方開放時間係九點,但係其實大約八點半已經放人入場,如果你想避開人群應該八點半前去排隊,然後佢一開場就即刻衝去飛天翼龍或者哈利波特,咁你就可以KO其中一個最多人排隊嘅機動遊戲。

我本來都係預咗八點半前到,不過起身嗰下may下眼又may左半個鐘,九點到嗰陣入口已經人山人海。 我哋即時走去哈利波特園區,830到嗰批已經玩完行返出嚟。9點05分去到排隊已經要排90分鐘, 後面嗰堆就係排隊嘅人群。


哈利波特禁忌之旅其實就係有個大螢幕向你面前,然後你就鎖响張椅到俾佢chok同fing,排隊排餐懵玩咗五分鐘就出返嚟。



  


USJ 有個官方apps可以睇到即時排隊時間,飛天翼龍長期keep住180分鐘,所以最後我地放棄左。本來今日關門時間係八點,但係去到下午四五點我哋已經又臭又攰,中間有段時間走去睇4-D 史力加,全程訓着左。結果今日玩左Harry Potter、Jurrasic Park、小小兵、蜘蛛俠、大白鯊,差唔多六點半離開,返酒店沖涼然後去食飯。



回覆 引用 TOP

[隱藏]
返到酒店沖完涼餓都暈,即時出去食飯。今晚揀嘅餐廳係響天神橋筋六丁目附近嘅一間居酒屋叫做地漁屋台。 呢間嘢我舊年3月事嚟過一次,今晚要再encore,佢嘅天婦羅非常好味。


呢間嘢嘅cp值非常高,唯一缺點就係好嘈同多人食煙。
  

後來我哋再追加咗啲天婦羅,呢餐四個人食捧住個肚出去都係萬八yen,正呀!



回覆 引用 TOP

大阪揸去鳥取?公路要錢嗎?幾耐時間?


引用:
原帖由 annachow06 於 2019-9-12 06:43 PM 發表

大阪揸去鳥取?公路要錢嗎?幾耐時間?
要錢,我跟gps最短時間路程,ETC收大約7000 yen來回,大阪揸去鳥取兩個半鐘左右。



鳥取砂丘值得一去。


支持


回覆 引用 TOP

[隱藏]
機場嗰間泰國食店真係好無heart,早餐好難食


 60 1234
 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。