打印

[貓貓] 求助DES188D . 推薦好的中醫師

求助DES188D . 推薦好的中醫師 E-mail 此主題給朋友

[隱藏]
能否推薦中醫師想幫貓貓舒緩他的腎病. 香港區或九龍區


熱賣及精選
引用:
原帖由 simon_als 於 2019-9-12 11:59 AM 發表

能否推薦中醫師想幫貓貓舒緩他的腎病. 香港區或九龍區
‘simon_als
現給你以下中獸醫參考資料:
天后寵物醫x
網址:
http://thph.com.hk/contact.html
Dr. Denisexx
網友反影Dr. Denisexx人很好,問症也問了一個多小時,醫漏尿心臟病抽筋也有好效果。

如看中獸醫,因他們會使用粉或丸劑草藥,是烘焙而成的,比煲的中藥汁較為燥熱,所以要多飲水份、加多些蔬菜菜心和煲紅蘿白水給貓狗食和飲用,有助減低燥熱情況及預防引起肝腎指數高的副作用!


31-7-2015 wealthsasa 網友反映Dr. Denise人很好,問症也問了一個多小時,醫漏尿心臟病抽筋也有好效果。

17-8-2015 網友masterxxx說天后裡另一醫生Dr Graxxx就不好,不停叫她的寶貝驗野,花很多錢。


如服用中獸醫的藥物未能改善貓貓腎病的話,可回來告知貓貓病情(有否心臟病、腫瘤、肝腎病、結石、貧血等等)、體重,附驗血報告等,可貼較適合的中藥方給貓貓試試,看能否幫到貓貓?

希望貓貓看完中獸醫後有好的改進!





回覆 引用 TOP

非常感謝你的回覆和寶貴意見.
貓貓已經16歲, 腎病已经第四期, 每星期都回診所覆診, 但指數一直很高.
因為上星期他弄傷口角, 所以一直吃得很少. 每天也肯飲粥水. 我也定時给他吃藥.
本星期初覆診時醫生說香港有寵物醫院做洗腎, 轉介問了之後, 費用比台灣高出3倍. 每次洗腎要8-10萬港元, 而且要洗2-3次. 費用太高根本負擔唔起.
只希望中藥可以幫他舒緩病情.
想問一下貓貓這星期有便祕, 可否給他喝些西梅汁嗎 ?

附件是九月初的報告.



附件

PHOTO-2019-09-04-00-10-04.jpg(154.89 KB)

2019-9-12 01:32 PM

PHOTO-2019-09-04-00-10-04.jpg

回覆 引用 TOP

剛剛預约了 Dr. Denixxxx , 但要到下星期二才有空 .

今個星期日預约左做幹细胞, 你覺得兩者有没有衝突 ?
希望你可以给我一些意見



[隱藏]
引用:
原帖由 simon_als 於 2019-9-12 01:44 PM 發表

剛剛預约了 Dr. Denixxxx , 但要到下星期二才有空 .

今個星期日預约左做幹细胞, 你覺得兩者有没有衝突 ?
希望你可以给我一些意見
不要客氣呀!simon_als
貓貓16歲好叻叻呀!
洗腎要8-10萬港元一次,真的很難負擔!
除了粥水,亦可餵些瘦肉白飯給貓貓食用的。
西梅汁應該是李子做的,偏涼,如果有腎病飲後擔心令腎臟更差,或者可能會漏尿或失禁,如想試,先試少量,無漏尿滴尿才加少少。
或者試下用幾滴蜜糖加在糧中或少量水中飲用或直接滴入口中食用吧!蜜糖有通大便功效。

看到貓貓腎和磷指數都高,但不算很嚴重,中藥是可以幫他紓緩病情的,希望 DRDENIXXX幫到牠!

1/9驗血報告只驗了腎相關指數,下次驗血最好驗全血,便可以知道貓貓其他指數有否超標或偏低,比如有否炎症/胰臟炎、貧血、虛弱(抵抗力/炎症指數偏低)、糖尿、血小板低/內出血、肝腎病?都可以在驗血報告中看到,這樣對開中藥會準確一點。到時最好告知中獸醫知,貓貓有否心臟病或其他病症,開中藥才準確。

如將來想飲煲的中藥,隨時可以再聯絡我!


我手上沒有用幹細胞紓緩到腎病的網友資料,所以也無法提供給你,只能提供一段有提及過幹細胞治療腎病的資料,但未有效果的。

網友‘candycat114末期腎貓有打過1針幹細胞針,第4日、第8 日和尾二段有提幹細胞針和參考效果:
https://www.discuss.com.hk/viewthread.php?tid=28008239&extra=page%3D1
fm    31-1-2019    Post 1
『末期腎貓 治療過程+幹細胞針
當知道貓貓有末期腎衰竭時, 心即時沉下來。本身唔期望貓貓會好返, 只想盡力提供優質生活同治療俾佢。特別要讚下貓貓, 一直堅強接受治療打針食藥, 希望貓貓在天上快樂生活。
以下係整個治療過程既描述, 給其他腎貓主人一個參考。
貓貓17, 1個月前成日去廁所, 飲水多咗, 無胃口食野, 無精神。原本以為係便秘, 就帶佢去荃灣一間又大又多人去既診所。醫生A話要驗尿驗血, 我話OK, 助手姑娘同我講解收費就開始check, 結果確診末期腎衰竭。到埋單時, 張單好貴, 姑娘話今日做咗驗尿驗血同超聲波。我話無做超聲波喎。原來醫生A做咗無話我知, 之後叫咗助手姑娘出嚟輕輕聽解, 我唯有俾錢。
返去屋企有一星期幫貓貓打皮下水、餵藥同餵食處方糧, 但一路貓貓精神都唔好, 唔肯食野, 企係水面前慘叫, 有小便, 無乜大便。一星期後再覆診檢驗, 比之前差咗。醫生A話一係放棄貓貓, 一係試下入院吊鹽水2,3日。我選了後者, 助手姑娘同我講解收費就安排入院。入院1, 醫生A拎驗住報告話好咗, 但要再觀察。之後第2, 3, 醫生A同助手姑娘都放假, 只有住院姑娘睇住。日日都叫人幫貓貓檢驗腎指數, 4日返嚟先一次過同我講番哂。有需要驗得咁密嗎? 如果驗完有幫助治療就OK, 但醫生A又不在, 日日檢驗對貓貓壓力不是更大嗎?入院3, 探望貓貓時見佢呼吸急促, 住院姑娘話有留意到, 但無做任何野。當時我估係貓貓身體太多水排唔走而引致的肺積水。由於醫生A放假, 我叫住院姑娘通知當值醫生。之後幫貓貓照X, 見到肺有好多水, 結果要食去水藥, 停止吊鹽水同聞氧氣。去水藥對腎唔好, 但為咗保住條命, 無辦法都要食。
入院4, 醫生A拎住檢驗報告話肺積水清了, 但貓貓住院後個腎指數都無大改善, 要放棄了。我從診所得知同一間診所裡有位醫生B專門打幹細胞針來治療腎衰竭。在網路上見到有關資訊不多, 大部份都偏向講支針有幾好, 但未有確實證據證實有效。抱着少許希望, 轉咗另一位醫生B問問幹細胞針詳情。醫生B話幹細胞針無副作用, 對於我隻貓貓年紀大, 打皮下水同吊鹽水都無改善, 就很適合。成個療程共2支針, 打完第1支後, 1個月後再打另一支。醫生B話支針要訂造, 要俾哂2支針價錢, 之後無得退錢。另外, 醫生B話唔一定有效, 隻隻貓既反應都唔同。針很貴,但還是決定一試, 醫院安排4日後打針。
住院時貓貓精神一般, 有小便同少許大便, 無乜胃口, 最好個時食幾粒乾糧, 幾口濕糧, 最差時係完全唔食, 探病時我用針筒餵佢。平時姑娘有餵貓貓食野, 但一定唔多。好搞笑係, 有日同一位高級姑娘傾貓貓住院情況, 佢話我隻貓貓一日食一罐貓糧。如果佢自己一日食一罐, 佢唔會咁瘦, 我就唔駛用針筒餵。聽到佢咁講, 我心裡更加不安。
入院8, 貓貓打針前12個鐘禁食, 之後先驗血, 聞麻醉藥, 再打幹細胞針。晚上見貓貓禁食完都無胃口, 要餵食。而且, 精神一般, 眼睛流眼水、鼻有結塊、又打噴嚏。同醫生A講貓貓情況時, 佢望住姑娘寫的住院記錄, 竟然話貓貓住院時胃口有好咗, 1/4罐到3/4罐貓糧。我日日探望貓貓, 十分清楚貓貓胃口及精神情況。後來醫生A說應該是寫錯了。至於貓貓流眼水、鼻有結塊、又打噴嚏, 無姑娘同醫生講過。醫生A話貓貓可能染咗感冒, 開咗感冒藥俾我返屋企餵。另外, 貓貓本身唔夠血, 醫生A開了造血針叫我幫貓貓打皮下。皮下水加了份量返屋企繼續打。
入院9, 醫生A放假, 俾了一大筆出院費, 我帶住一隻流住眼水慘叫的貓貓同一堆藥返屋企。一星期後再覆診。
返到屋企的一星期, 繼續打皮下水, 食藥同餵食。貓貓同之前唔同既係, 餵食多咗, 便便多咗, 但全部都係稀便, 身體仲瘦咗, 行路唔穩。食咗感冒藥, 依然流眼水、鼻塞、流鼻水。
直至有一日, 留意到貓貓呼吸快咗, 就提前去診所, 同時覆診驗血驗尿。醫生A話腎指數差不多, 但貓貓有腹水, 應該心臟問題, 因此照了心臟超聲波, 見到心臟外好多水跡。結果,開了去水藥去水, 皮下水亦減少, 另加心臟藥幫助心臟跳動。至於鼻塞, 醫生A都係開番原本隻藥叫我繼續餵。
回家後2日朝早, 貓貓完全不能走動, 扶佢起身立即軟軟倒下。最尾決定帶佢離開。當日上午到診所, 同姑娘講話搵醫生打瞓覺針。姑娘話醫生未返, 叫我先放低貓貓幫佢保暖。再問姑娘時, 姑娘話醫生C幫貓貓檢驗緊。當見醫生C, 已經話幫貓貓驗完一輪, 覺得無得治, 可以打瞓覺針。醫生C未見我就進行檢驗, 我亦無向姑娘要求做什麼檢驗,而且, 2日前覆診已經驗過哂, 點解貓貓唔可以好好咁瞓覺,又要捱多幾針呢? 最尾俾多一筆檢驗費。
一直覺得動物醫療費用係貴, 但都要有咁上下質素先值得。感覺醫生對嚴重病患經驗不足, 解釋病情時講錯, 住院姑娘觀察力不夠, 注意不到貓貓問題嚴重性。至於幹細胞針, 已經打唔到第2支了, 1支針對我隻貓貓都無乜效用。
而家屋企仲有全新既皮下水, 蝴蝶針, 處方糧, 寵膳營養液, 有需要既腎貓主人可PM我。』




回覆 引用 TOP

謝謝你的回覆.
其他的指數不記得是否之前也驗過, 但這幾次醫生也只驗了那幾項.
現在只是吃降磷粉, 降胃酸藥, 粉狀腎補充劑, 红梅lysine粉, 止通藥, 抗生素. (没有食降血壓藥).
這星期日會去東九龍寵物醫院做幹细胞, 到時會叫醫生驗晒所有嘢.

那篇內容我之前也有看過, 所以十五十六不知道是否有副作用. 因為用靜脈注射幹细胞的方法, 在人体身上注射的話是有機會出现Cancer的. 但在動物身上真的不太清楚.



引用:
原帖由 simon_als 於 2019-9-12 05:31 PM 發表

謝謝你的回覆.
其他的指數不記得是否之前也驗過, 但這幾次醫生也只驗了那幾項.
現在只是吃降磷粉, 降胃酸藥, 粉狀腎補充劑, 红梅lysine粉, 止通藥, 抗生素. (没有食降血壓藥).
這星期日會去東九龍寵物醫院做幹细胞, 到時會叫醫生驗晒所有嘢.

那篇內容我之前也有看過, 所以十五十六不知道是否有副作用. 因為用靜脈注射幹细胞的方法, 在人体身上注射的話是有機會出现Canc ...
不要客氣呀!‘simon_als
看到貓貓都食很多種藥物,因為貓貓有腎病,如果日後貓貓有些情況好轉,那可以減的藥物就盡量與醫生商量減食,免令肝腎負荷更重。如果有炎症的話,愈食得多西藥,炎症就愈重的,所以要飲足夠的水份,並小心留意貓貓的驗血改善情況。

希望貓貓一切順利!



回覆 引用 TOP

[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。