打印

[英超] 曼聯更衣室殺戮戰場蘇B超刻薄鬧人紀實

曼聯更衣室殺戮戰場蘇B超刻薄鬧人紀實 E-mail 此主題給朋友

[隱藏]
https://hk.on.cc/hk/bkn/cnt/sport/20191009/bkn-20191009080058967-1009_00882_001.html






貴為英格蘭國內最成功球隊,曼聯本季成績堅唔合格,8戰得9分創紅魔於英超史上最差開季成績,領隊蘇斯克查被全球魔迷插到上天花板。外表童顏、周時笑口噬噬、對外處處維護球員嘅蘇B查實怒不可遏,英國《太陽報》報道,蘇斯克查於更衣室中,學費格遜瘋狂「開風筒」,用勁難聽說話羞辱一班球星,據悉紅魔球員都開始頂唔順蘇B,希望佢早走早着。

曼聯自於開季首仗大數車路士後,之後就冇腳好波,自今於聯賽輸過畀水晶宮、韋斯咸同紐卡素,於歐霸盃演出亦令魔迷冇眼睇,對阿爾克馬爾全場都冇腳射門中龍。之前蘇斯克查都對外承認,曼聯表現的確令人尷尬,但呢個批評已經好小事,因為佢喺更衣室插班球員嘅說話,比「尷尬」難聽100倍。

《太陽報》爆蘇斯克查於不敵紐卡素賽後,勁用粗口問候一班球星,插佢哋成班不知所謂:「你哋一班廢柴,莫講要喺費格遜時代嘅『全盛曼聯』中打正選,就連後備都冇資格做!賽前我同你哋定嘅所有戰術同踢法,一落場就唔記得晒,同白癡有咩分別?就算英冠球隊都比你哋好多多聲!依家你哋踢成咁,係咪想打爛我飯碗,想我畀人炒?」

蘇斯克查坐正做曼聯正式主帥後,成績就直線下跌,今夏放走盧卡古、安達靴里拉、阿歷斯山齊士等球員,搵唔適合打箭頭嘅拉舒福特掛帥,搞到曼聯戰鬥力大減,另外佢戰術單調冇Plan B,球員都開始懷疑佢嘅能力。將帥關係緊張,更有球員希望蘇B快啲被炒,曼聯未來堅令人擔心。

蘇斯克查問:「你哋一班廢柴,同白癡有咩分別?」

答啦!


[ 本帖最後由 那些年 於 2019-10-9 12:22 PM 編輯 ]



李天命常說的,勝利者並非說最後一句的那個人,但很多人都喜歡搶著說最後一句,好像這才是贏家。
熱賣及精選
就呢幾句唔覺刻薄喎


回覆 引用 TOP

蘇B都係講事實.....   


但蘇B都唔係好好多



蘇B 欠白癡一句sorry... 點解要用曼聯球員和他們做比較?  

以後只用"全盛時期的曼聯" 和呢班曼聯做比較可以嗎?

[ 本帖最後由 那些年 於 2019-10-9 12:31 PM 編輯 ]



李天命常說的,勝利者並非說最後一句的那個人,但很多人都喜歡搶著說最後一句,好像這才是贏家。

回覆 引用 TOP

[隱藏]
以利記同曼城黎講,佢地又真係連後備都無


回覆 引用 TOP

估到佢啦,照copy費格遜個套

1)依家班球員性格同班港青一樣
2)以前打多幾個有成績球員冇聲出
今時今日呢套仲點work?



引用:
原帖由 .Ckrai 於 2019-10-9 12:53 PM 發表

估到佢啦,照copy費格遜個套

1)依家班球員性格同班港青一樣
2)以前打多幾個有成績球員冇聲出
今時今日呢套仲點work?
或者係費格遜透過藍牙耳機向蘇B落order, 蘇B跟住指示說...



李天命常說的,勝利者並非說最後一句的那個人,但很多人都喜歡搶著說最後一句,好像這才是贏家。

回覆 引用 TOP

蘇B冇講錯,但佢講嘅廢柴、白痴係包括佢自己在內。


回覆 引用 TOP

曼聯呢隊波真係神奇...

我身邊的曼聯迷當提起曼聯,他們會氣憤地說:"垃圾!"

我身邊的非曼聯迷當提起曼聯,他們會笑笑口說:"垃圾!"

曼聯呢隊波真係神奇...  能夠令到不論是否曼聯迷,都贏得他們相同的評價!

[ 本帖最後由 那些年 於 2019-10-9 01:23 PM 編輯 ]



李天命常說的,勝利者並非說最後一句的那個人,但很多人都喜歡搶著說最後一句,好像這才是贏家。
[隱藏]
咁屌已經好比面


回覆 引用 TOP

有...白痴唔駛比人工
佢地係高薪白痴至啱



回覆 引用 TOP

講事實都唔得?


回覆 引用 TOP

講真心話不嬲難聽過粗口


回覆 引用 TOP

我又唔覺得蘇B講錯,呢班友真係同白痴冇分別,有睇直播直情覺得呢班友係庇護工場出黎


回覆 引用 TOP

[隱藏]
引用:
原帖由 那些年 於 2019-10-9 12:21 PM 發表

https://hk.on.cc/hk/bkn/cnt/sport/20191009/bkn-20191009080058967-1009_00882_001.html

?20191009080331

...
我試代答: 白癡怎會有幾十萬鎊周薪, 假如我真的是白癡, 那麼發幾十萬鎊周薪給我的那位又算是什麼?



回覆 引用 TOP

 74 12345
 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。