打印

[英超] 【想當年】卡路士踢爆皇馬「7條煙」黑歷史

【想當年】卡路士踢爆皇馬「7條煙」黑歷史 E-mail 此主題給朋友

[隱藏]
https://hk.on.cc/hk/bkn/cnt/sport/20191013/bkn-20191013140336858-1013_00882_001.html


前巴西國腳、皇馬球星卡路士最近同前巴塞門將拜亞,接受葡萄牙電視台訪問嗰陣,自爆 「銀河艦隊」當年球員勢力有幾大, 大到唔只一個主帥畀班大帝趕離巴拿貝,仲承認同「大哨」朗拿度瞓埋一齊多過自己老婆!
卡路士坦承咁多個領隊入面,迪保斯基同班球星似朋友多啲,點解?應該係乜都就晒佢哋。原來迪保斯基管理寬鬆,星期一練波都係晏晝5點先開始,有時連星期二亦一樣,從來唔使班大帝上晝11點到場,因為實冇人出現。
相比之下,甘馬曹、盧森保高就唔識做人嘞。卡路士話當時更衣室有「七大寇」話晒事,喺皇馬地位崇高嘅甘馬曹唔識死,揸旗第一日同大家打過招呼之後,好嚴肅咁叫大家朝早7點報到晨操,不過佢哋慣咗早極都操10點半,於是要求改時間,最後係點?甘馬曹10日後落台。
盧森保高就衰喺直接得罪卡路士同「大哨」,佢兩個慣咗晚飯前飲酒,盧森保高唔准,仲收走佢兩個檯面嘅啤酒,當時呢對「孖寶兄弟」馬上咁講:「教授,人人都有習慣,唔好諗去改變佢,咪收走枝酒或者晚飯前禁啤酒,否則你會有麻煩。」結果盧森保高3個月後執包袱。
回想當日,連卡路士都認實在太癲:「今時今日回頭睇番,我會諗點解可以癲成咁。比賽之後周圍都係私人飛機,去到馬德里巴拉哈斯機場私人通道,碧咸會去唔知邊度抖抖,施丹、費高放假去某一個地方,仲有我同朗拿度‧‧‧‧‧‧我哋通常隔一日至復操。嗰陣我經常祈求踢星期六波,事關咁樣星期日就可以去睇一級方程式賽車。」睇番皇馬近年咁多更衣室風波,班友教而不善,顯然係一種「傳承」,施丹依家做咗主帥,可以話受番晒以前自己做過嘅嘢。
卡路士仲爆料:「我1993年就識朗拿度,自此就同佢同房,我同佢瞓嘅時間真係多過我老婆。」認真老友。

咁點會有好成績吖?



熱賣及精選
七大寇..... 


回覆 引用 TOP

柒條煙剷


不過好老實!佢地係好波既!



活在當下
引用:
原帖由 The_Cardigans 於 2019-10-13 03:19 PM 發表

柒條煙剷


不過好老實!佢地係好波既!
所以一隊波不能有太多大牌球星的



[隱藏]
引用:
原帖由 莫耶斯領隊 於 2019-10-13 03:22 PM 發表


所以一隊波不能有太多大牌球星的
利記好多星!但全部好收紀律



活在當下
引用:
原帖由 The_Cardigans 於 2019-10-13 03:25 PM 發表


利記好多星!但全部好收紀律
利記現在除左沙拿 雲迪克算大牌d之外 其他文尼 法明奴......果d邊算大牌?



所以當時追星既皇馬戰績唔好就係咁
隊波入面球員大過領隊... 事問戰術幾好都冇用, 班大帝唔聽你點, 講咩都冇用




睇完卡路士講, 真系唔Like呢D球會.


七支煙個時,都係名氣大過球技,成績唔算好


[隱藏]
真係離晒大譜,冇職業道德🔥


回覆 引用 TOP

引用:
原帖由 莫耶斯領隊 於 2019-10-13 03:06 PM 發表
https://hk.on.cc/hk/bkn/cnt/sport/20191013/bkn-20191013140336858-1013_00882_001.html


前巴西國腳、皇馬球星卡路士最近同前巴塞門將拜亞,接受葡萄牙電視台訪問嗰陣,自爆 「銀河艦隊」當年球員勢力有幾大, 大到唔只一個主帥畀班大帝趕離巴拿貝,仲承認同「大哨」朗拿度瞓埋一齊多過自己老婆!
卡路士坦承咁多個領隊入面,迪保 ...
如果d班大哥認真練習,都唔知叻成點



回覆 引用 TOP

美斯1挑7,如入無人之境


引用:
原帖由 lpj88 於 2019-10-13 03:48 PM 發表

睇完卡路士講, 真系唔Like呢D球會.
依家至清醒未遲
物以類聚,人以群分
唔like都好正常



說好的6比5已出現,真係辛苦晒

回覆 引用 TOP

引用:
原帖由 The_Cardigans 於 2019-10-13 03:25 PM 發表


利記好多星!但全部好收紀律
分別係利記令佢地上一線 而唔係佢地成名再加盟



[隱藏]
因為佢覺得唔洗練都贏


 102 1234567
 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。