打印

第一次炒車....好唔甘心! (迴旋處地上有油!)

第一次炒車....好唔甘心! (迴旋處地上有油!) E-mail 此主題給朋友

[隱藏]
學車o既時候, 有師兄教路, 揸車時小心自己, 仲要小心埋人地唔小心。
真係出左事, 就算責任o係人地o個度, 燒返幾億俾你都係無用!

所以考到牌以來, 我自問都算小心揸車。出車5年, 小小揩花架車都無。


今日行過青衣担桿山迴旋處,
完全唔知乜o野事,
突然就翻車, 成個人仆左o係馬路度。

好在o係迴旋處, 後面架大貨車行得慢, 停得切, 無碌到我。

我扶返起架車時, 有架巴士o係旁邊駛過, 司機好大聲嗌:「好跣呀!」
原來唔知邊個, 搞到一地都係油。

架車仲郁得到, 我慢慢揸返停車場。

檢查傷勢,
兩邊手肘﹑兩邊膝頭都係血,
個肚腩都擦傷。
好在呢輪肥左, 有個肚腩掩護, 細佬安然無恙。

風褸, T裇, 長褲都磨穿左,
手機個鏡頭裂左。

至於架車, 原本之前保養得好好, 平時泊有蓋停車場, 落雨就唔出街, 一條傷痕都無。
而家...




手柄斷左, 半右邊車花哂!


行返去担桿山迴旋處想睇清楚案發現場,
估唔到, 即時又有一個師兄訓低!



呢位師兄好似又傷左, 坐左o係度。



好快, 有警察黎到。


警察應該會 call 白車送師兄去醫院,
我諗緊好唔好同阿sir講:「呢度仲有一個傷者。」
不過諗起去到醫院都有排等, 都係自己返屋企急救喇。


如果今日仲有師兄會行經呢個迴旋處,
小心!

[ 本帖最後由 KenWstr 於 2019-11-2 10:18 AM 編輯 ]



早睡是對明天的祝福
熱賣及精選
慶幸人冇乜大礙,心痛就一定,車修理番好,等時間冲淡!


回覆 引用 TOP

D欄杆無哂,有咩野行過?


回覆 引用 TOP

部車花左算啦~都係比錢整…最緊要個人冇事呀~

btw..我想問地下有油係咪會深色啲?揸車時避得開嗎?



[隱藏]
引用:
原帖由 香煎理性的壽包 於 2019-10-30 06:30 PM 發表

..我想問地下有油係咪會深色啲?揸車時避得開嗎?
我專登返轉頭就係睇下自己衰乜嘢。
地上有油, 馬路係深色左, 不過唔係深好多。
好多時地上有水都係o甘o既樣。





今次o既油漬好大面積, 而我入迴旋處之後原本要入內線o係第4個出口出,
點都避唔到......




早睡是對明天的祝福
引用:
原帖由 KenWstr 於 2019-10-30 09:15 PM 發表



我專登返轉頭就係睇下自己衰乜嘢。
地上有油, 馬路係深色左, 不過唔係深好多。
好多時地上有水都係o甘o既樣。

是禍躲不過呀,不過衰運完架啦~下次加倍小心啦



回覆 引用 TOP

你報警再睇醫生,可索取(不論過失交通意外補償)


我係股蟲   唔係古龍   小小老散   唔係老闆
車傷唔好理...最重要人無事....


我係現代人

回覆 引用 TOP

引用:
原帖由 香煎理性的壽包 於 2019-10-30 18:30 發表

部車花左算啦~都係比錢整…最緊要個人冇事呀~

btw..我想問地下有油係咪會深色啲?揸車時避得開嗎?
無得睇的..D油同肖水好難分到..見到可以既話棟直車身唔好拉BRAKE..所以36比26有個好處就係無咁易跣到..



我係現代人

回覆 引用 TOP

[隱藏]
避彎位油水基本技巧大家應知的!
除非情況極突然又誇張~~~
意外主因係危意戒備放鬆了……

[ 本帖最後由 fto94 於 2019-10-31 09:49 AM 編輯 ]



引用:
原帖由 ~股蟲~ 於 2019-10-30 09:36 PM 發表

你報警再睇醫生,可索取(不論過失交通意外補償)
多謝師兄指點, 真係唔知有呢樣o野!



早睡是對明天的祝福

回覆 引用 TOP

呢個迴旋處我都去過好多次喎, 師兄開幾快?


引用:
原帖由 vacationhk 於 2019-10-31 01:13 PM 發表

呢個迴旋處我都去過好多次喎, 師兄開幾快?
o係青敬路口停低等左一陣先入迴旋處, 剛剛起步, 我又唔趕時間, 唔快得去邊。



早睡是對明天的祝福
引用:
原帖由 KenWstr 於 2019-10-31 05:22 PM 發表



o係青敬路口停低等左一陣先入迴旋處, 剛剛起步, 我又唔趕時間, 唔快得去邊。
anyways, 最緊要人無事, 經一事, 蔡一智, 我都要避開深色路面



回覆 引用 TOP

[隱藏]
引用:
原帖由 fto94 於 2019-10-31 09:25 AM 發表

避彎位油水基本技巧大家應知的!
除非情況極突然又誇張~~~
意外主因係危意戒備放鬆了……
避彎位油水基本技巧。。。。Ching 能否詳細講講?thx



 55 1234
 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。