打印

[英超] 【多圖】孫興民闖禍喊爆 高美斯恐怖斷腳 【更新】球證彈弓手!老孫紅牌唔公平

【多圖】孫興民闖禍喊爆 高美斯恐怖斷腳 【更新】球證彈弓手!老孫紅牌唔公平 E-mail 此主題給朋友

[隱藏]
https://hk.on.cc/hk/bkn/cnt/sport/20191104/bkn-20191104023440726-1104_00882_001.html





孫興民從後攔截闖大禍,搞到安祖高美斯右腳腳踝截斷,呢名南韓國腳即刻抱頭痛哭,最後被球證艾堅遜拔紅趕出場。熱刺作客愛華頓,客軍憑迪利阿里建功領先,但78分鐘老孫於中圈附近從後攔截高美斯,後者失平衡同奧利亞撞埋一堆,奧利亞雙腳夾住高美斯隻右腳,疑似就係咁夾斷咗足踝。老孫之後情緒激動,甚至要主隊球員安慰;而奧利亞亦都好唔開心,心不在焉下被普捷天奴換走。最終雙方打成1:1平手。

熱刺今戰有王牌前鋒哈利卡尼因病缺陣,領隊普捷天奴換孫興民同盧卡斯莫拉掛帥,但效果不佳,上半場雙方乏善足陳,只有李察利臣為主隊射過腳軟弱無力嘅埋門,半場互無紀錄。63分鐘終於出現入球,愛華頓伊禾比於中圈附近傳失,直接畀咗孫興民,南韓國腳直線妙傳,迪利阿里扣入中路起右腳射入,客軍領先1:0。

本身場波平淡無奇,但去到78分鐘出現不幸情況,孫興民於中場附近從後出腳攔截安祖高美斯,跟手同奧利亞撞埋一堆。高美斯跌到在地,孫興民走埋去一見其傷勢即刻抱頭掩面,原來高美斯右腳足踝位置已完全變型,斷得非常徹底。孫興民對自己闖下大禍勁唔開心,情緒非常激動,無論係自己隊友甚至係愛華頓球員都走埋去安慰佢。艾堅遜本身畀張黃牌佢,但見到高美斯傷勢後,決定改畀紅牌,當時老孫已經唔在乎自己領咩牌,因為佢已一直喊緊。另一邊廂,好可能係直接夾斷高美斯隻腳嘅奧利亞亦情緒低落,普帥見唔對辦,亦將佢換走。

高美斯嚴重受傷,令場波要補時12分鐘,愛華頓打多1個,而且一眾球員亦為高美斯而戰,終於98分鐘扳平,耶利文拿大斜角斬到左路,盧卡斯迪治尼第一時間逗入禁區,辛克杜辛衝到頂入,終於為愛華頓搶番1分。但相信愛華頓同熱刺上下,甚至係全球球迷,喺呢一刻都只係想高美斯可以盡快好番,快啲回歸綠茵場。





(Getty Images)

(Getty Images)

(Getty Images)

(Getty Images)


(Getty Images)

(Getty Images)

(Getty Images)

(Getty Images)


(Getty Images)

(Getty Images)

(Getty Images)

意外!孫興民都唔係想收對方山...

https://www.youtube.com/watch?v=MKdj_XYm1MA

下面呢段睇得清楚:
https://www.youtube.com/watch?v=sLno2n9u8M0

【東體爭議】球證彈弓手!老孫紅牌唔公平

https://hk.on.cc/hk/bkn/cnt/sport/20191104/bkn-20191104100040780-1104_00882_001.html?fbclid=IwAR1ua1kY5hU3I4q6yO_acfRarbR_pzAe5qGP6z3EDYCufbcEmxV6PU8WREs


愛華頓中場安祖高美斯恐怖斷腳震驚球壇,「兇手」孫興民事後嘅後悔痛哭亦震撼人心,不過如果將情緒先擺一邊,孫興民呢次犯規被罰紅牌係咪錯呢?除咗熱刺領隊普捷天奴高呼「唔公平」之外,唔少球圈中人亦指孫興民唔應該拎紅。

事實上,當時球證艾堅遜已經拎出黃牌,準備警告孫興民,但當佢見到安祖高美斯嘅受傷情況,突然改判紅牌。普捷天奴賽後表示:「個結果非常之差,我哋為高美斯難過,呢個動作完全係衰運,但球證係要判斷個(犯規)動作,而唔係判斷動作之後發生嘅情況...原本我哋已經控制局面,但呢個判決(紅牌)改變一切。」

對於呢張紅牌,英超球圈人士亦話充滿爭議,連尼加表示:「孫興民好傷心,如果唔係傷得咁重佢唔會食紅牌。」米高布歷治亦話:「孫興民傷心到連呢張咁爭議嘅紅牌都冇心情爭辯。」奧雲更形容球證出呢張紅牌係「震驚嘅判決」。

英超賽會賽後發出聲明,指孫興民嘅紅牌原因係「佢最初嘅攔截動作,導致球員安全被危害。」事實上,孫興民的確係從後攔截高速推進中嘅安祖高美斯,就算畀紅牌亦唔可以話「錯」,問題係艾堅遜本身認為只係黃牌,但睇完個結果先至改判紅牌,「程序」先至係大問題。

[ 本帖最後由 那些年 於 2019-11-4 03:50 PM 編輯 ]進入香討影片區



李天命常說的,勝利者並非說最後一句的那個人,但很多人都喜歡搶著說最後一句,好像這才是贏家。
熱賣及精選



呢下接觸清楚睇到,孫跟本踢唔應,只係令高失平行向前跌!  



李天命常說的,勝利者並非說最後一句的那個人,但很多人都喜歡搶著說最後一句,好像這才是贏家。
早日康復


回覆 引用 TOP

踢到隻腳唔係向上, 係打橫左, 唉!
你睇普哲天奴, 有一張相, 佢係張開手話冇事, 佢D教波風格, 真的不敢公維.
高美斯, 早日康復.

[ 本帖最後由 ultane 於 2019-11-4 10:25 AM 編輯 ]



[隱藏]
引用:
原帖由 ultane 於 2019-11-4 10:23 AM 發表

踢到隻腳唔係向上, 係打橫左, 唉!
你睇普哲天奴, 有一張相, 佢係張開手話冇事, 佢D教波風格, 真的不敢公維.
高美斯, 早日康復.
佢咁樣傷法唔係因為被踢所能做成

係失重心時,腳背被踏實轉唔到,以全身體重之力硬生生扭斷足踝...

高美斯, 早日康復.



李天命常說的,勝利者並非說最後一句的那個人,但很多人都喜歡搶著說最後一句,好像這才是贏家。

回覆 引用 TOP

提示: 作者被禁止或刪除 內容自動屏蔽
其實奧利亜都有責任,老孫只係kick跌佢


回覆 引用 TOP

早日康復


回覆 引用 TOP

引用:
原帖由 那些年 於 2019-11-4 09:47 AM 發表

https://hk.on.cc/hk/bkn/cnt/sport/20191104/bkn-20191104023440726-1104_00882_001.html

?20191104081559

...
恐佈............



回覆 引用 TOP

[隱藏]
引用:
原帖由 ericlkyuen 於 2019-11-4 11:13 AM 發表

其實奧利亜都有責任,老孫只係kick跌佢
我覺得奧利亞責任仲大過老孫,老孫都係令佢失平衡,但奧係直播踩到佢😥不過我幾欣賞老孫事發後既表現,果種由內而外既歉意,真係發自內心,話佢矛我絕對唔覺得,落得場緊係去盡,同埋佢既動作唔見得有咩特別損害性



提示: 作者被禁止或刪除 內容自動屏蔽
引用:
原帖由 那些年 於 2019-11-4 09:51 AM 發表

?20191104081559


呢下接觸清楚睇到,孫跟本踢唔應,只係令高失平行向前跌!   ...
唔係依下, 人地唔會失平衡, 奧利亞都未必剷到, 大佬, 唔係要咁樣漂白啊



韓國人最叻呢架嘢


提示: 作者被禁止或刪除 內容自動屏蔽
引用:
原帖由 nickyyu 於 2019-11-4 11:50 AM 發表


我覺得奧利亞責任仲大過老孫,老孫都係令佢失平衡,但奧係直播踩到佢😥不過我幾欣賞老孫事發後既表現,果種由內而外既歉意,真係發自內心,話佢矛我絕對唔覺得,落得場緊係去盡,同埋佢既動作唔見得有咩特別損害性 ...
宜家係從後攔截啊, 心腸壞到一個點,, 你無野啊



呢下最傷同奧利亞相撞果下,睇個勢就算son唔加力都好會撞得好甘,加埋son果野變相加速再撞埋奧利亞度就


[隱藏]
引用:
原帖由 乂大簡 於 2019-11-4 12:11 PM 發表

呢下最傷同奧利亞相撞果下,睇個勢就算son唔加力都好會撞得好甘,加埋son果野變相加速再撞埋奧利亞度就


所以這位名叫奧里耶的球員登上了英國Twitter的熱搜榜

從現場的圖片中可以看出,奧里耶的雙腿夾在了戈麥斯的右腿中間,而他的右腳踩踏導致戈麥斯腳踝斷裂,而孫興慜的鏟球實際上沒有碰到戈麥斯。

賽后第一時間,奧里耶登上了英國Twitter的熱搜榜,但是孫興慜的名字卻不在其列。






 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。