• 瀏覽: 656
  • 回覆: 4
  • 追帖: 1
[隱藏]


一間出名甜品嘅餐廳,價位平時唔會食,有次下午茶,價位明明唔吸引,款式亦少,但叫未試過想試,仲偏偏叫主食。



茶餐自然跟茶,見佢寫熱茶或冰茶自然係餐牌‘茶’度選,但又話唔係,講咗幾隻茶,明明同茶類頭幾樣個名一模一樣,但又話唔同,要餐牌過啲要加錢。佢飲品好似都出名,但都係特飲姐,唔通跟餐有專用茶包,餐牌過隻勁啲?精神唔好,至今日都未了解到。



煙火腿粟米忌廉燴長通粉,明明心目中二選一,可能選咗隻最差,可能兩邊結果一樣,但依份嘢食一啖就反胃。醬濃,再加芝士薄片,原本滿心期待,但食落真係濃烈嘅忌廉,濃濃芝士自然吸引,但變咗忌廉,仲要濃到點醬梗,睇住五十幾蚊份上至強行食咗一半,返到去反胃咗成晚。



難食成梗,本來得出答案係我自己傻,係甜品主場食主食,加上當日精神唔好,甜品又無食過自然唔敢亂評,但命運讓我今日中咗推廣,無論如何都堅持係最後一日俾大家一次機會。



白菌煙腩肉鮮蛋意大利麵,簡稱卡邦尼,作為優惠尾關感覺最抵,始終點都要叫多樣,叫甜品感覺開心過叫野飲。首先份量明顯比下午茶少,之前用醬,今次用汁,味道其實一樣,只係比例平衡咗,但當附近幾枱都傳來同一隻味時,其實都幾反胃,睇嚟本身對佢依隻汁都係反感。但扁意粉值得一讚,雖然份量少,但口感同麥香,都有手工嘅感覺,相信唔太吸汁,但上汁係我食得落嘅主因。



食完主食到上甜品,見個場唔滿,廚房又無俾嘢出,預佢十五分鐘原來太少,等足半個鐘,期間先出得幾杯飲品,可能背後做咗好多野,表面嘅裝飾又要佢費心,但其實點都感受唔到美感。士多啤梨乳酪厚焗鬆餅配士多啤梨雪糕,首先果醬似手工,果肉亦多,甜味自然,糖漿淡淡其實存在不大,轉換唔到口味,鮮果帶甜,反而底下嘅淡乳酪加果乾碎酸到驚訝,唔搞梗多,就上面加啲果醬外加份糖漿其實仲好,至於主角厚焗鬆餅,係好棉密,但成舊濕濕地粘粘地,唔好同我講半熟,空氣感自然無,好多餅店嘅蛋白蛋糕都做得比佢好。

最近真係無咩精神寫嘢,但佢厲害天時地利人和,真係唔寫唔得,其實都好奇係多方面影響下都梗多人去食,但做優惠客都少咗仍係事實,唔怪得佢最近越嚟越多搞作。



回覆 引用 TOP

熱賣及精選
手明

未試過企田品

午餐就試過

張枱似細過食放提



回覆 引用 TOP

好味嘅


回覆 引用 TOP

提示: 作者被禁止或刪除 內容自動屏蔽
[隱藏]
得個名!!!!


回覆 引用 TOP

[按此隱藏 Google 建議的相符內容]