簡單交談之後得知屋主係一名混血兒。佢老豆係菲律賓人, 亞媽係女人之餘亦係沖繩人, 嗜好係打麻雀同釣魚。我估佢五六十歲左右。當佢得知我係香港人, 佢眉頭一鄒, 話佢半年前嚟過香港, 覺得香港係一個好有趣好好玩嘅地方, 最近睇新聞見到嘅香港同佢所去過嘅香港好似唔係同一個地方, 問香港發生咗咩事, 家下咩嘢情況。

太複雜嘅問題我唔識答, 我只能溫馨提示佢香港依家好危險, 叫佢千祈唔好去。佢話有個朋友家下喺香港, 佢好擔心。

佢有幾部單車喺泊車位後面, 我向佢確認咗邊部可以借用之後, 就同佢行上二樓。


一開客房門, 見到有三張床, 但係我book果間係單人房喎。佢話:"間房你用晒, 門匙交俾你, 你鍾意訓晒咁多張床都得。


佢話聽晚搵我飲酒嘅時候再傾過。(呢個約會最終並沒有實現, 可能因為我太夜返)佢收下房租就退出房間。之後喺呢段旅程期間, 我再冇見過佢。

引用

被引用(1)
3張床變相仲迫夾左....原來C兄一個人出發, 渣車又好似好晒料咁

引用