• 瀏覽: 7,204
  • 回覆: 17
  • 分享: 1
+7
現在剛好踏入平安夜,响度祝各位師兄聖誕快樂,同時亦有以下小小嘅分享

小弟對上一次入手IWC嘅錶已事隔7年,其間都冇去特別留意這品牌,直到2個月前响機場嘅某一晚,見上機前仲有時間,又見IWC店內鬼影都冇隻,又知佢哋出名服務好,咁就即管入去都係搞搞震冇幫襯,順便又試戴吓隻銀針葡7啦,一上手就俾佢電咗一嘢,而該位好有禮貌嘅職員仲立即攞埋隻藍面葡萬出嚟,真係㩒都㩒唔住,結果又電多嘢,但對於我依d咁有經驗嘅消費者嚟講就梗係表現鎮定(自己以為),好快就全身而退。


有一類客人叫急到瀨,我正是這類,所以第2日一返到公司就即刻上網揾資料做功課,好快就响某網店入手隻葡7來止咳(因水貨折扣仲係好高)。


點知咳就未止到之餘又中埋葡萬嘅毒,手戴葡七,眼望葡萬,但都冇辦法,盡管上網睇過有關現行款嘅萬年歷都唔係咁啱自己心水,而同一時間該位BT職員又間唔中send D Pilot款俾我睇(佢知道我對Pilot係全冇興趣但都send完又send),但自己睇睇吓又變咗淨係睇Pilot嘅萬年歷,仲越睇越鐘意,事情就係咁樣發展落去....


點都冇諗過會响2019年年尾可以入手依隻2016款嘅鋼大飛萬,仲可能係香港BT最後一隻存貨,雖然從未見過其真身,甚至從來都冇留意過任何Pilot錶款,但早2日就好任性咁一落機就帶佢返屋企,全因為想借用聖誕做藉口去送份禮物俾自己,加上我响BT遇到一個好有耐性嘅職員,而佢又願意花時間去follow我依個似運吉多過買嘢嘅客人,仲令我响過去2個星期,日睇夜睇有關大飛萬嘅資料,購買慾由零直升到爆燈,都係由該位勤力嘅職員一手撮成。


响度我要再次一讚這位BT職員,佢嘅耐性及對客人嘅交帶係整件事成嘅主要因素。

同時亦要感謝K總嘅意見及回覆,希望好快又可以PM煩佢。

最後再次祝各錶友們 “聖誕快樂, Happy New Year”!



引用:
原帖由 Dblue2018 於 2019-12-24 12:56 AM 發表
現在剛好踏入平安夜,响度祝各位師兄聖誕快樂,同時亦有以下小小嘅分享

小弟對上一次入手IWC嘅錶已事隔7年,其間都冇去特別留意這品牌,直到2個月前响機場嘅某一晚,見上機前仲有時間,又見IWC店內鬼影都冇隻,又知佢哋出名服務好,咁就即管入去都係搞搞震冇幫襯,順便又試戴吓隻銀針葡7啦,一上手就俾佢電咗一嘢,而該位好有禮貌嘅職員仲立即攞埋隻藍面葡萬出嚟,真係㩒都㩒唔住,結果又電多嘢 ...
恭喜師兄。

葡萬係隻機芯極復雜嘅手錶,亦非常昂貴,所以小弟從來都冇諗過有隻機械萬年曆,我亦只有隻石英萬年曆解吓愁,唔知師兄呢隻易唔易較時間?



引用:
原帖由 watchlover668 於 2019-12-24 03:38 AM 發表

恭喜師兄。

葡萬係隻機芯極復雜嘅手錶,亦非常昂貴,所以小弟從來都冇諗過有隻機械萬年曆,我亦只有隻石英萬年曆解吓愁,唔知師兄呢隻易唔易較時間? ...
我都冇諗過突然間咁鐘意big pilot,佢嘅時間、日期、星期都係由錶冠調教,很方便,只是較多咗不能返轉頭。



哩隻大飛萬好正👍,小弟都曾經考慮過,但最後都揸唔定主要,最後放棄了,轉移入左幾隻其他品牌。


[隱藏]
聖誕快樂


恭喜樓主,聖大飛萬賀聖誕係一個好選擇!


恭喜師兄入手大飛萬,現在有8年保下,真係非常抵玩


引用:
原帖由 Troways 於 2019-12-24 04:18 PM 發表
恭喜師兄入手大飛萬,現在有8年保下,真係非常抵玩
師兄你絕對係早買早享受啦,現加到8年保養都係我入手複雜機蕊的基中一個原因。



引用:
原帖由 SpiderBoBo 於 2019-12-24 03:42 PM 發表
恭喜樓主,聖大飛萬賀聖誕係一個好選擇!
係呀師兄,下星期仲可以同佢一齊倒數



[隱藏]
Good pick, congratulations!


引用:
原帖由 Dblue2018 於 2019-12-24 04:42 PM 發表



師兄你絕對係早買早享受啦,現加到8年保養都係我入手複雜機蕊的基中一個原因。
絕對是,我至愛之一。現在距離2020年還只有幾天,可以在除久欣賞由2019轉到2020, 嘗心樂事。



引用:
原帖由 Dblue2018 於 2019-12-24 09:41 AM 發表



我都冇諗過突然間咁鐘意big pilot,佢嘅時間、日期、星期都係由錶冠調教,很方便,只是較多咗不能返轉頭。
聽師兄咁講,可能石英款仲難較時間,因為要兩、三個制一齊按,好煩。Anyway,祝師兄聖誕快樂!戴住隻靚錶過新年!

[ 本帖最後由 watchlover668 於 2019-12-25 12:33 AM 編輯 ]



真心恭喜!估唔到BT仲有e只。另外都想讚下位同事,毒得你咁緊要😂


引用:
原帖由 Dblue2018 於 2019-12-24 04:46 PM 發表



係呀師兄,下星期仲可以同佢一齊倒數
呢隻都係我愛錶之一,應該係戴得最多,幾日後睇住佢跳到2020-1-1是一件賞心樂事。



[隱藏]
恭喜師兄買到心頭好!


鍵盤翻頁
左右
[按此隱藏 Google 建議的相符內容]