• 瀏覽: 855
  • 回覆: 4
  • 追帖: 1
[隱藏]
已經好多年冇係聖誕假期外遊,皆因機票酒店都實在貴得驚人,去布吉島5日閒閒地1人過萬,窮等人家真係唔捨得洗。

但今年平安夜前2星期,忽然發現廉航越捷24號平安夜飛、29返來回胡志明市只係賣$1400,聖誕檔期計真係無敵價,雖然印象中,胡志明市冶安和旅遊配套不大理想,但價碼實在吸引,真係平過坐高鐵返大陸,於是馬上組隊訂位,自己一家三口 + 妹妹、妹夫,一行5人胡志明市、頭頓自由行。

訂好機票後,馬上上網找資料,第一樣當然係做visa,現在越南已可以做 E-visa,不用再經旅行社代辦落地簽証,現只需上官網填表,上傳近照,再用credit card俾USD 25,大概2-3日便可自己在官網print out 纸張visa,帶同到越南直接到海關柜檯過關。以下係e-visa官網,有詳細教學,好簡單。
https://evisa.xuatnhapcanh.gov.vn/trang-chu-ttdt

越南盾可以帶美金或人仔去到果便先換,個rate話會高D,我都係帶美金邊玩邊换,費事預錯數,用淨太多,因為當地消費真係好低,兼且週街都有得換,找換店、金舖、旅行社、賭場,真係唔洗急。港幣對越南盾約為1:3000

順帶一提越捷的飛機餐和行李都唔貴,有需要可於網上上機前預訂,比現場買平好多,由於去程飛19:50,剛好晚餐時間,所以每人訂了餐 (1盒飯+1樽水約HK$40) ,另外回程買了1位20kg寄倉行李(HK$133) ,以備購買少量手信,我1家3口3隻手提,其中1隻可以放大,回程時放大上滿20kg寄倉剛好。幸好回程有買寄倉行李,原來越捷對手提的7kg限制都幾嚴,連女士手袋仔和腰包都要一併過磅,回程時眼見好多人瀨野,即場補買20kg寄倉貴過網上預訂好多,要成USD 30,所以有打算買手信的朋友,最好預先安排好。

DAY 1
出發當日有驚無險,Book左信用卡優惠車(HK$250) 16:30從屋企出發去機場,點知平安夜油尖一帶大塞車,個司機又懶醒,左兜右兜,越行越塞,卒之搞到成18:45才到check in counter,一額汗。由於我地去到counter,巳經冇人排隊,我地係最後5位乘客,反而upgrade左我地 skyboss class,其實skyboss同econ分別唔大,只係飛機最前的三排位,座位前後叫做闊少少咁。

香港直飛胡志明市 VJ877 19:50PM>>> 21:30PM
飛機餐最好味係枝礦泉水,不過$40(1盒飯+1樽水)平過大家樂,真係冇野好講,叫做果2個鐘頭機有D搞作冇禁悶,反正預左夜D會去夜市消夜。

官網照片,好睇唔好食

飛機準點降落胡志明市新山國際機場,海關唔算多人,由於全部手提行李,用左15分鐘左右,便順利過關去到大堂。首先買上網卡,大堂好多賣上網卡舖仔和找換店,係咁二格左幾檔價,買左3張無限上網卡大家share,150,000盾(HK$50)一張,另外換了幾佰萬盾袋住。
一離開大堂,人頭湧湧,加上網上講越南的老屈個案,真係有D惊,係大堂外面冇20米遠已係馬路邊,好多本地人楝晒人名牌接訂左車的客,我地冇訂車,一個箭步行到馬路邊企定定 call Grab 7

唔洗10分鐘便有7人車泥接往酒店,往後幾日行程,都係用Grab 7做交通工具,越南Grab或Taxi都好平,7人車最貴果程係由機場坐到市中心酒店都只係十幾萬盾(约幾十港紙) ,其餘市內每次坐都係只幾萬盾,真係冇必要坐巴士,又安全又舒服。

今晚入住Citadines Regency Saigon,酒店唔算大,應該係service apartment改建,勝在新開好新淨,基本設施齊備,泳池、sauna、健身室都有,前台英語溝通冇問題。
我一家3口訂左1房1廳套間,有2張雙人床,客廰除左有煮食用具外,最實用係有一部洗衣乾衣機,Last day可以洗乾淨哂D衫先打包返屋企。



酒店對辦,乾淨開揚,3個人住好舒服,地方大執行李好方便,一晚才八佰幾

Check in安頓行李後,Call Grab至濱城市場 宵夜




[ 本帖最後由 pc918 於 2020-1-11 12:42 PM 編輯 ]



回覆 引用 TOP

熱賣及精選
支持


回覆 引用 TOP

支持


回覆 引用 TOP

DAY 2
市內觀光,胡志明市市內境點唔多,主要打咭境點集中第一郡,只要用Google Map串連起各景點,每一境點5 - 15分鐘腳程,可以全部用脚行完。

為左多試道地美食,所以禁多日的酒店都冇訂做餐。
早餐 Phở Hòa Pasteur(河粉) 從酒店Citadines步行10分鐘
  


注意檯面的纸巾、油炸鬼是收費的,不要可退給他,我沒吃油炸鬼,因見好多人埋單冇食,他又送到另一枱,都唔知擺左幾耐。至於檯面其他蔬菜、辣椒係免費任食的。至於E檔D粉,個人覺得湯、牛腩、扎肉都好味,唯獨佢用的係金邊粉,唔係我心目中那種幼滑口感。

早餐後從Phở Hòa Pasteur步行5分鐘到耶穌聖心堂(粉紅教堂)


Call Grab至 西貢王公聖母教堂(紅教堂)


再步行到旁邊的胡志明市中心郵政局

入面好多手工製立体明信片賣,幾有特式,可寄俾朋友和自己做手信。

再步行到 胡志明市大劇院、胡志明市博物馆。。。。
沿途又唔覺胡志明市冶安係網上講到禁恐怖,12月正值越南冬季兼淡季,平均氣溫廿幾度兼晴天游人又少,用步行泥游覽好舒服寧靜。只係間中會碰到D呃遊客的小販,所以冇心買野盡量少搭訕,就算有野睇中咩都好,都要問清楚價錢,否則都會無可避免有少少損失
例如當天行到某個位要過馬路,越南勁多電單車,司機和行人大家又好似色盲咁唔多守規距,起初唔習慣,過馬路會有D煩,E個時候有個檐住擔挑賣椰青小販行出泥,竟然好好心敢幫我地擋住D車,協助我地過馬路,過馬路後佢當然sell我地啦!見佢禁好人又有D口渴,便買2隻冰凍椰青,每隻50000盾 (約HK$17),其實在超市或小店只須15000盾一隻。
重有好多五花八門小技倆呃錢,例如主動借擔挑和帽給你拍照,拍完就。。。50000盾
個人覺得可避就避,只要唔係過份,佢地都係呃D小數目,買貴少少,就當俾左小費好了,不用上心令旅程不快

Ngon Restaurant (Nhàhàng Ngo) 午餐





檳城市場 換錢購物


Call Grab 到 范五老街的Thesinhtourist.vn旅行社, -- 報團
報了28/12的古芝地道半天團 (下午1:.00范五老街上旅游巴士出發,晚上7:00回到起點) ,每人129,000 (約HK$40)

報團後 行酒吧街,沿Detam street直行到Quán 33 Đề Thám (海鮮大排檔) 晚餐
[attach]10736546[/attach]




E個大排檔除左平、靚、正,重有個好處,個老板係越南華僑,識廣東話和英文,唔洗盲沖沖點菜

今日午晚2餐都好好味,不過掛住食,好多冇影相和影得唔靚,越南消費真係好平,尤其食野,有D似去返20年前大陸物價,5條友叫成檯7、8個菜,埋單都只係圍到3幾佰港幣

註:此帖主要為紀錄旅程見聞,但由於好多照片都有團員真身,私隱關係,所以部份風景照片為網络轉貼,非本人拍攝

[ 本帖最後由 pc918 於 2020-1-13 04:58 PM 編輯 ]



回覆 引用 TOP

[隱藏]
DAY 3
買好左胡志明市機票後,上網搵過一下D當地旅游資料,才發現係胡志明市除左係市中心搵食和做spa外,可以去的觀光的景點真係唔多,勉强叫做有D近郊的local tour ,古芝地道和湄公河,古芝睇過下資料幾得意,重有真槍實彈射擊玩,車程亦唔遠,所以係day 2巳報左28號的半天團。至於湄公河就冇咩與趣了,上youtube睇過下,只係一條水質好混濁的內河,風景亦冇咩特別,最大問題係來回車程要成8-9個鐘,晨早起身花禁多時間去睇條水道,不如去spa好過。
但成6日禁多日係胡志明市,似乎又有D無聊,於是决定係行程加入離胡志明100公里遠的頭頓,係頭頓住1晚。
頭頓市係越南最南端的沿海城市,亦係越南最早開發的旅游特區,頭頓市有綿長海岸線、一望無垠的幼砂海灘,賭場、渡假村、廉價海鮮、主題公園,係峴港、芽莊未開發前,曾經風光一時。
去頭頓可選擇從水路或陸路,無論坐車或坐船,所需時間都差不多要2個小時,我地選擇左坐船,票價係比坐車貴,但比較舒適和安全,起碼坐到悶可以起身行下去下廁所都得,甚至行出船尾吹下風睇下風景,諗下屈住雙脚坐2粒鐘巴士便辛苦。
巴士票價80000-120000,有不同款大巴或小選擇
船票價240000,但3天前預訂有早鳥優惠,150000盾(约HK$50) ,我一早係香港上船公司官網訂好。
https://greenlines-dp.com/en/

訂左去頭頓的船票係10:00,一早起身check out,由於day 4 & 5會再入住Citadines,所以將行李分箱,只帶1件手提去頭頓,其餘寄存係Citadines,輕裝上路。

從Citadines打Grab到碼頭只需約10分鐘,提早约9:00便到碼頭,在碼頭登船處有露天咖啡廳,就在那望住個河景吃早餐等上船,講真食物叫做合格啦,都係咖啡、法包、牛河,價錢相對市區亦比較貴,但相比香港仍叫便宜。


Delay左少少10:20才開船,船艙近似香港去順德的渡輪,可能淡季和價錠關係,只得半滿,兼且大部份是外藉遊客,船程有3/4時間行湄公河的分支河道出大海,約1/4時間行經大海到頭頓,湄公河河道船好定,可能限速關係行得好慢,但對游客泥講反而幾享受,可以係船尾影下相吹吹風,順便欣賞一下湄公河風景,但出到大海有D拋,要返船艙坐定定。

約12:30到達頭頓碼頭,碼頭旁邊就係Ho May Park(類似大陸長隆的主題公園) ,安排左明早先泥玩,可玩完後順便坐船返胡志明市。
泥到頭頓仍然以Grab7為交通工具,落船即call車先往酒店check in,大約10分鐘車程便到今晚入住的VungTau RiVa Hotel,RiVa係一間臨海新建小酒店,冇泳池、健身室之類設施,但勝在夠新淨,2018年才建成,係Google實景地圖睇仍未update,只係爛地塊,從酒店問口行到海灘,只隔一條馬路,真係超近,E個亦係我訂佢的其一原因,但RiVa離市中心和海鮮市就遠少少,沿海邊行約30分鐘,唔想行callGrab不用5分鐘車程。



雖然酒店只係開幕一年,但保養就真係麻麻,加上臨海關係,露台欄杆和落地窗都有D風雨洗禮痕跡。我地1家3口訂了4人海景露台房,房間有成50平方米,露台向東無敵海景,2張Queen Bed包自助早餐先至HK$600,冇野好講。



回覆 引用 TOP

[按此隱藏 Google 建議的相符內容]