記二十年前往事: 阿女差啲被抓交替，好彩阿妹出手救番！

瀏覽: 615,954
回覆: 3,034
追帖: 346

列印

本主題由 lokisilver 於 2020-7-12 05:35 PM 加入精華

咕哩頭

尊貴會員

帖子: 1553
積分: 1604
註冊時間: 2017-6-13

發短消息加為好友

[真人經歷] 記二十年前往事: 阿女差啲被抓交替，好彩阿妹出手救番！

#1

發表於 2020-1-14 01:38 PM

[隱藏]

本版所有故事乃跟據真人真事寫成，版權所有，不得轉載或抄襲，違者將予法律追究。

---------------------------------------------------

這件事，認識我的人大概都聽我講過，二十年過去了，阿女如今已長大成人，仲好人好姐，活得健康充實，都係多得我細妹當年救番佢咋。

但係真正要講呢個故事，卻要由二十六年前講起。

[ 本帖最後由咕哩頭於 2020-12-2 09:11 PM 編輯 ]

回覆引用被引用(3) TOP

咕哩頭

尊貴會員

帖子: 1553
積分: 1604
註冊時間: 2017-6-13

發短消息加為好友

#2

樓主發表於 2020-1-14 01:48 PM

話說我女七歲那年，入讀全日制小學一年級，每日早上由菲傭送返學。

他倆每日來回都要經過黃大仙廟旁邊一條小馬路，我女不大喜歡那個菲傭，所以走在路上時，永遠隔住她十個八個身位，書包也是我女自己揹。基本上，個菲傭只是離遠伴住我女返學，二人也甚少談話交流。

[ 本帖最後由咕哩頭於 2020-1-15 12:32 PM 編輯 ]

回覆引用被引用(1) TOP

咕哩頭

尊貴會員

帖子: 1553
積分: 1604
註冊時間: 2017-6-13

發短消息加為好友

#3

樓主發表於 2020-1-14 01:49 PM

突然在某一日，阿女放學回家對我說:

'媽咪，呢幾日我返學時都聽到有人嗌我個名，但我擰轉頭又冇人喎。'

'嗌你個名，嗌你邊個名呀？'

(阿女有鬼咁多個名，除咗正式公文名字之外，有人叫佢中文名“心心”，又有人叫佢英文名“Summer”，又有人叫佢乳名“豬女”。)

'佢嗌我中文全名，連名帶姓咁嗌。'

`咁係男人聲定女人聲呀？'

'男人聲。'

一時之間，我都唔識比咩反應佢，為咗唔好嚇親佢，我只好故作輕鬆，求其安撫性質咁講咗句:

'你咪理呢啲野啦，或者你聽錯呢。'

之類既說話。

但我心諗，佢既然講得出話係嗌佢中文全名，即係唔係個菲傭嗌佢啦，仲話係男人聲添。

之後我靜雞雞問個菲傭有冇聽到類似既野，佢梗係矇查查話冇啦。

之後我就當冇事發生一樣，唔再提起。

[ 本帖最後由咕哩頭於 2020-1-18 04:38 PM 編輯 ]

回覆引用 TOP

咕哩頭尊貴會員帖子 1553 積分 1604 註冊時間 2017-6-13 發短消息加為好友	#4 樓主發表於 2020-1-14 01:51 PM 只看該作者大中小繁簡過咗幾日，阿女放學又來通報: '媽咪呀，果個人又嗌我啦。' 呢次我真係有啲抓狂。乜傢伙呀！？ [ 本帖最後由咕哩頭於 2020-2-23 09:22 PM 編輯 ]
UID 6126352 帖子 1553 精華 1 積分 1604 金幣 95 閱讀權限 50 在線時間 1799 小時註冊時間 2017-6-13 最後登錄 2021-1-17 查看詳細資料	回覆引用 TOP

咕哩頭

尊貴會員

帖子: 1553
積分: 1604
註冊時間: 2017-6-13

發短消息加為好友

#5

樓主發表於 2020-1-14 01:52 PM

[隱藏]

'今日仲未行到黃大仙廟就聽到，點解佢成日嗌我㗎？'

我當然冇答案比到阿女，只感到今次唔荒係好野。

我打電話講晒成件事比我細妹聽。佢話:

'你教心心，下次再聽到把聲嗌佢個名，唔使擰轉頭㗎，大聲喝佢，

走開啦仆街！

~咁就得。'

`吓，咁惡死鬧佢得唔得㗎！'

`得㗎嘞，果啲野最怕人惡過佢。'

`吓，咁都得！'

`你屋企有供奉緊黃大仙㗎嘛，不如你去同心心搞埋上契啦，等佢認咗黃大仙做契爺，咪有神明庇佑咯，响屋企裝香拜拜又咁方便。'

雖然我心中未係咁肯定呢兩招真係得，但我都照做咗。

第一招，教阿女再遇同樣情況要即時回應大聲鬧仆街，第二招，認黃大仙做契爺並在家中拜拜。

做晒以上兩件事之後，阿女果然平平安安渡過咗六年，讀到升上中學。

回覆引用被引用(3) TOP

咕哩頭尊貴會員帖子 1553 積分 1604 註冊時間 2017-6-13 發短消息加為好友	#6 樓主發表於 2020-1-14 01:53 PM 只看該作者大中小繁簡點知就係升中先至大檸樂
UID 6126352 帖子 1553 精華 1 積分 1604 金幣 95 閱讀權限 50 在線時間 1799 小時註冊時間 2017-6-13 最後登錄 2021-1-17 查看詳細資料	回覆引用 TOP

咕哩頭

尊貴會員

帖子: 1553
積分: 1604
註冊時間: 2017-6-13

發短消息加為好友

#7

樓主發表於 2020-1-14 01:53 PM

呢度要交代番下背景先。

阿女七歲果年，我同佢爸離婚帶住佢搬返阿媽度住，阿媽屋企一直供奉住黃大仙爺爺，阿媽每日早晚焚香禱告。

我自己有工作在身，所以阿女起居飲食都少有沾手。阿女後來冇再提有人嗌佢名，我自然樂得清淨，亦冇再特登裝香或去廟裡拜拜。

我唔會記住每年邊日係黃大仙誕，咁啱阿媽提我就去廟裡拜一拜，佢唔提就唔使拜。我每次拜拜都唔專心，一邊拜一邊諗東諗西。

我阿妹自細就好有主見，好識照顧人，比我呢個大家姐仲大家姐。我離婚果年，佢已經嫁咗人，又過幾年生埋個女之後，就跟佢老公搬咗去屯門住。

佢成日話佢七八歲時，某日偶然抬頭望天，見到成個天啲雲都係古代既亭台樓閣，有啲菩薩仙女樣子既古裝人响亭台樓閣之間探出頭來，望住佢笑。

我聽佢講好多次，次次都當佢發嗡風，心諗佢幻想力豐富啫，再唔係就係眼花咯。

除咗呢件事有啲神奇，就冇乜聽佢講自己有咩靈異經歷，直到佢長大成人，結埋婚之後既某一日，佢忽然話我知，原來佢自小學時期就開始見到鬼物。

佢話，其實地球上周圍都有好多鬼，啲鬼好中意縮埋啲牆邊暗角，成日都好肚餓又冇野食，有啲鬼餓到要食隨街黏在地上既口水痰。

[ 本帖最後由咕哩頭於 2020-8-15 03:11 PM 編輯 ]

回覆引用 TOP

咕哩頭

尊貴會員

帖子: 1553
積分: 1604
註冊時間: 2017-6-13

發短消息加為好友

#8

樓主發表於 2020-1-14 02:42 PM

我女自少就係人見人愛車見車載既可人兒，又靚又乖，有時會鬼鬼馬馬，個個長輩老師都超冧佢。

但佢缺乏小聰明，腦筋唔夠靈活，(即係老實得滯啦)，讀書成績好只係靠勤力，一味死記硬背，好彩升中試都算成功，派咗第一志願 band 1 女子英文中學 ~ 亦係我既母校。

果間學校後山係一大片墳場，冬天北風呼呼吹，整個校舍操場，留下我年少時期無數足跡，係我人生中大部份最難忘回憶既地方。

[ 本帖最後由咕哩頭於 2020-2-23 10:23 PM 編輯 ]

回覆引用 TOP

咕哩頭

尊貴會員

帖子: 1553
積分: 1604
註冊時間: 2017-6-13

發短消息加為好友

#9

樓主發表於 2020-1-14 02:43 PM

在阿女升中之前一年，我自己買咗一個隔阿媽屋企兩條街既舊樓單位，同阿女搬咗去住。

果時佢都十二歲，算係識得自己照顧自己，再唔使佢婆婆操心衣食住行，亦唔使菲傭接送返學。

我一向係懶鬼，從此每日放工要買餸返自己屋企煮飯，假日仲要打掃衛生，梗係有啲嫌辛苦，但係有得同阿女兩個人搬開住，唔使被阿媽管頭管腳，唔使早晚聽佢教訓 ~ 最感恩係唔使阿女睇住我早晚比佢教訓吖嘛 !! 真係爽死 !!

(但係每個星期日我哋都要返阿媽度食晚飯，偶然都會比佢噴到一面屁。)

我同阿女相處十分融洽，真係乜都傾得一餐，最重要係我可以避開阿媽既干預，隨自己心意教養佢，周末我哋又可以四圍去，唔使向上大人交待行蹤 ~ 咁既生活真係過得我哋兩母女好開心。

[ 本帖最後由咕哩頭於 2020-2-23 10:24 PM 編輯 ]

回覆引用被引用(1) TOP

咕哩頭

尊貴會員

帖子: 1553
積分: 1604
註冊時間: 2017-6-13

發短消息加為好友

#10

樓主發表於 2020-1-14 02:44 PM

[隱藏]

阿女被派到我心儀既學校，又係我自己既母校，我梗係開心到流晒馬尿啦。

在到校註冊果日，我陪阿女去學校辦手續，當時所有新生家長聚在禮堂聽入學講座，學生本人就被編排上課室見老師順便做 briefing。

當我同阿女各自聽完自己要聽既野，落番操場再會合既時候，阿女湊近我細細聲話:

`媽咪，我頭先响課室入面聽到有人嗌我個名呀，但又唔係個老師嗌喎，就响我耳仔邊，係男人聲。'

吓，又嚟過！？

唔係下話？

[ 本帖最後由咕哩頭於 2020-1-18 04:46 PM 編輯 ]

回覆引用 TOP

咕哩頭

尊貴會員

帖子: 1553
積分: 1604
註冊時間: 2017-6-13

發短消息加為好友

#11

樓主發表於 2020-1-14 02:45 PM

當下我真係個心離一離。

但係對住個女，我又唔可以太表現出我既不安，因為佢其實一啲都唔驚，佢只係奇怪點解會又聽到有人嗌佢個名，講白啲，係佢笨蛋到唔識去聯想下呢個現象背後果種恐怖，所以佢當時係迷惘多過驚咯。

如果我比佢見到我太失惜，就會將佢既迷惘轉化為恐懼，而恐懼一旦植根於 (任何人) 心中，就很難被清除。於是我扮作毫不在意地顧左右而言他，好快就將佢既注意力引咗去第二度。

若然回到現實，學生到校註冊之後係有好多野要急住做嘅，做校服買書本係基本，因為入讀既係全英語授課既學校，為免追唔上校方要求，全體中一生必須參加學校為新生安排既開學前英語強訓班，每周三次返學校上特別課。

我十分支持母校有呢個安排，記得我十二歲入讀呢間學校時，係冇呢樣野㗎。當時我就係英文唔掂檔，又聽唔慣大量生字生詞，搞到冇晒心機上堂，長期情緒低落，宜家阿女有咁好機會多學習英文，打好根基又唔使我比錢，梗係好啦！

[ 本帖最後由咕哩頭於 2020-2-23 10:25 PM 編輯 ]

回覆引用 TOP

咕哩頭

尊貴會員

帖子: 1553
積分: 1604
註冊時間: 2017-6-13

發短消息加為好友

#12

樓主發表於 2020-1-14 02:47 PM

之後既日子我就日日掛住返工，阿女就到時到候自己去返英文強訓班，因為未做好校服，啲新生返學都著便服，我想像阿女可以著便服返學一定好 cheerful, 因為可以每次出門都揀衫著，細路女最中意㗎啦。佢亦冇再提起 `聽到有人嗌佢個名' 果件事。佢唔再提，我就當佢註冊果日聽到既野係佢自己幻覺，採取半逃避策略 ~ 乾脆抹走咗佢。

但佢每次去完學校，返到屋企都嬲爆爆，我問佢㸃解黑面，佢話:

'果間學校啲人，個個對我都眼掘掘嘅，老師又眼掘掘，同學又眼掘掘，我好唔中意佢哋！'

[ 本帖最後由咕哩頭於 2020-1-18 04:49 PM 編輯 ]

回覆引用 TOP

咕哩頭

尊貴會員

帖子: 1553
積分: 1604
註冊時間: 2017-6-13

發短消息加為好友

#13

樓主發表於 2020-1-14 02:48 PM

之後既日子，阿女成日投訴間學校呢樣唔好，果樣唔好，好唔願意去上堂，幾乎每次出門口都扭晒計，唔肯去。講真果間學校真係唔錯，無論設施資源校譽都係區內數一數二，我畢業果時都不知幾唔捨得，呢趟我仲係特登同阿女報升中第一志願，放榜前都驚佢掹唔到車邊，能夠成功派位係祖先保祐，勢估唔到佢竟然對呢間學校咁反感。

我直覺認為佢係因為剛剛離開果間讀咗六年既小學，與一班好同學分道揚鑣，一時間適應唔到新環境，而我又冇乜時間陪佢，佢至會頻頻鬧情緒，呢啲係屬於少年時期既反叛，係正常嘅，只要我忍耐一下，多啲同佢傾計，我哋一定能夠好快克服呢一切障礙。

於是在正式開學之前，我同佢去咗一次澳門，當係短程旅遊散心，希望佢玩完之後重新出發，開開心心去返學。

[ 本帖最後由咕哩頭於 2020-1-15 01:28 PM 編輯 ]

回覆引用 TOP

dgf.johnny VIP 帖子 7927 積分 8020 註冊時間 2009-6-22 發短消息加為好友	#14 發表於 2020-1-14 02:48 PM 只看該作者大中小繁簡謝謝分享支持，等待更新
UID 3760902 帖子 7927 精華 0 積分 8020 金幣 0 閱讀權限 60 在線時間 4943 小時註冊時間 2009-6-22 最後登錄 2020-2-13 查看詳細資料	回覆引用 TOP

咕哩頭

尊貴會員

帖子: 1553
積分: 1604
註冊時間: 2017-6-13

發短消息加為好友

#15

樓主發表於 2020-1-14 08:15 PM

[隱藏]

一個懵閉閉既黃毛丫頭，腦筋從來唔多識轉彎，讀書全靠死記硬背，掹車邊入咗間 band 1 中學，做佢媽咪果個我真係還得神落啦。

我最安慰係佢唔夠精叻 ~ 就係因為唔夠精叻，佢連學壞既本事都冇。睇住呢個 '豬女' 步入佢人生中最卜卜脆既階段，確實係一件賞心樂事，我有時真係煮煮下飯都會笑出聲。

[ 本帖最後由咕哩頭於 2020-2-23 10:28 PM 編輯 ]

回覆引用 TOP