• 瀏覽: 21,347
  • 回覆: 282
  • 追帖: 17
[隱藏]
在家抗疫, 出唔倒國冇街去唯有煮下雞J下旅行相, 出返上年五月去西班牙之旅

上年因為見倒因航做promo, 睇勻西班牙痴倒紅日之餘請一個禮拜已經可以黎個深度遊, 仙咁大個都未去過歐洲, 一於將西班牙作為我搭進歐洲o既第一步啦

由於買倒平機票, 因航來回直飛巴塞$4,524, 請左4日假, 在當地實際留左7.5日, 唔計買野最後機票旅保狂食睇埋波每人用左$11,5xx, 非常抵玩

行程:
Day 1: 香港>巴塞>加泰隆尼亞音樂宮>桂爾宮>巴特婁之家>魯營球場
Day 2: 巴塞: 桂爾公園>文森之家>聖約瑟市場>聖十字保羅醫院>聖家堂
Day 3: 馬德里>托雷多>馬德里
Day 4: 馬德里>塞哥維亞>馬德里>格拉納達
Day 5: 格拉納達>巴塞
Day 6: 巴塞: 米拉之家
Day 7: 巴塞: 畢卡索美術館>巴塞隆拿主教座堂>米羅美術館>海洋聖母聖殿
Day 8: 巴塞>香港

留意, 我哩個行程係由朝行到晚, 日行近十幾廿公里, 加上有2晚係搭通宵巴士, 正常要去晒咁多地方, 可能要用多2日時間

先分享部份精華相:





































[ 本帖最後由 仙人掌小姐 於 2020-6-10 09:54 PM 編輯 ]



回覆 引用 TOP

熱賣及精選
準備篇

想慳錢, 除左要預先睇有冇平機票外, 亦有以下幾點要注意:

景點
西班牙國內好多景點都要預先網上購票, 門票仲唔平, 好似巴塞市內o既景點大部份都€10+, 預先網上訂票除左可以保証買倒門票仲可能會比o係現場買票平, 巴塞幾個出名o既景點都要預先mark定參觀時間, 另外, 有d景景點/美術館指定日子/時間可能會免費, 所以一買左機票就最好盡快plan左大約邊日會去邊個景點, 盡快買票

交通
哩度講緊o既係城市之間o既交通, 一般都分為內陸機, 火車或巴士, 講方便同舒服度, 一定係火車, 不過城市之間o既火車票價講緊€60-90/程, 冇返咁上下budget唔洗諗, 當然如果你預早睇, 有時可能會見倒有promo. 飛機比火車平少少, 但要預時間check-in同搭車去機場, 計落未必快得過火車, 建議有返咁上下時間o既遊客先諗內陸機. 最後巴士就一定係我地哩d窮遊人士首選, 時間當然會比火車慢, 車程大約多一半甚至一倍時間, 但價錢至少平一半, 而且某d地方仲有通宵巴士, 訓一覺就到, 慳返唔少時間, 好彩o既話有時亦會見倒超特價o既車票, 例如我就見過€5由西班牙南部o既格拉納達去北面o既巴塞, 舒適度方面, 如果有搭過國內o既長途巴士, 歐洲o既長途巴士相比起黎其實舒服好多, 車上有叉電, 椅背有mon上網同睇戲, 每幾個鐘亦有廁所位可以落車鬆下腳買下野食咁


西班牙最貴就係景點, 反而食方面唔算貴, 除非你去高級餐廳, 否則好多人氣食店都比香港平, 好似西班牙出名o既Tapas, 當地好多都係買一杯酒送一個tapas, 食物雖然冇香港o既西班牙餐廳咁精緻, 但味道都唔錯, 而且抵食好多, 通常一個人€10唔洗已經食到飽. 除左Tapas, 西班牙o既pizza都幾好食, 哩度o既pizza店通常以外賣為主, 店內都只係得幾個堂食位, 大大件pizza都係€3以內. 除左正餐, 搭長途車或平時都會食d零食飲下野咁, 哩d都可以o係當地o既超市補給, 麵包好多款都係幾毫子歐元一個, 大大枝野飲都係€1

住宿
除非一定要住酒店, 否則想平就只可以揀B&B或者hostel, 但B&B一般都要起碼3,4個人先住倒, 如果得1,2個人, 就只有hostel, 巴塞或馬德里o既床位一般都要HK$300/晚, 衛生程度可以接受, 雖然係share bathroom, 但好多都唔止得一個廁所, 所以基本上唔洗點等. 不過值得一提係, hostel一般都冇得免費寄存行李, 但可以俾錢叫hostel reception寄存或者有付費locker

[ 本帖最後由 仙人掌小姐 於 2020-4-13 06:47 PM 編輯 ]



回覆 引用 TOP

治安

除左食住行之外, 去歐洲最多人關注一定係治安問題, 尤其巴塞據稱係全世紀最多扒手o既地方

去之前, o係網上睇倒, 或有朋友同我講, 會有一堆小朋友圍埋黎, 趁你唔覺意偷你野, 或者有人扮問路或其他藉口, 走埋黎偷野, 更甚至用刀仔迫你去後巷打刧

不過我成個旅程就冇預過, 但扒手就有遇過o既, 通常佢地都係趁你o係街行緊, 或停o係度等過馬路, 或企o係扶手電梯就打開你背囊, 我本身有用隱形腰包, 背囊係最classic o個隻款式(背囊內只有單反, 冇放錢), 8日裡面的而且確有3次俾人嘗試打開我背囊, 其中有2次係feel倒有人拉住我個袋, 有一次直頭完全冇感覺, 通常你擰轉面時, 佢地會扮冇時發生或同你講你個背囊俾人打開左(其實係佢打開), 但同行朋友個背囊係有個蓋蓋住, 就冇扒手試圖打開過, 所以個人覺得只要用隱形腰包或將背囊放前面或用側揹袋就ok, 扒手都係取易不取難, 唔洗過份擔心

[ 本帖最後由 仙人掌小姐 於 2020-4-13 06:48 PM 編輯 ]



回覆 引用 TOP

日行夜行要有體力,後生時去歐洲多坐夜車。








[隱藏]
引用:
原帖由 生果轉貼員 於 2020-4-13 08:49 AM 發表

日行夜行要有體力,後生時去歐洲多坐夜車。
本來有一兩程都想試下坐火車
但有啲冇夜火車,要花半日搭火車
最後都係唯有全巴士



回覆 引用 TOP

支持、新舊都要有人喜歡 寫、。參考中……


引用:
原帖由 mlhmhy 於 2020-4-13 12:30 PM 發表

支持、新舊都要有人喜歡 寫、。參考中……
多謝捧場



回覆 引用 TOP

Day 1: 香港>巴塞>加泰隆尼亞音樂宮>桂爾宮>巴特婁之家>魯營球場

我地今次來回都係飛巴塞, 機票係早半年見倒國泰做promo時買, HK$4,524/人, 半夜0:20am o既班機, 飛西班牙航程接近13hrs, 雖然好似好耐咁, 不過上機後1,2個鐘食飛機餐, 之後訓覺訓醒再食早餐, 感覺比坐廉航飛日韓時間更容易過
茄汁長通粉, 雖然冇肉, 但睇勻得哩個最吸引



白汁魚柳焗飯



食完每人有一杯M記雪糕做飯後甜品



機上零食每款拎左1包試下



早餐有奄列



另一款係牛肉粥



西班牙比香港慢6hrs, 當地時間7:40am落機, 行去入境時超多人, 仲諗緊唔知要等幾耐, 好彩企左一陣職員就開多2個counters俾我地排



最後8:06am就過左關, 算好彩



巴塞通街都係賣球衫o既鋪頭, 機場又點會冇?!



由機場出市區有幾個方法, 我地就揀左最方便快捷o既機場巴士, 由哩度搭電梯落去就係巴士站



搭哩架A1巴士可以去到市中心加泰隆尼亞廣場, 車程35mins, 單程€5.9, 來回€10.2, 每5-10mins就有一班, 非常方便



可以o係哩部機買票亦可以上車買票



車票係咁樣, 因為我地係買左來回, 所以車票就要keep住, 回程要show出黎



車內有報站, 唔怕落錯車



連叉電位同wifi都有



哩架巴士總共有4個站, 我地就o係尾站落



o係哩度落車後, 我地就首先去hostel放低行李先



落左巴士大約行13mins, 就黎到我地o係巴塞住o既360 Hostel Barcelona



地下common area



用餐地方



哩間hostel最大賣點係每晚21:30都有free tapas



check in時, 職員每人俾左條手帶我地, 方便辨認住客



我地住o既係8床房, 每晚HK$215/床
由於趕住去景點, 所以我地只係放低行李就走, 房間相片係夜晚返黎先影o既, d鬼佬出奇地早訓, 幾晚22:xx返到黎, 差唔多個個都訓晒



沖涼房同廁所係share, 但因為都有好多格, 所以都唔洗等, 除左第一晚熱水爐壞左, 要用凍水震住沖涼外, 之後都好夠熱, 水力仲勁到得人驚





[ 本帖最後由 仙人掌小姐 於 2020-4-13 03:38 PM 編輯 ]



回覆 引用 TOP

好好睇,多謝分享。
我下一站都好想去西班牙。



[隱藏]
留名支持


回覆 引用 TOP

原本我都係plan左5月去西班牙,行程和樓主都差不多,亦是買到國泰promo機票,但可惜疫情被迫取消


回覆 引用 TOP

不過睇完師兄豐富的行程,可以比我掌握更多資料明年再向西班牙出發


回覆 引用 TOP

引用:
原帖由 ewu 於 2020-4-13 04:59 PM 發表

好好睇,多謝分享。
我下一站都好想去西班牙。
多謝捧場
唔好覺得我太多相太多字長氣就真



Day 1: 香港>巴塞>加泰隆尼亞音樂宮>桂爾宮>巴特婁之家>魯營球場 (續)

放低行李, 9:45我地就黎左第一個景點附近o既哩間Churreria Laietana食早餐先



哩間店都幾出名, 一早已經有好多人幫趁



哩度主要係食西班牙油條, 冇錯!!o係西班牙, 哩種油條係早餐, 唔係甜品黎架~!!







叫左一份堂食西班牙油條€3.3, 真係好好食
哩樣野食我覺得係成個旅程入面同香港o既味道相差得最大o既一種西班牙食物, 因為哩度o既油條全部都好鬆化, 唔似香港實的的咁, 而且哩度有一大杯朱古力醬俾你點, 香港係得一隻豉油碟仔俾你點, 完全係點唔倒o既



加泰羅尼亞音樂宮 Palau de la Musica Catalania
建議停留時間: 1-1.5hr
開放時間:9:00-15:00
票價: €20;10歲以下免費, 提早21日前買門票€18

食完我地就即刻9衝去加泰羅尼亞音樂宮, 因為西班牙好多景點都要預早網上買定門票, 唔單止要揀日期, 連時間都要揀埋, 所以時間安排係今次plan行程最麻煩o既地方





音樂宮係一定要跟導賞團o既, 導賞每半個鐘有一團, 我地book左10am o既導賞, 食完早餐黎就o岩o岩好
門票原價€20/人, 因為我地網上預早買, 所以只需€18/人



聽完開場白, 導賞員就會將大家分成2組分開遊覽, 我地哩組會先睇左陽台先, 之後先入去劇場入面參觀





西班牙除左美食同睇波, 建築同樣出名, 哩個音樂宮就係西班牙三大建築師之一o既路易·多明尼克·蒙塔內爾設計





哩個音樂宮由1905年起到1908年先完工, 外牆用左好多唔同顏色o既馬塞克, 真係好靚~























之後就黎到劇場下層座位







地下咖啡廳











導賞團歷時大約1hr, 行完我地先出返黎慢慢影返音樂宮外觀










[隱藏]
好後悔舊年四月去西班牙,成日都落雨
妳五月去天氣正好多,妳張杜麗多古城全景好正,塞哥維亞都正,羨慕

[ 本帖最後由 Dio19273 於 2020-4-14 01:49 AM 編輯 ]



提示:支持鍵盤翻頁左 右
[按此隱藏 Google 建議的相符內容]