• 瀏覽: 8,112
  • 回覆: 50
  • 追帖: 5
[隱藏]
深圳珠海隔離指南。
已經喺珠海隔離咗一個多禮拜而家可以講啲心得。
未来一两个月睇嚟都唔会放宽。
所以要返大陸嘅要滴起心肝決定返唔返去。



準備篇。
除咗返大陸嘅行李之外。呢啲係特別為隔籬嘅額外準備。
1.小量洗衣粉用嚟洗內衣用。
2.少量洗潔精。
3.指甲鉗。
4.零食。
5.電視機頂盒。如果鍾意睇電視經常想睇直播嘅話。直播嘅意思就係香港嘅電視同埋世界上所有嘅直播電視。包括體育直播。我只係用過evpad同埋安博。但evpad 而家似乎睇唔到。安博就勉強可以。600幾蚊,不過都唔好期望太高。時時都會卡或者睇唔到。
6.鍾意睇電視,電影香港韓國同埋日本嘅電視劇,又唔需要直播嘅話。可以去鴨寮街買一個安卓機頂盒。最平嘅300蚊,可以同你裝曬所有需要用嘅apps, 到咗酒店駁落電視就即刻可以睇。機頂盒大前題係酒店要有一個平板電視。不過90%嘅酒店都應該有。冇就真係唔好彩。
7.茶咖啡或者沖嘅飲料。
8.匙羹叉。因為外賣嗰啲太細太軟食得唔舒服。帶洗潔精係用嚟洗呢啲。
9.膠杯用嚟刷牙同冲嘢飲。酒店祇有紙杯。
唔建議帶太多食嘅嘢。帶兩3日就夠,去到酒店先買外賣。
10.電腦。手機帶多一個無妨。
11. 如果需要嘅話拖板。亦可以喺淘寶買。



回覆 引用 TOP

流程篇。
深圳:
過關之後就會俾工作人員捉住。填好多表。喺喉嚨攞核酸樣本。其餘時間都係等。冇乜嘢好做,問亦問唔到乜嘢, 全部大約兩個到三個鐘头。等候期間有免費水同埋杯面。
佢問你目的地去邊。差唔多話係可以揀去邊區嘅酒店。你可以揀邊區但唔可以揀邊間酒店。同一區可能有多過一間酒店。
珠海:
金巴落車之後。因地理關係。填表攞核酸樣本都係過關之前做。因為每班車祇有幾個人。但都要個幾鐘头。過關之後大約等20分鐘安排酒店。
安排好酒店之後。各人都上唔同嘅大巴。
到達酒店之後。又填一大堆表量體溫。都要20分鐘到半個鐘头。安排好房就要畀錢喇。大部分房嘅費用都係200到300蚊一晚,用支付寶或者微信俾。去邊間酒店同幾多錢都係講彩數。食方面差唔多全部都可以叫外賣。但係有一啲強制食酒店嘅早午晚三餐一共100文。住呢啲酒店真係唔好彩。
之後就可以上房開始你嘅隔離。
未登記粵康碼上到房就好做。
用嚟做隔離嘅酒店標準都應該差唔多。都有電視分體冷氣機。房間夠大可以做運動。乾淨程度亦都應該有水準。朝早同晏晝都有人拍門同你量體溫。每日有兩樽水。隔幾日補充廁紙紙巾垃圾袋。日日都收垃圾。外賣同快遞都放喺你門口拍門。執房做清潔就欠奉喇。
大部份酒店都冇限制收快遞同埋外賣時間。
到隔離完之前一兩日。再做核酸測試。最後一日中午就可以放人走。



回覆 引用 TOP

生活篇。
喺房最主要都係睇電視,食,同做運動。
朝早九點到十點有人拍門量體溫。所以唔好咁夜瞓。
如果你平時唔做運動。隔籬時候就唔可以有籍口因為有大把時間。開住電視喺房裏面跑步可以跑半個鐘头到一個鐘头,房裏面都有大把空間。可以慢跑跑來跑去都得。亦可以喺床上做腰部運動。可能隔離完之後你會變成一個fit人。
玩手機都可以消磨好多時間。每日兩次揀外賣都可以揀半個鐘头。上淘寶仲多嘢睇。鍾意shopping嘅人淘寶係天堂。
當然用電腦可以做好多嘢。
淘寶生活篇。
淘寶真係有好多嘢好買。同埋唔使運費,隔離期間建議你買呢啲,一到酒店就準備買。
1.電子磅。¥20(唔超過), 睇實你隔籬時候嘅體重。20蚊就算隔離完唔攞走都冇乜所謂。
2.運動手環。20-30, 有啲仲可以測心跳血壓。雖然唔係咁准但可以做個指標。睇到運動量可以畀自己一個目標。運動手環嘅手機app 亦有好多野好玩可以消磨好多時間。
3.安卓電視機頂盒。如果唔想喺香港帶去。喺淘寶買平好多。幾十蚊就有。但係要遲兩3日先有得睇。同埋要自己裝apps。
4.手腕式血壓計。30-35, 主要係平同方便。要嚟備用都好。



[隱藏]
飲食篇。
早餐應該都係沖茶沖咖啡。蛋糕麵包之類。可以喺香港帶去或者去到超市買。
飲食梗係講外賣啦。主要有美團同餓了麼。我淨係介紹美團。用手機就即刻可以登記到。畀錢用微信或者支付寶。第一次註冊有好多優惠。包括十蚊超市卷。同埋用三蚊買六張五蚊券。所以每餐都係十幾蚊到廿幾蚊。大家樂就會貴啲。
食乜嘢?同淘寶一樣真係花多眼亂。
香港人比較熟悉同埋穩陣嘅有大家樂。漢堡王。肯德基。但冇麥當勞。
價錢同香港差唔多。但肯德基因為配送費貴。要九蚊一次。所以買三四十蚊嘅嘢畀多九蚊就唔抵。
其他炸雞同漢堡店有好多。同埋好平。水準都可以接受。
腸胃唔好嘅唔建議食炒粉炒麵炒飯之類。
粥同湯粉面都可以。
所有淘寶快遞同外賣都係送到酒店前臺。再由酒店人員送上你房拍門。



回覆 引用 TOP

準備嘅唔記得咗。係漫遊上網卡。唔好旨意用vpn, 就算係收費嘅都唔係咁可靠。喺香港買漫遊上網卡。主要有三種。鴨寮街8gb, 激8gb, 3萬5+5gb. $120-140左右.
如果唔係你上唔到香討, fb 同 whatsapp.



引用:
原帖由 ronc2000 於 2020-6-23 04:54 PM 發表

準備嘅唔記得咗。係漫遊上網卡。唔好旨意用vpn, 就算係收費嘅都唔係咁可靠。喺香港買漫遊上網卡。主要有三種。鴨寮街8gb, 激8gb, 3萬5+5gb. $120-140左右.
如果唔係你上唔到香討, fb 同 whatsapp. ...
8激其實係吾夠14天用的,除非吾睇youtube,齋聽下電台、What'sapp還可以,我在過來前已研究左一輪 vpn,現在用緊沙魚牌,基本上可以(不是賣廣告),如果衰格d,可在試用期內退款,一般都有30天。當然,放出來之後就大把節目,基本上都冇時間坐定啦。



引用:
原帖由 alexwong18 於 2020-6-23 08:51 PM 發表


8激其實係吾夠14天用的,除非吾睇youtube,齋聽下電台、What'sapp還可以,我在過來前已研究左一輪 vpn,現在用緊沙魚牌,基本上可以(不是賣廣告),如果衰格d,可在試用期內退款,一般都有30天。當然,放出來之後就大把節目,基本上都冇時間坐定啦。 ...
一定唔會睇電視,youtube, 聴香港收音機(881)我有一個 trick, 用數據開到電台之後, 開wifi, 然後閂數據, 電台會繼續聽到半個到一個小時, 不過收音機都唔會用好多數據, 一個小時幾十mb.



多謝樓主分享

另想問下, 如果兩公婆去隔離, 知唔知可唔可以同房? 同埋收費會唔會平過2人分開獨立計?



回覆 引用 TOP

[隱藏]
引用:
原帖由 ronc2000 於 2020-6-23 09:51 PM 發表


一定唔會睇電視,youtube, 聴香港收音機(881)我有一個 trick, 用數據開到電台之後, 開wifi, 然後閂數據, 電台會繼續聽到半個到一個小時, 不過收音機都唔會用好多數據, 一個小時幾十mb. ...
我睇viu都係咁做,可以睇成晚的



引用:
原帖由 wizardchan 於 2020-6-25 02:16 AM 發表


我睇viu都係咁做,可以睇成晚的
我冇試過睇電視.



回覆 引用 TOP

引用:
原帖由 ronc2000 於 2020-6-23 04:40 PM 發表

深圳珠海隔離指南。
已經喺珠海隔離咗一個多禮拜而家可以講啲心得。
未来一两个月睇嚟都唔会放宽。
所以要返大陸嘅要滴起心肝決定返唔返去。
有無試過寄快遞?酒店職員會代勞嗎?



引用:
原帖由 todayhomenet 於 2020-6-25 09:43 AM 發表




有無試過寄快遞?酒店職員會代勞嗎?
冇試過,寄會複雜啲,應該唔得,所以想退貨都冇做.



引用:
原帖由 ronc2000 於 2020-6-23 04:45 PM 發表

生活篇。
喺房最主要都係睇電視,食,同做運動。
朝早九點到十點有人拍門量體溫。所以唔好咁夜瞓。
如果你平時唔做運動。隔籬時候就唔可以有籍口因為有大把時間。開住電視喺房裏面跑步可以跑半個鐘头到一個鐘头,房裏面都有大把空間。可以慢跑跑來跑去都得。亦可以喺床上做腰部運動。可能隔離完之後你會變成一個fit人。
玩手機都可以消磨好多時間。每日兩次揀外賣都可以揀半個鐘头。上淘寶仲多嘢睇。鍾意shopp ...
可以把機頂盒拍張相來睇下嗎?另外想知道可唔可以睇到西甲英超超等直播?



[隱藏]
引用:
原帖由 ronc2000 於 2020-6-23 04:54 PM 發表

準備嘅唔記得咗。係漫遊上網卡。唔好旨意用vpn, 就算係收費嘅都唔係咁可靠。喺香港買漫遊上網卡。主要有三種。鴨寮街8gb, 激8gb, 3萬5+5gb. $120-140左右.
如果唔係你上唔到香討, fb 同 whatsapp. ...
係喎,等陣去老深入2張先,Ching用開邊張?



主題標籤 #深圳 #珠海
提示:支持鍵盤翻頁左 右
[按此隱藏 Google 建議的相符內容]