• 瀏覽: 393
  • 追帖: 1
[隱藏]
設計師新構想!全白無人駕駛未來電車🚋


.
「叮叮」電車係香港非常重要嘅代表性交通工具,唔少香港人都對「叮叮」有份情意結🙈如果要將「叮叮」大改造,大家又會唔會接受到呢?
.
由2013年起住係香港嘅意大利設計師Andrea Ponti,因應近日疫情持續,受啟發而提出全新無人駕駛未來電車設計構想💭 依款名為「Island」嘅未來電車,保留「叮叮」嘅雙層設計😌但設計師考慮到香港人多擠迫,公共交通工具中實在好難保持到社交距離,所以將車內座位設計成多組橢圓形,乘客之間係背對背向車外坐,從而減低面對面傳播病毒嘅風險。
.
同時亦引入無人駕駛,增加車內空間,並減少人為意外嘅機會。至於外面車身就會以全白色為主調而內部則以炭黑牆配木地板。另外加入落地大玻璃同透明拱頂,日間光線可穿過透明拱頂,顯得更明亮🔆到夜晚就可以方便大家從更多不同角度欣賞港島街景🌃
.
當然上述一切現只屬Andrea Ponti個人設計構想。「叮叮」電車承載嘅傳統回憶,實在難以被替代~假如有日電車終將需被重新改造,你會有咩諗法呢?
.
圖片來源:Ponti Design Studio Ltd.



回覆 引用 TOP

[按此隱藏 Google 建議的相符內容]