• 瀏覽: 386
  • 回覆: 2
[隱藏]
本人剛剛畢業,都有興趣做教育依行。

之前見到勞工處成日掛住一間勵X補習社ge請人post,咪send去in個五天全職導師.第二日就即刻call 我夜晚去見工。見工都算正常,掛?但見工個陣,就不停強調自己係上市公司,有大把應徵者咁⋯⋯。
In 完,等兩日,又夜晚call 我,佢話我地唔介意俾機會fresh grad ,等陣send contract 俾你,你望清楚就明天早上九點前call 我地hr回覆accept offer,但我地五天個post full 左,得番六天個post,然後又強調自己有大把應徵者,你唔做都大把人做blahblah⋯⋯ 唔知想強調D咩咁⋯⋯(心想:我見你個請人post 都見左一,兩個月我先send,又即刻叫我見工,咁都叫大把人?)

好啦,我一望份contract,沒有試用期,3個月通知期?WHAT?即係 in case 覺得你地唔對路,想quit最快都要第一日遞辭職信,然後做3個月走,正常嗎?然後話食lunch都只得30至45分鐘,仲要係指定範圍內進食?人工萬五,48hrs
我以前做過一間補習中心都係一個月通知期,同一個鐘食飯。

想問個位巴絲打,有經驗嗎? 補習教育界是這樣嗎?補習社係咪冇試用期,但有3個月通知期?正常現象定伏工?
3個月好長,想搵新工d boss都唔會等啦⋯⋯ 聽人講,就算做學校老師都未必會3個月通知期啦⋯⋯
通知期真通常係幾耐?


本人之後又見另外一間補習社⋯⋯希望唔會再咁怪⋯⋯



回覆 引用 TOP

熱賣及精選
首先你諗下佢係咁強調"你唔做大把人做",係咩態度,工都未開始返,就用呢種態度對待你,你將來去佢公司做,你會唔會好受?
另外3個月通知期應該係佢公司D員工流失率好嚴重,(先唔講呢D條款合唔合法),唔整呢D條款出來佢公司分分鐘無導師當值,



回覆 引用 TOP

間補習叫咩名?邊區?調景嶺?


回覆 引用 TOP

[按此隱藏 Google 建議的相符內容]