• 瀏覽: 25,290
  • 回覆: 333
  • 追帖: 66
[隱藏]
小弟一向喜歡食蟹,今日假期在家backup手機照片,見到好多舊蟹照,決定同大家分享那些年我愛過的蟹s。有些未必在香港食的,是以前工作或旅遊時品嘗的,等將來大家有得飛時,多個參考。

本post不是與大家探討那種蟹最美味,因為你永遠不能同時品嘗十款蟹然後即時作排名,所以我的評語不會是"那種蟹最鮮其他無得比"。因為小弟相信蟹只要新鮮,加上合適的烹調方法,每種新鮮蟹也有佢美味之處。當然都好歡迎大家分享某個蟹種,究竟哪種煮法最能突出佢的優點,互相交流一下。

1. 椰子蟹
打頭陣介紹的是椰子蟹,是在關島旅遊時吃的,近年都見一些香港網店引入要成千蚊還要得幾隻......椰子蟹的蟹膏是我吃過最畢生難忘的,一打開蟹尾全部都係膏,佔身體比例非常高的誇張比例!因為食椰子的關係,D膏有股獨特椰子香氣,餐廳也加了一些椰汁一起,鹹甜甘融合一起,即使不大隻,埋單也要成一百美金,都會覺得不枉一試。肉不多,而且有點乾身和鞋,主要都是以膏為主。



2. 菲律賓石蟹
有D人叫佢花生蟹,街市不時都有,聽說不少漁民捕獲後都會自己享用。我個人很喜歡吃帶咸鮮的蟹多於清甜的蟹,所以石蟹D肉很結實帶有咸鮮很得我歡心。






3. 水晶石蟹
呢種石蟹多數細隻過上面的菲律賓石蟹,而且個殼輕身D抵買D,街市一年我都見到幾次。膏不多都係清蒸吃咸鮮味為主。




4. 馬里蘭藍蟹
在美國很common的一種肉蟹,上年有幸在香港街市遇到,有點似香港的白蟹。





5. 登格斯蟹
又名加拿大蟹,好多人覺得佢不夠鮮,但佢D膏都好深得我心。因為肉蟹的關係,肉質都有點粗不是滑滑那種,其實落D花雕酒蒸,或蒜蓉蒸都可以帶出佢份咸鮮及清甜。






[ 本帖最後由 stevenchoi 於 2021-1-24 05:34 PM 編輯 ]



熱賣及精選
引用:
原帖由 stevenchoi 於 2020-10-2 06:21 PM 發表

小弟一向喜歡食蟹,今日假期在家backup手機照片,見到好多舊蟹照,決定同大家分享那些年我愛過的蟹s。有些未必在香港食的,是以前工作或旅遊時品嘗的,等將來大家有得飛時,多個參考。

本post不是與大家探討那種蟹最美味,因為你永遠不能同時品嘗十款蟹然後即時作排名,所以我的評語不會是"那種蟹最鮮其他無得比"。因為小弟相信蟹只要新鮮,加上合適的烹調方法,每種新鮮蟹也有佢美味之處。當然都好歡迎大家分 ...
😯😯椰子蟹未食過啵
見都無見過

好期待可以一吃



引用:
原帖由 stevenchoi 於 2020-10-2 06:21 PM 發表

小弟一向喜歡食蟹,今日假期在家backup手機照片,見到好多舊蟹照,決定同大家分享那些年我愛過的蟹s。有些未必在香港食的,是以前工作或旅遊時品嘗的,等將來大家有得飛時,多個參考。

本post不是與大家探討那種蟹最美味,因為你永遠不能同時品嘗十款蟹然後即時作排名,所以我的評語不會是"那種蟹最鮮其他無得比"。因為小弟相信蟹只要新鮮,加上合適的烹調方法,每種新鮮蟹也有佢美味之處。當然都好歡迎大家分 ...
6. 加菲蟹
越南和澳洲都盛產的蟹種,佢D肉特別雪白,而且佢係少數我見過不是打橫行的蟹。簡單清蒸最好!





7. 大閘蟹
好多人為之瘋狂的蟹種,但個人沒有什麼感覺。有點離地的說,我從沒有在香港食過大閘蟹,每次都是在蘇州和上海的正宗大閘蟹名店食的。上海有類似日本蟹宴的多道菜套餐,配合出來竟然天衣無縫。






8. 奄仔蟹
可能我喜歡蟹肉多於蟹膏,對奄仔蟹也是無感。




9. 麵包蟹
D膏特別綿,愛吃蟹膏的不要錯過。肉就比較淡味,最喜歡用來做咖哩蟹,蟹膏撈埋D咖哩拌米粉真係食到無停口。海鮮酒家椒鹽爆炒都好香口。





10. 韓國紅蟹
香港應該沒有商戶引入,可說是廉價版本的松葉蟹。除了D腳幼D外,鮮甜度同樣高,韓國每個海鮮市場不難找到牠。





[ 本帖最後由 stevenchoi 於 2020-10-3 09:13 AM 編輯 ]



多謝c hing 用心分享!🙏😋😋😋


[隱藏]
提示: 作者被禁止或刪除 內容自動屏蔽
引用:
原帖由 stevenchoi 於 2020-10-2 06:51 PM 發表


6. 加菲蟹
越南和澳洲都盛產的蟹種,佢D肉特別雪白,而且佢係少數我見過不是打橫行的蟹。簡單清蒸最好!

11669236
11669237
11669238

7. 大閘蟹
好多人為之瘋狂的蟹種,但個人沒有什麼感覺。有點離地的說,我從沒有在香港食過大閘蟹,每次都是在蘇州和上海的正宗大閘蟹名店食的。上海有類似日本蟹宴的多道菜套餐,配合出來竟然天衣無縫。

11669239
...
來到本土常見海蟹派

11. 白蟹
白蟹是眾多本港海蟹中,個人覺得CP值最高,不知為何永遠賣平好多,其實我覺得佢不比紅花蟹差,永遠是大時大節的不二之選。韓國的醬油蟹,多數也是用白蟹來整,當然千萬不要拿本地街市的去DIY......海蟹點煮都得,個人最愛胡椒粉絲煲。





韓國醬油蟹



12. 藍花蟹
藍花蟹是個人覺得最juicy的海蟹,又係點煮都正!留意女仔係灰黑色醜樣D哈哈。在東南亞藍花蟹產量我估都是最高,因為無論印尼泰國菲律賓都見到。




在印尼的魚排即煮


泰式食法



13. 三點蟹
另一款juicy的平價蟹,記憶是我兒時第一款吃的蟹,從此變了個吃蟹貨。我見到大隻的咩價錢都會買,因為都好難過80蚊......細隻的煲粥無得彈!






14. 紅花蟹
基於外殼顏色,輕易成為華人中身價最高的蟹種,也是全年最海鮮價的一款蟹,大節日真係閒閒貴幾倍。的確,紅花蟹出事率低一些,或許牠的價錢如果仲係水蟹一定被鬧死。除了清蒸我媽媽很愛用牠來蒸水蛋。





基於佢身價,我在香港很少捨得買大隻的紅花蟹,仲有被潮州打冷食到好貴.............所以一出到外國,見到大紅花蟹跟細蟹是同價(per 100g),二話不說要最大的,而且當地人都不捨得食大的,造就了我去親東南亞見到大紅花蟹一定有殺錯無放過。









15. 海青蟹
靚的海青蟹大多來自菲律賓,D肉無肉蟹咁實比較juicy,所以多數在海鮮餐館炮製籠仔蒸飯或海鮮飯就頂呱呱。





16. 荔枝蟹 (2021新加)
無想到本地蟹中還有新血,檔主叫這看似脫色紅花蟹做荔枝蟹,他說這蟹造期很短,非常鮮甜,外號本灣松葉蟹!心想有無咁誇張?但既然不貴size都叫有肉食,就買來試試。






少見的品種一定清蒸,幾多軟膏好甘甜,蟹肉好實淨亦鮮甜,絕對是蟹中上品!若見街市有售size唔細的,記得試下。😊😊



[ 本帖最後由 stevenchoi 於 2021-1-19 09:32 PM 編輯 ]



提示: 作者被禁止或刪除 內容自動屏蔽
好會生活


提示: 作者被禁止或刪除 內容自動屏蔽
[隱藏]
真係吃蟹貨!

最愛鮮甜啖啖肉,多膏。



提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
引用:
原帖由 清晨長長白襪 於 2020-10-2 07:27 PM 發表

謝謝分享,品種繁多
仲update緊~ 互相分享下



引用:
原帖由 江南自我的西瓜 於 2020-10-2 07:01 PM 發表

長期關注你
多謝你長期支持~ 繼續寫緊



[隱藏]
引用:
原帖由 stevenchoi 於 2020-10-2 07:08 PM 發表


來到本土派

11. 白蟹
白蟹是眾多本港海蟹中,個人覺得CP值最高,不知為何永遠賣平好多,其實我覺得佢不比紅花蟹差,永遠是大時大節的不二之選。韓國的醬油蟹,多數也是用白蟹來整,當然千萬不要拿本地街市的去DIY......海蟹點煮都得,個人最愛胡椒粉絲煲。

11669464
11669465
11669466
11669467
11669468
11669469

1 ...
點少得肉蟹派

17. 斯里蘭卡蟹
去斯里蘭卡你未必食到,因為全賣去星加坡做國菜賺外匯。全部斤兩十足,最少1kg,銅鑼灣天橋下有得食不過都好貴。雖然新加坡都唔平,但煮法多變好味D。最愛奶油米粉湯和白胡椒,辣椒蟹配饅頭都好正。









18. 澳洲肉蟹
其實肉蟹不容易分產地,澳洲肉蟹多數來自紅樹林,在當地也有紅樹林捕蟹的親子活動即玩即食。街市都不少檔販拿東南亞扮澳洲蟹,我也只懂找信得過的檔主問清貨源,或叫佢show發泡膠箱我睇以尋找蛛絲馬跡......我經驗澳洲肉蟹最乾淨,身上泥不多,連D腮都乾淨D。




19. 菲律賓肉蟹
一般細隻少少,D腳都短D你會覺得佢比較偏和肥大......這是街市老闆分享......哈哈我都係相信個貨源多D。



以下的都是在菲律賓食,包括椒鹽/黑椒/蒜蓉牛油




20. 泰國/越南/緬甸肉蟹
多數隻手紫紅色,我在香港從不會買這類蟹,因為個腮多數比較污糟。主要是在當地名店試咖哩炒蟹/粉絲蟹煲或西餐廳fusion。







21. 印尼肉蟹
也不太懂細分,在印尼食到就歸類為印尼肉蟹。當地喜歡用來椰漿蟹煲或做印尼天婦羅......





[ 本帖最後由 stevenchoi 於 2021-1-16 10:23 PM 編輯 ]



提示:支持鍵盤翻頁左 右
[按此隱藏 Google 建議的相符內容]