• 瀏覽: 40,664
  • 回覆: 11
  • 追帖: 6
[隱藏]
大家好,我由十二歲開始就已感覺到磁場同鬼神,有透過吾同方式知道同見過佢地既存在。有機會會分享埋。今次想講前兩年係酒店工作既經驗

我曾經在尖沙咀某酒店做了年半2018-2020,遇過不少怪事,我會分享自己同同事話比我知既經歷。我既職位係負責vip 客,每一日都要負責check 房, 係房set up surprise 比d 客,有時要番overnight,要係club floor 坐睇住個場,因為間酒店係新開嘅,比客住之前都要去Sleeptest check 清楚房間有冇嘢要執執佢。

第一次既sleeptest:

呢一日係我去咗同事間房瞓,件事係同事第二日再話我知,佢話過一晚沖涼,大約沖咗幾分鐘突然間房啲燈全部熄晒,之後佢冇着衫死死氣地行返出去開燈,一番返入去沖涼冇過幾耐又熄燈,同事覺得好唔對路,就講咗一句「好啦我唔沖涼啦」之後啲燈冇再熄過。 而我好記得嗰一晚我去佢間房嗰陣都覺得客廳嗰啲磁場有啲怪怪地, 就算夜晚想去廁所都吾敢行出去,吾知點解一望岀去個股氣場好逼人,好似推緊你吾比你岀去甘,如是姐過左一晚。到第二日,我另一個同事話朝早佢半醒嗰陣,佢聽到右邊耳仔傳來收音機的聲音,當時佢都唔覺有咩問題,但諗諗吓其實我哋酒店間房係冇得聽收音機。。咁啲聲係點嚟嘅呢。。。



其他同事係 呢 間新酒店開張嘅時候都有不同靈異事件:

因為酒店新開所以當時好多樓層都仲未開放俾人住,但都有好多奇怪事件發生。。尤其係overnight shift

Front desk 好多時都要聽好多客房打黎既電話,有一次front desk 同事收到個電話,聽左三次同一間房打黎,都無人講野,所以同事唸住check 番個system 睇下間房邊個住,點知。。。間房無人訂,甘邊個打電話黎。。 有邊個會半夜三更去個間房打比front desk玩野。。同埋吾係每個同事都有權限可以有master key ,通常都係housekeeping 樓層掃把經理同埋我部門d人,但overnight 每一個部門都係得一個人番工,我要坐club floor,housekeeping 當時要清潔宴會廳。

我坐club floor 之前好多時都要去所有樓層負責處理pantry/ 房間走廊個d 小食,而每次經過29 同30 樓都會磁場怪怪地。有一次,我推住一架車係30樓一直行到去電梯度,按左上樓制,但因為個電梯關門關得太快,我架車又重又着住高踭鞋,完全吾夠快去按番個制我就fuck左一聲,點知我隻手都未按到個制,個電梯無啦啦打番開🤨。。我個刻黎吾切反應,但都講左一聲吾該。。



回覆 引用 TOP

又有一次番overnight.  一個人睇哂成個club floor 場,係reception 右邊係玻璃露台,通常十一點就會鎖唒,如果客要上黎食煙,一定會經過reception先可以入到去岀到去,有一晚,無啦啦做做下野,右眼角見到有人係露台行過,我心唸無可能嫁,都無人係我面前行過,甘我驚吾知係咪有其他有鎖匙既同事黎左定點,我即刻行岀去睇下。。點知一個人都無,我好記得我眼角係見到一個有190高著西裝好瘦即影經過。。我嚇到即刻叫housekeeing security 同事上黎幫我睇下,問佢地係咪叫左人黎清潔, 平時兩三點會有人抹窗。。佢地又話無。。


有次check 房,甘通常一個人負責幾層套房,甘入到一間29/F 即房,無錯又係29樓,初頭都係驟眼睇吓有無野要補,間房乾吾乾淨,點知一入到去衣櫃旁,就見到有一個冬菇頭既小朋友坐左係裏面。。。之後我斬咗一下眼再望多次已經唔見咗。。之後開始頭暈眼花離開咗間房。每次入嗰間房都覺得好頭暈。。


回覆 引用 TOP

[隱藏]
我個同事有次要接order,所以就跑樓梯上咗去29樓,但係其實個order係要30樓,因為佢跑得太快所以冇望到樓層,然後佢話當時喺耳邊聽到有個女人同佢講餵你未到啊,之後佢再望望個樓層先發現自己唔係喺30樓,佢嚇到即刻跑走。。。


回覆 引用 TOP

引用:
原帖由 龍行天 於 2020-11-20 02:25 PM 發表

估計系講講吸引別人閱讀並畀自己解悶吧
如果你唔信咪唔好睇囉都唔明做咩無啦啦Judge 人



回覆 引用 TOP

尖沙咀嘅新酒店仲有邊間呀?😂


有一晚做嘢做到好攰, Break time嗰陣去咗block 左既樓層度訓,一入到間房盞射燈已經閃下閃下,之後都冇理到因為太攰,到瞓嘅時候,聽到廁所門無啦啦閂埋咗,馬桶嗰個自動開關不停開不停關,已經覺得唔對路不過真係好攰所以都冇理,之後見到有一個小朋友嘅影喺廁所嗰邊穿插, 睇嚟個小朋友係想我同佢玩,佢係咁玩個廁所門好嘈,完全搞到我瞓唔到,但係我當時真係太攰所以都已經唔識驚。。。其實依家諗返起都覺得好恐怖


講真呢間酒店風水格局都有啲問題,呢間酒店每個樓層都係鏡,房間裹面好多鏡,又好多好舊既藝術品,d 畫向住個窗,d 門又對住張床,平時無人入住既房係會自動關唒窗簾,勁黑。。


回覆 引用 TOP

[隱藏]
咁我哋club floor樓上就係一個防火層,有時夜晚啲同事都會上去樓上食煙因為方便啲唔使再落樓下,有一次我個同事叫我陪佢上去食煙,佢同我講話其實好多時上到去都覺得好陰,咁果次我陪佢上去啦佢一路食煙我就陪佢傾偈,點知右邊眼角見到有一塊白色布飛過左,嗰時已經係凌晨一兩點,好奇怪點解會無啦啦有塊白色布呢,之後都扮冇嘢啦冇理到,之後無啦啦嘭一聲,但係又見唔到有啲咩跌咗落嚟,跟住開始越嚟越凍,明明係夏天但係又唔知點解大風到痴咗線,之後其實都驚到想即刻落返去樓下。


回覆 引用 TOP

第一次我個同事又喺29樓嗰度巡房,佢行行吓無啦啦見到有一個男人黑影行過,佢話隱約中見到個男人係拖住一個小朋友,之後佢再望番過去就已經唔見咗,然後我喺度諗其實會唔會係嗰個男人拖住嗰個係我上次喺房間見到冬菇頭嗰個小朋友😩我見到有部份留言都覺得我大驚小怪太心理作用,但其實我見到嘅嘢都係真,因為每一次我見到鬼都會聞到一陣燒香味,而每次佢哋嘅出現我都會feel到嗰個磁場。同埋如果淨係得我一個大驚小怪咁點解我咁多同事都同我一齊見到

[ 本帖最後由 最愛靈異的女孩 於 2020-11-24 07:36 PM 編輯 ]



你地吾好逼我講邊間😂我驚無工翻


[按此隱藏 Google 建議的相符內容]