呢啲野好主觀，不過我個人咁諗
劉家豪 - 氣已過，捧人應該仲有一手，但劇情同教戲唔好有期望，啲畫面係有錢做都可以拍得好水皮，想點
徐正康 - 都唔知佢係咪專做帶住新監製嘅QC。最後套大帥哥幾好，叫補番喵喵個爛灘子
王心慰 - 一貫高水準，不過應該大家都防佢呢個年資有機上高層，所以近年作品不太受力捧
羅永賢 - 過左最興盛嘅時間。好多野係正常地好，但再無新猷就好易落後其他人。
林志華 - 少啲王浩信同張振朗就perfect。基本上收放自如，未來幾年應該繼續好落去。
陳維冠 - 劇嘅節奏有改善，雖然都係有啲位偏向鬆散，但塑造奇情人物越來越拿手
文偉鴻 - 長期夠爽，奈何啲故仔同拍攝風格感覺無咩新意。啲劇慢啲出，其實係幫緊佢
黃偉聲 - 穩穩陣陣，可以幫新人或二線紮穩馬步，但都年事已高，應該係睇下台階係靚定核突
方駿釗 - 帶起二三線同欽點派嘅勁人，做煽情故事比較叻，不過換組後拍嘅野完全唔同，要重新審視水準
陳耀全 - 離開偏鋒後顯示佢有寫獨特人物同拍大場面嘅實力，但要做到個個觀眾都接受同消除故事老土，就好似仲差少少
葉鎮輝 - 金宵係成功，但呢樣係踩住前面好多用盡資源砌好場面，但劇情難入口嘅野，且看2能否顯示真正進步
關樹明 - 那些年證明佢仲知道正常人劇情點拍，所以觀望之後都可以繼續咁正常，唔好再成串專有名詞扮專業
王偉仁 - 有heart帶新人，無heart審劇本，有啲橋都勁快重覆，正視問題方可突破現狀
吳冠宇 - 最好竟然係第一套雜警，再大安主義拍輕鬆低能劇情就實比人炒
蘇萬聰 - 錢同演員努力唔係咁樣浪費的，電視劇唔係電影來的，倒不如外闖
林建祥 - 好識帶配角，不過呢點係只就有套長期俾佢全心經營，正劇係咪OK好難講
廖晉碩 - 寫地道人物幾好，有佢會諗點解TVB仲要將830俾大陸劇，而唔係俾佢幫手打根基。等緊一個完全上位嘅機會
梁耀堅 - 佢拍動作幾好睇，但刻劃日常故事嘅根基就唔太好。啲故仔好似成日刻意迴避用重覆嘅橋，但有時有啲角色就係要有啲梗至留得住觀眾。
