[按此打開]
[隱藏]
十月到今個月見左就黎11份工 最長既見工時間 係一小時多，唔計test. 計埋都3小時先走得。
Background: 萬分唔想既情況下要離開舊公司，因為完左份約，冇得續。係好無奈既因素之下要搵工，咁係依個月收到見工+Phone interview 都有，不過我自己去見就十份多，因為有時腥完份cv再睇其實未必岩自己，又未必岩時間去見，（我失業左就兩星期）。因為見左幾份，俾人問既野實在可以寫番篇文，又想知你地俾人問咩問題多🙈
我唔係做左好多年野，但算係個jumper, 但冇諗過今年又要搵工，上年都搵左個半月...btw如果請見工達人 我真係會做 伊幾年見既工實在唔少...但都唔太多 不過自己好似唔識太sell自己
問題如下：-
1. 自我介紹
2. 點解上年啲份工做左一年走？
3. 公司冇得續約？點解唔續既？（做Contraction project 有味繼續做 冇味冇囉，你估我好想走）
4. 有冇內部轉職？有冇睇過公司有冇請類似位? （你問依條問題 想我答你啲咩？）
5. 自己想做邊一行業？想做咩位， 想聽真話 見到岩既行業味講真話🤔
6. 點解離開左個行，做左幾年，有咩原因令你離開個行，去左做同上一行冇關既工作？
7. 你將來想點發展你既事業？有咩planning?
8. 你覺得自己係個點樣既人？
9. 你覺得自己有咩優點 / 能勝任依個位？
10. 你前老闆點樣睇你？有咩好同唔好？
11. 你點樣同同事建立關係？ （你想我點答你？）
12. 你覺得以前既工作有咩困難之處？ 點解決
13. 你中意自己一個人做野定一班人做野？
14. 你點解裸辭？
15. 你平時份工做啲咩？
16. 你知唔知伊份工做啲咩？
17. 你有冇係以前既工作做過leader? 管下屬？
18. 你覺得有咩因素可能令人留係公司耐？（我上間公司係個好例子，公司發展空間、老闆、同事、自己對依個職業既興趣，但唔知啲interviewer 中唔中意聽）
19. 你有冇見其他工？
20. 點解唔留耐啲係上一個行業？
21. XX工作最重要係咩？
22. 有咩興趣？
23. 點解唔讀XX科當年？轉左科？（我一畢業試過俾人問點解讀依間中學 可能佢知間野麻麻）
24. 情景境： 我地公司有XX咁多野要處理，你會點處理？
25. 你覺得自己 stable ma?
26. 你有依啲Skill ma? 勝任到嗎？
27. 你點處理機密既野? 大家都係同事
28. 點解想申請依份工？
29. 點解對我地公司有興趣?
30. 你點睇依啲工作？係味唔岩你？所以轉行？
31. 你離開左XX行，唔覺得哂左？唔發展落去？
32. 做左XX and XX行 你自己中意邊行多啲？邊份工多啲？
我暫時見左9份，一個月內，見工見到前晚頭痛，唔知真感冒定見工好累...唉真係唔想再見...好多好多好多問題
你地俾人問啲咩問題？同埋QnA 你地會問啲咩問題？
