電訊雜談 - 電訊 Telecom. - 香港討論區 Discuss.com.hk

‹上一主題下一主題›

22 12 ››

新帖回覆

瀏覽: 30,435
回覆: 21
追帖: 1
分享: 1

列印

史特勞傑

榮譽會員

帖子: 14362
積分: 21681
註冊: 2007-9-11

發短消息

加為好友

電訊雜談

發表於 2020-12-3 17:28

臨上機先醒起未影相, 嗱嗱林係咁意影番兩張相先…. 冇乜特色, 睇唔出呢個係乜機場喎!!!

燈! 燈! 燈! 燈! 慕尼黑呀!!!

唓! 有乜咁巴閉呀?

講真, 真係冇乜特別喎! 25年喇! 終於得嘗所願嚟到慕尼黑! 1995年加入老和時, 老細安德魯對我講: “我哋幾個會去柏林, 你去慕尼黑”. 點不知老和幾間子公司合併, 俾Mobile 食咗固網個位, 幾個同事去咗柏林兩轉, 任何歐洲一個國家我還未到過, 心想: “我點都要去慕尼黑走一轉”… 一想就25年之後.... 年初終於有機會去德國旅行, 最後行程係慕尼黑…

到過慕尼黑, 方覺慶幸當年西門子training個位冇咗, 你話若果當年一個人嚟到慕尼黑孤零零一個人,人生路不熟,悶都悶死啦…. 慕尼黑除咗世運兩個字, 真係冇乜地標可以值得參觀, 只不過了結咗多年一個心願…..
還有, 可以一嘗真正德國豬手… 吓! 豬手都有得講一餐? 係呀! 多年來仍然回味當年北京第一次食德國豬手, 成班老和同事喺北京一段歡樂時光.

上士聞道，勤而行之；
中士聞道，若存若亡；
下士聞道，大笑之。不笑不足以為道。

回覆引用被引用(1) TOP

史特勞傑

榮譽會員

帖子: 14362
積分: 21681
註冊: 2007-9-11

發短消息

加為好友

樓主發表於 2020-12-5 09:50

1995年老和固網開台之初, 前後兩批同事柴娃娃上北京training. 上弟係後一批, 記得當年7個同事同行, 大家都係新入職, 喺大概10個星期裏面同上同落, 混得十分熟絡.

大家有一個協議, 早餐盡量食平啲, 午餐食西門子學堂, 晚餐食豪啲.

酒店裏面間醉仙閣我哋係常客, 印象中逢星期一,三,五都食菜膽魚翅, 間唔中走出去其它酒店試下佛跳牆或自助餐, 總之不亦樂乎…. 大家食得好嘢多, 間唔中又想試下新意思. 記得有一晚, 大家又想唔到食乜? 一於行到邊食到邊啦… 見到酒店樓下有間德國餐廳就走入去, 第一次食德國豬手… 咦! 幾好味喎…. 心想若果到慕尼黑training, 一定要試下正宗豬手… 當然後來豬手食不成啦… 曾經喺香港食過幾次德國餐廳既豬手, 總係食唔番嗰種味道. (記得有一次老和一班舊同事加埋西門子Support KK一齊去老尖一間德國餐廳食豬手, 當時已經人面全非, 好多已經離開咗老和, KK也非西門子員工)

今年年初去德國, 最後行程係慕尼黑, 終於有機會飲德國啤酒, 食德國豬手…. 影番張相紀念下先….

感想: 原來唔係德國豬手特別好食, 只係醉仙閣間德國餐廳整得好味囉.

附件

德國豬手.jpg(120.01 KB)

2020-12-5 09:50

慕尼黑最後行程德國豬手餐

回覆引用 TOP

vip10142 尊貴會員帖子 962 積分 1315 註冊 2008-7-22 發短消息加為好友	#3 發表於 2020-12-5 11:39 只看該作者大中小繁簡咁當年和仔北京training，一日三餐有冇得claim阿公數呀？
UID 3288820 帖子 962 精華 0 積分 1315 金幣 1325 閱讀權限 50 在線時間 5518 小時註冊 2008-7-22 最後登錄 2023-5-28 查看詳細資料	回覆引用被引用(1) TOP

史特勞傑

榮譽會員

帖子: 14362
積分: 21681
註冊: 2007-9-11

發短消息

加為好友

樓主發表於 2020-12-7 23:22

引用:

原帖由 vip10142 於 2020-12-5 11:39 AM 發表
咁當年和仔北京training，一日三餐有冇得claim阿公數呀？

咁又冇喎!!!臨飛前每人派張來回機票, 一疊旅行支票, 每張一百大元美金.實報實銷, 用淨要交回... 記得唔計酒店租金, 每日限用三百五, 所以朝早食唔超過廿蚊早餐, 午餐食西門子, 晚飯就可以食300蚊鬆啲... 諗起都正!!!

回覆引用 TOP

史特勞傑

榮譽會員

帖子: 14362
積分: 21681
註冊: 2007-9-11

發短消息

加為好友

樓主發表於 2020-12-7 23:39

[隱藏]

喺北京受訓完畢返落嚟第一個任務就要做一個command file. 你知啦, 受訓還受訓, 要實戰就兩回事. 喺北京training其間真係好鬼用心上堂架, 大家都知老細安德魯要求好高, 佢真係會考你喎. 聽第一批上北京既同事講, 佢哋每日上完堂夜晚返到酒店, 安德魯要佢既伙記坐埋一齊, 温温每日學過既嘢…. 嘩! 真係好彩啦, 若然我同老細一齊上京受訓, 想食好嘢? 諗吓啦…..

喺北京落番嚟第一晚返夜, 老細安德魯攞住份Order走埋嚟叫我做個command file(考試喇), 心想: “死啦, 你問我食過乜嘢就記得, 即刻嘔番學過既料出嚟? 一離開北京就已經放低哂啦… 點嘔呀?” 老細都醒水, 佢指指側邊嗰位德國人西門子support Mr. Tegel 話: “有乜唔明捉住佢啦!” 唯有回應一聲: “哦!”

打開自己手寫既天書, 似識又唔識, 總之唔知點入手, 唯有硬住頭皮去問Tegel. 打從北京回到四號貨櫃碼頭, 機房忽然多咗幾位德國人(老和固網開台在即嘛), 從外表看Tegel比較覺得難相處, 整塊面毫無表情, 永遠睇唔到笑容, 就好似二戰電影上睇到既德國兵一模樣. Tegel冷眼望我一眼, 喺書櫃上攞咗一本command handbook俾我(暗示你上過堂, 自己揾啦), 成四吋厚既書, 唯有慢慢揾囉…. 揾吓寫吓… 冇幾耐, Tegel走埋嚟望吓, 指吓講吓, 教我點做, 終於完成…. 哈哈, 原來條友仔玩嘢! 後來我對西門子command滾瓜難熟, 背都背到使乜command handbook吖!!!

同Tegel熟絡咗之後, 佢仍然係毫無笑容, 不過你同佢講嘢, 起碼佢會回答你(初初目空一切, 不瞅不睬)… 好奇怪, 佢每年放大假都會去西藏, 我哋經常取笑佢喺西藏有二奶, 亦因此我對西藏產生好奇感, 好想去西藏玩.

回覆引用 TOP

史特勞傑

榮譽會員

帖子: 14362
積分: 21681
註冊: 2007-9-11

發短消息

加為好友

樓主發表於 2020-12-12 23:30

中學畢業之後, 捉咗個中學同學一齊入電話公司(Hong Kong Telephone), 我去遊塘機樓佢去咗窩機. 本來約咗一齊去旅行, 點知報咗名之後佢話媽子唔俾去, 放咗我飛機, 我既第一次旅行就係孤伶伶一個人出發去七星岩, 俾我唱到佢今時今日.

第二次策劃去北京, 講明一定要見人, 今次佢揾埋窩機一位工友亞譚. 出發之日三人喺廣州搭咗48鐘頭火車, 到達北京車站係早上六點, 唔記得點搭車咯, 總之好凍, 好想睇雪, 但到離開嗰一刻一粒雪影都冇. 去咗宣武門大街一間旅館住咗幾日, 好似玩咗一個星期啩, 詳細情形已經忘記得八八九九.

最深刻印象係去明十三陵同八達嶺長城, 中午喺郊外一個極簡陋小檔食已經變壞既”黃”飯加一兩片肥豬肉. 你可以唔食, 不過極目望到既地方都係黃沙大地, 除咗食沙, 冇第二度有得食… 皆因當年內地尚未開放… 未開放既好處係極少旅客, 故宮天壇全部原貌冇破壞, 我哋可以走入宮殿內部幾乎零距離參觀… 今天, 你只可以喺宮殿外邊遠望, 兼且太多遊人, 好多文物受到極嚴重破壞.

最豐富晚餐緊係全聚德燒餓同東來順溂羊肉, 不過周身到處乞兒圍住你, 等待你食剩既食物, 原來佢哋係冇戶籍, 冇工冇糧… 十分可憐!

回覆引用被引用(1) TOP

史特勞傑

榮譽會員

帖子: 14362
積分: 21681
註冊: 2007-9-11

發短消息

加為好友

樓主發表於 2020-12-22 13:40

30年前有個新彊旅遊電視特輯,忽然吸引咗好多人一路播住喜多郞音樂去新彊旅行, 於是乎原班人馬,老電三丁友仔膽粗粗走去背包行... 你知啦,當年老電得兩個禮拜大假, 每年年尾就要喺報告版上mark下一年假期,仲係老seafood優先,由老油條開始至最後小鮮肉順序"落注"...要連續放兩星期喎! 仲要左度右度加埋啲公眾假期先勉強玩咗17日...旅程中發生乜事無謂講咯(講太多旅行會被版主移去旅遊版),總之喺鄭州坐咗5日火車去烏魯木齊,火車上無所事事一副新啤牌玩到變爛咭紙... 回程時,大家一齊講"下一站西藏"...誰不知之後各有各忙, 唔好講去西藏,若講去旅行已經係30年後.
當年機樓同事去旅行一般係東南亞, 例如菲律賓呀!星馬泰呀! 台灣日本韓國等,尤其是台灣韓國, 啲同事最喜歡去, 可以帶水貨時又可以尋花問柳.

回覆引用 TOP

高達花花手機	#8 提示: 作者被禁止或刪除內容自動屏蔽
高達花花手機禁止發言帖子 18 積分 -4 註冊 2020-12-29	#8 發表於 2020-12-29 15:47 只看該作者大中小繁簡提示: 作者被禁止或刪除內容自動屏蔽
UID 6997810 帖子 18 精華 0 積分 -4 金幣 24 閱讀權限 0 在線時間 7 小時註冊 2020-12-29 最後登錄 2020-12-30 查看詳細資料

史特勞傑

榮譽會員

帖子: 14362
積分: 21681
註冊: 2007-9-11

發短消息

加為好友

樓主發表於 2021-1-6 16:56

本來想講吓旅行, 輕輕鬆鬆. 點知最近俾香港東最大一間Data Center激到彈起… 前幾日去“丟架”借櫃匙入場, 自從丟架Reception搬咗上最高層之後, 麻煩多多.

丟架啲膠層真係用屎忽諗嘢, 非常不專業. 因為大廈要加電力, 張Reception暫時搬上頂層, 若果一兩個月短暫時間, 客戶可以容忍. 但你個工程要長達兩年喎! 係咪要從客戶角度去思量吓先呢?

首先, 咁大座大廈幾十層樓得四部客用升降機已經勉強夠用(隔離座大廈層數少啲, 每層面積細佢咁多都有五部電梯啦). 因為加電加線槽再減至兩部客lift, 等待時間多咗一倍不特止, Reception搬上頂層而自助匙櫃因為慳錢保留喺地下絶對係愚蠢既決定. 你計吓條數啦, 因為上上落落借匙, 客lift loading 多咗超過一倍以上, 有時等lift時間長達十幾廿分鐘. 再由頂樓落番樓下攞匙來來回回超過半小時先入到場, 係咪早期開工前個匙櫃要跟埋Reception一整搬埋上頂層呀? 死蠢!!! 你諗吓電訊業救火時幾咁緊張? 做十分鐘嘢因為借匙浪費咗半粒鐘以上, 呢啲叫做專業咩?

前幾日上頂層借完咭落番地下開匙櫃方知匙櫃門壞咗, 即場火都嚟埋啦. 小喇叭吖! 匙櫃壞咗唔係今日事發生既事, 係咪應該喺電腦度mark 低, 借匙改為call NOC呀? 你老味等個客由頂樓等lift落地下結果係運吉, 簡直浪費個客時間. 記得幾個禮拜前, 個匙櫃已經殘殘哋, 借匙時拍咗幾廿次先開到楝門, 還匙時拍咭拍極都冇反應, 唯有上番Reception交匙, 點知Reception話唔可以就咁放低喎… 大佬, 趕時間呀, 問題喺你度, 點解唔俾我走? 即刻上火啦… 放低走人話Q知佢.

頂! 有冇做routine check 架? 答案緊係冇啦! 唔止呢單嘢架!

回覆引用 TOP

史特勞傑

榮譽會員

帖子: 14362
積分: 21681
註冊: 2007-9-11

發短消息

加為好友

#10

樓主發表於 2021-1-13 15:12

[隱藏]

挑那媽! 以前自己機櫃自己開門, 唔使煩到NOC幾咁快靚正!! 點知忽然話所有櫃門鎖全部換Q哂, 開門一定要借鎖. 借鎖都唔係問題, 一條鎖可以開哂一間公司所有櫃門咪冇問題囉! 我頂, 冚家拎一隻櫃一條鎖匙, 要開一百隻櫃咪要攞個大袋嚟裝一百條鎖匙? 仲有,緊係因為budget問題啦, 啲自動鎖櫃質素真係唔多掂, 金屬殼薄依依,棟門輕飄飄點叫security呀? 最百佳既係, 條鎖匙個sensor 又粗又長, 大過條鎖匙兩三倍, 我試過手拎6條匙真係溂哂嘢, 揾匙更扒街, 唔該個label貼喺sensor度啦!!! STUPID!!!

萬一唔覺意跌咗一條鎖你就仆街喇, 喂! 你造project 時冇睇過辦試用過先咩? 賠錢啦老友.曾經試過用咗成十年既accesscard因為損耗壞咗, 去要求換張咭啦, 佢話張咭裂咗係我整爛要賠錢., 用咗十年既咭啲膠會老化好正常, 有裂痕有乜問題呀? 總之有位入就揾錢.

明知冇作用,之不過順吓自己條氣, 咪反映去Sales度囉… 佢乘機sales嘢啦, 跟住例牌答案: 睇吓可唔可以俾條master key你… 講之嘛!真係想大你個腦. 之後咪得個講字囉.

回覆引用 TOP

史特勞傑

榮譽會員

帖子: 14362
積分: 21681
註冊: 2007-9-11

發短消息

加為好友

#11

樓主發表於 2021-1-24 17:24

以前NOC每更有幾個員工, 要走既樓層冇依家咁多, 等電梯時間冇依家咁乸耐. 依家目測日間繁忙時間人手少咗好多咗, 佢哋走既層數比以前以倍數多咗, 大家等lift時間長咗, 員工工作量勁Q多咗, 來自客戶壓力自然升多咗好多啦, 咁或多或少啲客戶緊係會發吓脾氣啦… 憑心而論, 大家都係揾兩餐晏仔, 盡量忍得都忍. 不過, 客戶冇理由受番你氣啫!

受氣? 唔係啩? 係呀! 同啲friend講, 啲friend都話有冇九兩菜呀? 話說好幾個月前, 因為借還鎖匙浪費太多時間等電梯, 不如叫NOC 開櫃門咪慳番好多時間囉. 佢哋有master key, 唔使走上走落又開門關門又借匙又還匙, 你話快幾多呢? 點知有一日, 嗰位NOC員工一入到MMR房, 第一時間係怒睥我,跟住好唔順超一路開門一路大大聲話:“咁勤力做乜呀? 明知食飯時間走嚟做嘢…” 心諗乜料呀? “丟架”又幾時多咗條規距做嘢要擇吉時呀? 屌! 我哋做前線既一收call就要最快到場架啦! 乜我哋有得楝咩? 咪怒睥番佢囉…

一星期後又到呢個場做嘢, 又碰啱遇上同一條友仔, 佢又係怒睥住我, 怕你有牙? 怒睥番佢囉, 佢死死氣即刻收番啦. 又唔知過咗幾多個星期, 我已經就住佢哋11點前到場, 唔係食飯時間喇啩! 燒佢數簿吖! 冇人嚟開門, 打電話call NOC啦, 嗰位super係咁道歉話個伙記有兩單嘢跟緊, 如是者打咗唔知幾多次電話, 講咗幾多粗口, 嗰位super 係咁道歉, 叫我自己借鎖匙…. 足足超過一個鐘頭冇人幫你… 我頂, 你話你唔係玩嘢都唔信啦… 如果你話食飯時間得一個人做嘢, OK冇問題, 由11點等到兩點幾都冇人服侍你, 唔係啩? 我問佢點樣投訴, 佢話send email俾NOC, 我走到customer service 問佢點投訴, 亞姐仔話send 個email 俾佢哋customer service… 吓! 即係話:“我哋係咁架喇” 呢度投訴係無門既….

唔喜歡咪走囉….

回覆引用 TOP

史特勞傑

榮譽會員

帖子: 14362
積分: 21681
註冊: 2007-9-11

發短消息

加為好友

#12

樓主發表於 2021-2-5 12:51

最近終於收到隻e-貓, 話佢哋個豪華大裝修接近完成, 並且好快開幕喎. 嗱! 下面張圖唔係我偷影架, 係佢哋官方圖片. 你睇吓門口個黑色櫃, 咪就係嗰個超high tech借鎖系統囉…. 差不多兩年時間喇,白痴做法: 先上最高層借匙,然之後落番地下呢個鎖櫃攞匙. 用完? 唔該落番地下還匙, 再上番最高層還門咭. 來來回回至少四次,上落百9幾層樓只為咗借匙還匙, 仲未計你去返做嘢嗰層樓.

你老味吖! 邊個係天才! 邊個係白痴! 扮懵定蠢才, 冇咁易會知…

附件

decoration.jpg(28.91 KB)

2021-2-5 12:51

回覆引用 TOP

史特勞傑

榮譽會員

帖子: 14362
積分: 21681
註冊: 2007-9-11

發短消息

加為好友

#13

樓主發表於 2021-3-5 16:14

“丟架”個Reception終於搬番落地下喇,前幾日入場喺地下登記完即刻喺後面部機攞銷匙, 仲有等lift時間幾比以前快好多, 幾鬼爽呀? 唓! 你心理作用啫! 冇心理作用, 上上落落幾次等lift都係一分鐘之內,以前有時要等超過5分鐘, 幾咁誇張呀? 依家啲客入場唔使再上上落落, 一站到位嘛! Lift使用率比起以前少咗66%以上. 還有嗰部面容登記機改咗少少, 唔需要好似以前咁擰頭擰髻, 少咗timeout次數, 再唔使阻住後面啲客…

妖! 記番過年前臨搬落地下前一日, 入場都中伏呀.佢老味吖! 喺33樓登記完落地下攞匙… 頂, 張卡完全冇反應,又要上番33樓再落地下攞鎖,來來回回6次呀~~~~ @#$%^&

回覆引用 TOP

馬路忠才藝新手帖子 70 積分 38 註冊 2021-3-4 發短消息加為好友	#14 發表於 2021-3-10 17:20 只看該作者大中小繁簡德國豬手好吃嗎
UID 7027968 帖子 70 精華 0 積分 38 金幣 76 閱讀權限 10 在線時間 8 小時註冊 2021-3-4 最後登錄 2022-1-6 查看詳細資料	回覆引用 TOP

史特勞傑

榮譽會員

帖子: 14362
積分: 21681
註冊: 2007-9-11

發短消息

加為好友

#15

樓主發表於 2021-3-19 12:06

[隱藏]

前個星期入場照面譜… 咦! 點解又要照前照上下又左又右既? 明明上次只要照一次…. 唔通我記錯? 前幾日又入場, 照左手邊部機, 只需要照上下一剔過搞掂. 果然係咁…. 左手部機只需要照一次, 右手邊部機要照幾次… 唓! 擺明係冇人做routine check啦, 右手部機應該係由33樓搬落嚟, 冇做upgrade啦…. 唉! 咁既工作態度, 真係唔專業.

前幾日約咗老電收modem, 一到場見到嗰舊工友 “咦! 原來係你呀?” “咦! 乜你識我咩?” 一吹就吹番老電年代…. 你係15E, 我係Strowger…. 哦! 油塘吖嘛! …

唉! 當年大家老電友, 年青有為, 今天變咗老餅一個, 不過老細都已經唔再係老電(佢係外判)…