• 瀏覽: 2,927
  • 回覆: 21
  • 追帖: 2
[隱藏]
係Facebook搵工 搵左一間聲稱請sales底薪(14000-18000)+commission
月入可兩三萬以上
又講佢有啲staff有五六七萬
跟住就試下 當時佢話依間公司目前係賣口罩 賣去唔同國家同公司 有得做等
又話依間公司之前做過幫人裝修
好好搵 因為依家疫情冇人肯住酒店
所以先賣口罩 到我賣口罩賣得好教埋畫圖咁話咼

之後叫我返黎training幾日
個幾日training 係冇錢收既
佢話賣口罩sales就14000底加2000勤工加com
有跳Bar制度

然後都未開始做
再約我返黎講offer個陣
就話我唔適合做行街sales賣口罩
話training個幾日唔夠積極賣口罩
講到應該要拍門洗樓咁
大前題係 依隻口罩叫九天綠 係淘寶有
而且佢冇比人工我 我有咩理由會咁做😂

然後叫我試下做telesales賣口罩 (12000底加2000勤工加com)
叫我去雅蘭啲出租office返工
一間好細既房仔 有三部電話咁

去到就同我講係做財務調解
我都打左個特 不過見話唔係中介就試下
佢同我講依個project雖然唔會搵得多
你預兩三萬到啦 頂住先
下個project先係搵錢 兩星期後轉嫁喇
咁我咪試下
仲話依個project 幫到疫情下有債務既人好好咁添
於是佢求其作啲no.比你
你由例如612345600 01 02咁順住自己打去cold call
然後勁難搵客啦 然後我覺得咁唔係辨法
我就自己諗方法
好辛苦咁搵左廿幾個客返黎
然後發現所謂既com 只係成功約到上黎先得一兩百
個客簽單都冇com分 仲要個客應成左黎但冇出席就冇 勁難先搵到個
佢話因為係免費佢都冇收個客錢 所以冇com
但係其實有收個客錢 就係律師樓收再拆錢比佢地

然後返左工好多日先有contract比我
同埋先知實際點計點運作
Contract入面 佢地仲話例假冇錢
仲有個2000蚊勤工第一個月係唔會出
因為唔計例假 所以唔足30日 咩玩法

佢地就扮好人咁話同會計部傾
(個陣唔知間公司剩係佢兩個人開)
最後扮到好好咁話公司唔比出勤工
因為冇左例假就係返唔足一個月
佢地話兩個私下貼錢每人比五百我
姐係共一千比我

個陣一直想走
因為覺得係到冇前途 而且我之前都搵得好多
去第二到都冇可能咁樣樣
佢又係咁話不如等埋另一個project先
果個好有信心搵到錢 而且有信心上巿
又講到幾有前景咁 blablabla..
係咁話就轉就轉 一星期又一星期
結果咁就比佢hold住半年

做到第三個月既時候因為疫情嚴重
佢就講到自己好好人咁話轉home office啦 底薪轉5000加每張單一千
有12張單再加萬二底
當然佢地之後對單既要求更嚴格
唔會做到依個數 咁我咪當唔洗點做野拎個5000 一個月交一兩張
咁就wfh左兩個月 去到9月24佢見我冇心再交單就話停

Btw我覺得係因為過左三個月
正常要供mpf佢地唔想搞依啲就叫我wfh
出少啲糧就唔洗供

題外話 依個調解project
佢同我講可以點幫到人 個客會著數左
個個客最後都好無助咁 要搵佢兩個又搵唔到
收錢個陣又唔講清楚 仲有其他收費
要個客破產又唔講
(我本來都唔知要咁做 個客講先知)
破產要再比錢又冇講明
佢就話 我冇逼佢咁做 佢自己選擇咁做
做依樣野係比錢政府 唔係比錢我
同埋又話啲客冇禮貌所以唔覆佢地
啲客話 一日先得一兩個msg覆
電話又唔聽 去到搞文件又唔識自己搞本來約好個客一齊去 個客專登請假
然後因為早一晚owen去飲酒飲得夜
第二日又扮病甩個客底 電話又唔聽
個客好無助 仲要話個客唔識去詢問處問嫁咩
個客問詢問處 個到都係彈佢走
個ken仲要話佢態度差 所以唔理佢

最後尾仲要同我講 睇下 啲客搞掂晒喇
又幫到人 仲要佢自己個樣好滿足咁
但我問啲客 個個話係不了了之 係銀行繼續幫佢搞埋 而且封信冇乜用
計埋比佢地既錢 其實 前前後後都冇分別
而且唔比錢佢自己都可以咁搞
比錢冇service 收左錢就唔見人
我知道左真相都覺得好對唔住啲客
冇諗過佢地差到咁

然後10月8叫我返黎做新project就係火星人
又係一早問定咩offer死都唔講
要我返左黎先講同埋出返上個月既糧

要我地三個女仔做埋啲九唔搭八既野
要求著得斯文 又唔講定返黎要做咩
當日先至安排 仲要我地搬搬抬抬
仲差啲比道好重既門砸死
又成日叫我地抹野執垃圾掉垃圾
啲唔要既枱櫃叫我地就咁放係樓下地下求其放
話啲人會爭住要😑 其實就阻住條街

而且我明明係一個sales點解要做啲?
仲要冇買勞保比我地
同時佢好冇風度 同我地講佢公司冇分男女
又唔幫我地手搬落去
又要我地幫手痴牆紙 砌椅 抹玻璃
我地從來都未做過依 差啲以為自己轉行
有一排成日仲ot遲左走
然後佢地唔會補鐘同補水
問佢點計 佢hea下就算
請食個lunch就當係?

平時我地遲到十分鐘內
都比佢屌到上天
咁我地心入面就好嬲啦
私底下都大家呻下
返工要早到ot係bonus
然後返工又話要打卡 遲一分鐘罰10蚊
有一日同事就忍唔住 向佢傾下ot既問題
之後唔知佢做乜 發晒老脾
然後問邊個係背後講起依個話題先
隔一陣又扮冇野 話之後ot計人工除開每個鐘既錢咁咼
以後每日都要打卡 唔打當冇返工

又到左第二日返黎
一朝早行左出去 果個肥佬ken就問我係咪我係背後講關於ot既野
我話依排咁ot法 又冇講補鐘補水
你地又冇反應 我地討論都好正常姐
聽完又開始發癲 拍枱 掉筆 大聲講野
話最憎人發放負能量 影響公司運作
點解有咩係背後講 唔係同佢講?
(其實之前有提過 係佢避)
依家我地受到剝削講出黎有咩問題?
而且我地11月lunch time成日放唔足一個鐘
叫我地食外賣 一食完抖都冇得抖要我地做野
我話未放完lunch仲比人鬧返轉頭
話係咪一次半次都要同佢計
我地心諗依家八九成時間都咁
星期六連lunch time都變到得返半個鐘
仲要講到不嬲係咁😑 明明一直星期六都一個鐘
佢話星期六返半日工 有咩可能一個鐘呀

我個刻真心想唔做 ****1 收你咁少錢我洗受你氣? 我之前人工係依到既好多倍 就係比你昆左入黎先咁樣樣
依份工係我地所有同事都話係做過最低同差既一份工

Ken仲話想當年有個前度
ken話要做全港史無前列既野
佢前度話佢唔得邊有可能
Ken話: 我即刻屌到佢上天花板 痴住左一個禮拜都仲未跌落黎
(我同另一個同事都心諗 on9😅
隔幾分鐘之後 佢又係咁同我講sorry
好憎自己脾氣咁差 希望我唔好嬲佢點點點 話要請我食飯
我本來諗住係個機會唔做/比佢炒
佢又唔炒我 屌
跟住就諗住捱到月尾出糧走
就可以唔洗比佢呃糧

分享其他係工作上既點滴:
1. 有一日我地三個女仔去廁所
一出黎見佢企係門隔離
貼住女廁道門隔離聽我地講野
我地勁無奈 感覺好差

2. 仲有一次叫我去商場搵客做野
佢同另一個同事去另一到
分道揚鑣個陣 原來係我後面一直跟蹤我
直到我入個商場
感覺真係好嘔心 用人勿疑疑人勿用
第二日ken仲夠膽問我 知唔知佢跟蹤我
仲話我果然係一個做野既人😑

3. 有次想請假 因為之前講一年有7日年假
跟住同佢講 我返左五個月應該有年假可以請
佢話冇嫁 依間公司係另一間公司
冇年假可以請 重新計過😑
想講7日已經夠少 勞工處最低要求
仲要做埋依啲仆街野 去令你冇假放
依份真係有史以來最閪既工

4. 去到最尾係公司果個星期六
佢搞啲免費wargame gathering活動
睇下招唔招到會員
依啲人係係街做問卷送禮物拎contact
然後約佢地出黎送wargame入場卷
再叫佢地出席
最後黎既只有6個客 仲要全男
其他個啲全部係媒同model黎

咁係gathering前幾日ken就話冇相機點好
咁有個同事好好啦 話帶埋相機幫佢地影花絮
人地星期六專登搵部機帶返黎幫手
個肥佬ken一朝早就自己拎左部機出黎
話用佢部相機影就得喇 同事唔洗幫手影
之後去到wargame場 個肥佬ken行開左
佢細佬owen就叫同事幫手影住先
影影下 個ken衝左入黎
係所有人面前喝個同事 落返黎唔洗用同事部機影
Ken話:我自己影得嫁喇
頭先你影個啲同我刪晒佢
同事心諗要你啲相黎做咩
我同另一個同事都睇唔過眼
好心作雷劈 大家都唔開心
我地三個坐埋一齊 然後ken就叫我跟佢出去
係咁同我話講依個同事係一個信唔過既人
又話個同事咩都收收埋埋咩都唔講
屋企幾多兄弟姊妹 男朋友點樣又唔知
個同事見工個陣佢謝舊公司開左幾個月
Ken上過去佢舊公司查過
原來開左兩三年 話個同事講大話唔可信
Btw 我問返個同事 佢話當時舊公司hr係咁講
佢都冇去尊登查所以唔知開左兩三年
Ken話依個同事同我加另一個同事咁fd係搏咩

有次a同事比owen叫lunchtime係電腦房做住野食飯
比人話信唔過果個同事(b同事)就幫佢手出聲話
係入麵食咁污糟 點解唔出黎食
然後owen就大聲鬧b同事:
關你咩事 你用咩身份幫佢講野?

Ken又同我講
B同事做咩要咁多事出聲
關佢咩事 係咪想博加分
我勁無奈 唔係想我和應呀麻?
跟住我係咁唔 hea應
仲叫我唔好將依啲放係心到 希望唔會影響我
佢決定唔比個個同事過試用
其實發生完依件事 個同事已經唔想做
本來佢應該係最遲走果個 變左做第一個走

我本來諗住做埋今個月 但經過星期六
我同再另一個同事發覺捱唔到落去
星期一返到去就同a同事一齊話唔做
星期一朝早仲係咁講果個同事壞話
但我真係冇辨法去附和 因為個同事真心慘

最後佢話會7日內出糧比我
直到過左7日 今時今日都仲未過數
而且whatsapp幫佢計埋 但佢搬龍門
10月12000蚊底 11月14000蚊底薪
佢地之前都話每月出糧截到31號
7號出糧 咁佢11月7出左12000底比我啦
由於我16號走 咁正常係
14000/30*16+com-12000/31*7
點知佢話加人工果到7號後先開始加😑
明明佢係出糧前話依個月就加人工
咁樣搬龍門都得嫁咩?
其實都唔係多 差個一千蚊 但真係好唔gur

因為之前有啲同事佢都出少左糧
出少左之餘仲過左成個月都未出
果個ken仲好笑 係到發完癲後直情唔覆
佢細佬owen就話聽日入今日入
唔知入左邊個時空隧道
又話自己好忙傾緊野 又話病
依啲招數佢對之前既同事都用過
好撚賤 明明佢好得閒
係公司冇野做又扮忙扮病
兩兄弟係到扯貓尾
平時講自己幾有錢
對錢冇所謂 又話想捐錢
但依啲少少錢連自己員工都呃
仲要反客為主講到係員工呃佢

咁耐以黎 所有同事/師傅/同兩兄弟合作過既人 最終都係反面收場
而佢地永遠都只會講人地點錯 點唔好
不知所謂 做生意eq咁低同埋咁自我中心
希望大家可以為我地討回公道

大家上網搵工
小心叫做ken 同owen既人
又或者見到姓siu既都小心啲

Whatsapp極兩個仆街都唔覆
然後我send左依段:
唔知你地個六千幾放左去曉峰樓定德福f座
唔好話我唔比時間你
理得你轉數快定過數
聽日下午7點前收唔到
我一定會討回公道
你地都唔洗旨意再去呃人
唔知劍擊界/熙堯校長老師知道佢屋企人做埋依啲野點諗呢

29/11
個owen終於覆我 叫我星期三上去公司拎
但之前有個裝修師傅就係入左黎公司
之後佢地就同警察講個師傅偷野 屈師傅
佢本來話入數比我 依家又要我上去先出
仲要冇講明幾點係到 一陣玩野唔係到要我等又得
我覺得非常無奈 幾千蚊都呃 佢地兩個成個乞兒咁
跟住我話門口拎癈事比你地屈偷野
佢又係到話我整嬲佢唔好上笑
後尾我話 姐係唔出啦 佢就叫我星期三上黎😑

3/12
我臨出門同佢講我五點前到
佢話佢有野做唔係公司
明明一早約好左
跟住問我今曰係邊夜晚拎比我簽
然後一直唔覆我時間
最後八點幾覆我話係荃灣出黎
點知又失蹤 到十點幾又話食完野
依家黎旺角 半個鐘九個字後到
又係消失 熄埋機 話電話冇電
你信唔信係電話冇電?
我打另一個no. Cut我線
而且你冇電 同我whatsapp個陣已經知
個陣唔見佢講? 擺明有心玩野
第二日又話send段野比我我whatsapp ok就過得
結果唔知死左去邊 又想再昆我出黎

建議大家搵starup公司做真係請三思
睇下係咪一間正常既公司同人先好做



引用:
原帖由 我呀爸個女 於 2020-12-4 02:43 PM 發表

係Facebook搵工 搵左一間聲稱請sales底薪(14000-18000)+commission
月入可兩三萬以上
又講佢有啲staff有五六七萬
跟住就試下 當時佢話依間公司目前係賣口罩 賣去唔同國家同公司 有得做等
又話依間公司之前做過幫人裝修
好好搵 因為依家疫情冇人肯住酒店
所以先賣口罩 到我賣口罩賣得好教埋畫圖咁話咼

之後叫我返黎training幾日
個幾日training 係冇 ...
師姐公司係中介嗎?



引用:
原帖由 大佬 於 2020-12-4 06:25 PM 發表


師姐公司係中介嗎?
你講上一個project?
佢話唔係 話係搵啲有外債既人免費比個調解方案佢
然後叫啲客比錢佢地搵相熟既律師去幫手調解 暫停供款減息咼



引用:
原帖由 我呀爸個女 於 2020-12-4 07:00 PM 發表




你講上一個project?
佢話唔係 話係搵啲有外債既人免費比個調解方案佢
然後叫啲客比錢佢地搵相熟既律師去幫手調解 暫停供款減息咼
一個客劏一萬幾千都好搵。
以後搵工小心d. fb好多搵笨。



[隱藏]
引用:
原帖由 大佬 於 2020-12-4 07:05 PM 發表


一個客劏一萬幾千都好搵。
以後搵工小心d. fb好多搵笨。
會引以為鑑
未試過做咁伏既工
我之前係fb搵到兩份好好既工 所以冇諗過會咁



時勢迫成:換轉佢哋係搵工唔係請人嘅話應該比樓主還精。


靈魂是一個意念

萬般皆下品,唯有讀書高

回覆 引用 TOP

引用:
原帖由 我呀爸個女 於 2020-12-4 07:16 PM 發表




會引以為鑑
未試過做咁伏既工
我之前係fb搵到兩份好好既工 所以冇諗過會咁
好想知師姐咩年紀?
辦事能力高,適應力強,但好似入世未深……。
好矛盾。



耶L無個好人


回覆 引用 TOP

引用:
原帖由 我呀爸個女 於 2020-12-4 07:00 PM 發表




你講上一個project?
佢話唔係 話係搵啲有外債既人免費比個調解方案佢
然後叫啲客比錢佢地搵相熟既律師去幫手調解 暫停供款減息咼
嘩好複雜咁?



回覆 引用 TOP

[隱藏]
引用:
原帖由 我呀爸個女 於 2020-12-4 02:43 PM 發表

係Facebook搵工 搵左一間聲稱請sales底薪(14000-18000)+commission
月入可兩三萬以上
又講佢有啲staff有五六七萬
跟住就試下 當時佢話依間公司目前係賣口罩 賣去唔同國家同公司 有得做等
又話依間公司之前做過幫人裝修
好好搵 因為依家疫情冇人肯住酒店
所以先賣口罩 到我賣口罩賣得好教埋畫圖咁話咼

之後叫我返黎training幾日
個幾日training 係冇 ...
https://youtu.be/18HaBrfmrZo
眾籌陷阱



回覆 引用 TOP

您講完肯定輕松多了吧!做得唔開心重做。如找不到其他工就無法了!😂


引用:
原帖由 我呀爸個女 於 2020-12-4 02:43 PM 發表

係Facebook搵工 搵左一間聲稱請sales底薪(14000-18000)+commission
月入可兩三萬以上
又講佢有啲staff有五六七萬
跟住就試下 當時佢話依間公司目前係賣口罩 賣去唔同國家同公司 有得做等
又話依間公司之前做過幫人裝修
好好搵 因為依家疫情冇人肯住酒店
所以先賣口罩 到我賣口罩賣得好教埋畫圖咁話咼

之後叫我返黎training幾日
個幾日training 係冇 ...
https://youtu.be/G7SWIQ7odu4



回覆 引用 TOP

引用:
原帖由 我呀爸個女 於 2020-12-4 02:43 PM 發表

係Facebook搵工 搵左一間聲稱請sales底薪(14000-18000)+commission
月入可兩三萬以上
又講佢有啲staff有五六七萬
跟住就試下 當時佢話依間公司目前係賣口罩 賣去唔同國家同公司 有得做等
又話依間公司之前做過幫人裝修
好好搵 因為依家疫情冇人肯住酒店
所以先賣口罩 到我賣口罩賣得好教埋畫圖咁話咼

之後叫我返黎training幾日
個幾日training 係冇 ...
Too long. Please prepare a summary



引用:
原帖由 工廠男 於 2020-12-5 04:25 PM 發表


好想知師姐咩年紀?
辦事能力高,適應力強,但好似入世未深……。
好矛盾。
25-30 可能真係入世未深 之前竟然信佢地講野



[隱藏]
引用:
原帖由 中環自我的小腸 於 2020-12-6 12:04 PM 發表

您講完肯定輕松多了吧!做得唔開心重做。如找不到其他工就無法了!😂
走左啦 有兩份工都請我



回覆 引用 TOP

提示:支持鍵盤翻頁左 右
[按此隱藏 Google 建議的相符內容]