[按此打開]
[隱藏]
我老闆好冇禮貌。
我老闆真係好冇禮貌。
我老闆真係好撚冇禮貌。
佢叫人最鐘意就係「喂！」
做做下嘢，突然企係你後面「喂！」，心血少啲都比佢嚇死。
佢最鐘意就係「喂，有冇嘢做？」
佢到底想我點答佢呢？
答「有嘢做」，佢照比啲九唔搭八嘅嘢我做。
答「冇嘢做」，佢又問我點解咁得閒。
不過最大問題都係佢句「餵」，比如我哋成班人傾緊工作嘢，佢無啦啦「餵」，又唔知佢餵緊邊個，咁成班停咗望住佢，睇下佢搵邊個，佢又望住我哋唔出聲，之後講幾句廢話，又行開。
有次落去食煙，食煙位有個嘢飲機，我企係部機前面睇下有冇乜特別嘢可以飲下，無啦啦有隻手啪八達通，我原本打算讓開比佢啦，點解聽到句︰
「喂！可樂呀。」
屌，就係我老闆。
好啦，幫下佢啦。
罐可樂跌完落嚟，佢拎完就走，一句多謝都冇。
係唔係上咗年紀班老闆都係咁冇禮貌？
