[按此打開]
[隱藏]
之前呢度有個女網友成日當我情敵係咁單打我，意思係我姣佢網上既心上人，睇佢語氣佢既心上人「大隻+靚仔+講野鹹濕（係佢角度來講應該係幽默呱？）」總之情人眼裡出西施。
由於呢個女網友太鍾意個男網友加上愛得太深患得患失似乎近乎失心瘋，成日提呢個男網友，搞到其實我好無厘頭，因為我同個男網友平時都唔熟，亦冇來往，佢對我可能係fans對女神既仰慕姐，實際上並冇切身接觸同了解。不過因為女網友大力宣傳同好評，我都自然會留意下個男網友究竟有乜好。
後來我同個男網友私下傾左一陣計，發覺現實同幻想有好大差距。個男網友好好人好細心但絕對唔係啱我果type，交換下相發覺佢又真係幾「大隻」但睇身形就應該唔係我喜歡果種靚仔。
我好快分析左呢個男網友係果個女網友喜歡既類型但係唔係我喜歡既類型，於是我都同佢講果個女網友比較啱佢，對佢係真愛，希望佢好好把握。
件事令我得出結論：網上識人好易見光死。上文果個女網友投入太深，以為佢鍾意既人，別人亦會鍾意，所以對別人產生敵意。大家都係女人，可以理解呢種心情啦。希望果個女網友可以得償所願。只不過唔同人喜好其實唔同。而個男網友同個女網友既事就唔關我事啦，希望個女網友都唔好啄住我。大家欣賞既對象同品味真係差別好大。我真係唔鍾意大隻壯男😂
網上交友真係好易中伏，大家小心d，尤其而家好多照騙，好靚既女人隨時現實中素顏好驚嚇都未定。🤷♀️
