• 瀏覽: 10,704
  • 回覆: 19
[隱藏]
今日由高士德搭去銀河都係80蚊。


熱賣及精選
引用:
原帖由 The_Cardigans 於 2021-2-8 10:07 PM 發表


我睇過YouTube...好景黑的一個月搵十雞阿😨
我見過由聯邦酒樓,搭去關閘,見到一家內地人被價700。



今時今日搭的士沒有問題,車資正常,算多車,已經少兜路,沒揀客,加咗好多的士站俾車停泊。

就算以前,講緊十年前到幾年前,黑的最興旺時期,一般市民唔會上到黑的,佢停喺賭場門口,或駕駛時見到燈著寫著空車,但唔會停俾一般市民,最多先停低問你去邊度?如果見你係一般市民或遊客話唔載,傾好價錢先上車。主要係釣晚上趕住衝關既內地客。

那時問題不在於怕上錯黑的,而係一半車都去咗做黑的,想搵的士好難,等45分鐘唔奇,只要佢肯停俾你,一落標就唔怕。

澳門冇“拒載”。



引用:
原帖由 斯人的黃昏 於 2021-2-18 09:41 PM 發表

前年在紅灑館坐澳的士去文化中心, 個司機話唔色去, 去甫京就色, 係咪太近唔想去 ?
紅灑館?
文化中心一定識去,係地標,或者唔想去啦。有時趕交更,或唔啱路都會唔載。

有一年過節(疫情前),帶著家人(有八十幾歲老人家揸拐杖)喺關閘的士站排隊等車,要分兩架的士,啲的士唔肯駛過黎,全部駛去另一條龍,等咗好耐,老人家關節痛企唔到。

後面有個一身混江湖打扮的內地男仕,手臂夾住個名牌包包一睇就知過黎賭,看不過眼,話澳門的士司機唔講粗口鬧唔得,要喊打佢地夠惡先怕你...佢話我們咁上唔到車,叫我企後,佢來。 之後就惡神惡煞企咗係的士站馬路中心,幾架的士立即駛過來佢前面,佢護著我們一架架車先上(我諗的士司機呆咗)。



[隱藏]
引用:
原帖由 一人行 於 2021-2-15 03:34 AM 發表

喺澳門玩我多數坐酒店發財車,巴士都少坐,的士就更加可免則免,坐親冇次有好印象,未至於被劏,但澳門的士佬衰格就肯定。

有次由金沙坐的士去大三巴,去到附近我話搵個位比我落得!佢話唔停得車,係都要車到我上去,上到去仲要車到去最盡,先肯停車,賺得一蚊得一蚊。

有次公事坐的士去十六浦附近某個碼頭做嘢,佢真係車我去十六浦,我話我要去嗰個碼頭喎!佢話嗰度的士唔入得,叫我自己行過去,我話我就係唔識路先要坐的士 ...
已到目的地,剎一剎車,忽然多幾蚊係經常性的

但我喺香港搭的士反而中伏,有次喺沙田火車站搭去粉嶺花園,上車時唔講唔識路,去到先知唔識路,周圍兜,又落車問人,我唔熟,搭咗二百五。



引用:
原帖由 hellodorothy 於 2021-2-14 09:33 PM 發表

我早幾年都成日過大海,從未比人劏過,最近一兩年環境可能變晒
呢一兩年反而唔會,早年先會。



引用:
原帖由 lydiacwl 於 2021-2-14 02:21 PM 發表

又唔可以講全部澳門黑的都狼死,只係有一部份由賭場轉去做的士既人先咁狼死,我試過幾次由祐漢街市附近,坐到澳門機場都係75蚊
我試過由祐漢搭去永利皇宮85蚊。
差唔多啦,都要經機場條路。



引用:
原帖由 Vh888321 於 2021-2-11 02:52 PM 發表

我成日過黎澳門,用澳門通坐巴士好方便,好似幾年無坐過的士
有位坐就好囉,要企時上單層巴士,好似沙甸魚咁逼,塞到就塞...8號巴士經回力葡京鏡湖個個都唔落既(依家換咗雙層巴士好好多),扯住上面扶手,架車係咁chok上下斜坡煞制,無啲臂力都頂唔順,最慘塞車唔郁。

一到放工時間,氹仔就算好多車都上唔到,逼到前門,多數地盤工人,夏天過橋返澳門半島陣味好窒息。就算搭的士百零蚊都俾佢....但千其唔好塞車。



引用:
原帖由 嫖、賭、飲、吹 於 2021-2-8 09:16 PM 發表

澳門朋友講當年喺澳門喺賭場嘅拗爛腳或者疊馬仔都轉行走咗去揸的士, 係咁咦都有五皮嘢一個月, 其實計返條數已經好保守, 一星期開6日工一個月26日平均一日二千蚊, 當年去賭場250蚊、去醫院五百蚊過橋加四百蚊, 一日用乜易二千蚊!
咩年代?
賭場250?醫院500過橋加400?

從我喺澳門生活,澳門過氹仔路環最多搭過百幾。
有次打8號封橋,我由MGM獅子門口過金沙城假日,佢由地下隧道過氹仔,開價300,都可以啦,佢話搵命搏,嗰次我搭都好驚。



[隱藏]
引用:
原帖由 嫖、賭、飲、吹 於 2021-2-19 04:45 PM 發表


講緊嘅係普通日子唔係打風 ,陀地、遊客唔同價錢, 特別淨係識得講普通話收費會高啲, 重災區係關閘。
曾經有好幾年,澳門啲錢來得太易,幾多錢都肯上,二三百去關閘大把上,折車舉手指,一隻手指等如一百,或call台call車指明送幾多份“禮物”先有車接order。

我試過一次,從舊永利過高士德,我覺得佢應該駛王朝往利奧方向(宋玉生廣場),嗰處入隧道,但佢一直兜向噴水池一路兜過中銀兜個大圈都唔肯返轉頭,我見唔對路問佢點解,依家去邊,佢發嬲駛去新葡京的士站角落要我即刻落車,要我俾的士錢俾19蚊佢,靠惡。



引用:
原帖由 嫖、賭、飲、吹 於 2021-2-19 04:45 PM 發表


講緊嘅係普通日子唔係打風 ,陀地、遊客唔同價錢, 特別淨係識得講普通話收費會高啲, 重災區係關閘。
以前一個願挨一個願打。
呢三、四年改善了很多。



引用:
原帖由 斯人的黃昏 於 2021-2-19 05:16 PM 發表


係紅酒館, Sorry.
數個街口咁多, 文化中心近碼頭, 是大地標, 唔色去真是講不通.
但個晚更無奈的是, 附近的士唔多, 有也是有客, 卒之要徙步去文化中心, 又唔熟路, 手信又重, 牛肉乾也有10磅, 未計其它野, 小弟個心又有事, 行到喘氣, 差不多客死他鄉
如果係紅酒博物館去文化中心,9成嫌近

早年上車有啲的士司機聽到目的地太近,如氹仔酒店或外港碼頭上車,喺的士站排隊既,載到你聽到去近既地方,如30幾蚊車程會說話很悔氣...叫你應該搭巴士或自己行路啦...或講唔載叫你上第二架。

試過去幾條街既地方,佢一聽到臉色很難看...話俾三份禮物佢(多三十元)...冇人想幾條街都搵的士,一定係有緊急事或身體唔舒服...



引用:
原帖由 嫖、賭、飲、吹 於 2021-2-19 11:06 PM 發表


早幾年黑的橫行嘅年代,曾經嘗試過夜晚喺筷子基食完飯想截的士無一部肯停車, 可能我著得寒酸……
的士大哥你停車問下我呀!
我肯畀錢㗎,三幾百冇問題,我淨係食飽飯想返酒店嘅啫, 當時幾百蚊仲畀得起。
嗰個年代上車係好困難...筷子基的確很難上車,因9成既車都去咗葡京一帶搵客,剩低既1成,要佢從其他區兜入黎...咁啱有客落車,先有機會上。

我教你,筷子基要喺老記行前少少間7仔門口截,或同一條街大豐門口先上到車...搏佢由紅街市嗰邊兜入黎一轉彎就截佢🤫



引用:
原帖由 一人行 於 2021-2-20 07:51 AM 發表


多幾蚊嗰次都算,起碼佢車到我去目的地。但去碼頭嗰次,佢車我去16浦,同我要去嘅目的地仲有段距離,佢已作故仔趕我落車,根本就係呃人。

所以隔幾日我再去嗰個碼頭做野,我有得claim公數都唔坐的士,喺碼頭搭發財車去16浦,再自己行過去。
角落頭運貨嗰個碼頭係唔係?(再落水上街市嗰條街)我懷疑停唔到車。嗰邊係有啲奇怪架,的士唔停,一係行返上十六浦搵的士站,一係要去落到近聚龍先上到車。



[隱藏]
引用:
原帖由 週週寧靜 於 2021-2-22 05:50 PM 發表


係唔係西環,定南灣湖嗰間聯邦
聯邦大酒樓,中旅社上面,富豪對面。



主題標籤 #澳門
提示:支持鍵盤翻頁左 右
[按此隱藏 Google 建議的相符內容]