• 瀏覽: 3,393
  • 回覆: 72
  • 追帖: 1
[隱藏]


早前屋企人攞咗嚿豬腩肉去拜神,昨晚親嚿豬腩肉仲係冷藏,攞把刀切開一片片。跟住用啲蒜頭,豆豉照,辣椒炒左,又幾好食送飯一流。



熱賣及精選
引用:
原帖由 星升升 於 2021-2-26 07:56 發表

呢味餸叫做家鄉小炒肉,亦即係四川回鍋肉,不過你個腩肉切得唔夠薄,同埋腩肉可以再爆得乾身d再炒,爆晒d油出嚟,咁食落就無咁肥膩。
係啊 ! 呢嚿豬腩肉喺屋企人烚咗之後,拎去拜神。拜完神之後又冇乜用,噉我就喺雪櫃拎出嚟切薄片,但係始終切得唔夠薄。我鍾意用蒜頭豆豉辣椒炒呢啲肉片,我覺得幾好食。



引用:
原帖由 美國病毒 於 2021-2-26 08:00 發表

好似回鍋肉
如果係食四川或者湖南菜,都會叫佢叫做回鍋肉。下一次我又可以攞啲辣椒醬放落去,同埋加啲椰菜落去炒。



引用:
原帖由 星升升 於 2021-2-26 08:09 發表


唔薄唔緊要,或者可以爆耐d,乾身d,咁樣就香口好多。

回鍋肉既「回鍋」2個字,意思就係先爆好腩肉,盛起,炒配料後腩肉再回鑊同炒。

我都好鍾意食回鍋肉
收到,下次再試下。不過炒佢時,好多油走出嚟嘅 !



[隱藏]
引用:
原帖由 unclesixteen 於 2021-2-26 08:19 發表


加一尐老乾媽落去炒,就完全唔啱曬味啦……
我雪櫃都有一樽,下一次又攞啲嚟試下。



引用:
原帖由 星升升 於 2021-2-26 08:22 發表


四川回鍋肉通常與尖椒+辣椒同炒,而上海回鍋肉就通常會用椰菜+京蔥。味道上都有分別,四川回鍋肉係唔帶甜,上海回鍋肉係要用甜醬去炒。

上海回鍋肉個醬比較麻煩,最簡單做法係海鮮醬(或甜醬)+ 豆板醬+甜麵醬 + 柱侯醬,最後仲要加蠔油。

下圖係我煮既上海回鍋肉,比街外食既清淡d, 無放咁多醬

  
噉 ! 我想試下上海回鍋肉嗰個做法先,因為雪櫃都有上述五種嗰啲調味料。同埋我覺得幾好食,平日我多數去渣華道北角嗰間小辣椒食,一個餸一個飯一杯凍飲,但係而家好耐冇去喇。



引用:
原帖由 星升升 於 2021-2-26 08:25 發表


走晒d油出嚟就啱喇,食落唔會感到肥膩。
嗰啲肥油唔簡單,如果肚子唔受得,隨時肚子痛。
我昨日買左啲芽菜仔返去炒,就係將炒好嘅豬腩肉嘅肥油,倒埋落去啲芽菜仔上邊炒。



引用:
原帖由 星升升 於 2021-2-26 08:38 發表


腩肉可以買冰鮮或者急凍(雪藏肉), 一般街市凍肉鋪或者75x數字屋都有,一次買2-3條。返到屋企解好凍出一出水再沖洗乾淨,放蔥1條,紹酒,八角,花椒幾粒,水浸過腩肉煲佢30-40分鐘,五花腩就會出晒油,然後再簡單沖洗一下。切好薄片,分開一小包一小包放入雪櫃雪藏,每次要煮就攞一包出黎解凍,然後爆香。

大家交流一下心得
之前去過兩間凍肉鋪買過,不過我係直接解凍,然之後落鑊炒。



引用:
原帖由 工廠男 於 2021-2-26 08:43 發表


估唔到師兄甘有心得。
你都試下煮吖! 幾好食嘅肥肥哋送飯一流。



[隱藏]
引用:
原帖由 星升升 於 2021-2-26 08:43 發表


豬油起鑊好正架,我平時整豬扒,切左豬扒邊位d肥肉就會留起,唔浪費,分小袋雪藏。炒菜心,炒花菜,落少少去起鑊,超香。
呢啲好嘢呀! 煎牛扒也有肥膏,通常切出嚟一齊起鑊用。



引用:
原帖由 工廠男 於 2021-2-26 08:43 發表


A兄拿手餸。
你都試下啦! 以前我也驚豬肉好難熟,試多兩次,又上 youtube 學下。



引用:
原帖由 maygii 於 2021-2-26 08:59 發表

流晒口水
啲辣椒少少辣,又夠香口。啲豬腩肉少少肥,送飯一流。



引用:
原帖由 Fat_dada 於 2021-2-26 09:00 發表

好正呀
dada,你都試下吖! 一餐食唔晒,可以第二餐再食。



引用:
原帖由 花丞 於 2021-2-26 09:21 發表

有肉!小酒嚟一啖,美上加美
有酒有肉最正,無論送啤酒或燒酒,一樣岩食。



[隱藏]
引用:
原帖由 農場原始的幻象 於 2021-2-26 09:45 發表

睇住都好美味,一定好好味
今次我啲燒腩肉,我冇醃過就噉放落去炒。佢出左啲油,我就裝畀佢。嗰啲辣椒炒完之後落啲蒜頭豆豉一齊炒,再落返啲豬油落去。最後我就放啲生抽同老抽加少少糖,噉就可以有得食。



提示:支持鍵盤翻頁左 右
[按此隱藏 Google 建議的相符內容]