• 瀏覽: 40,713
  • 回覆: 522
  • 追帖: 2
[隱藏]
事件: 年僅14歲的姚焯菲Chantal直言自己認到他的樣子,但不知其名,當聽到李克勤自我介紹才記起爸爸經常播李克勤的歌。15歲的詹天文Windy在李克勤走進來的一刻,第一反應是問身邊的16歲參實者炎明熹Gigi:「邊個嚟㗎?」炎明熹回答:「李克勤」。詹天文更直言:「我真係唔識佢,當佢自我介紹完,我先知呢個人係邊個」。

我想補充重點不是唔識李克勤或李克勤的歌而不能參加比賽,而是一位參賽者對樂壇前輩的尊重和對香港樂壇的認知。這是新一代歌手們要有的態度。有些讀者話係上左年紀的人先識李克勤,話要與時並進,不能停留以前美好時光,不能要求現在十幾歲的人認識上一代的歌手,反問我們識唔識三四十年代的歌手。明顯這是格硬來,怎能這樣比喻,李克勤是上一代歌手?他是上一代出道的歌手先啱,好多天王巨星都是,Sam 許,譚校長,哥哥,陳百強,梅姐,四大天王,許志安,鄭伊健,葉倩文,王菲,彭玲,鄭sammi, 陳慧琳,楊千樺,beyond, 草蜢等都是,那麼都可以說唔認識都無所謂啦?要與時並進,識姜濤咪得law, 我夠知佢今期係好hit好靚仔樣似韓星。但我想講我舉例的上一代樂壇前輩都是在香港樂壇有很大貢獻,是樂壇重要枝幹,李克勤就是在樂壇中的其中一位重要枝幹!!如你想要在香港樂壇揾食,不能不認識他們。
而李克勤在80,90,2000,2010年代時期都有在樂壇頒獎典禮上獲獎,2020年代還有出新歌(格林童話), 而他在不同年代都有代表作,這是唯一一個香港歌手能做到的。我個人都是由90年代開始聽他的歌曲 (我不是很大年紀), 從而再聽他在80年代的歌曲,2000年代他再次走紅,而歌曲風格都與時並進,形像亦改變了,可能那些新一代或者唔留意樂壇發展的人仲記住李克勤是8,90年代的,無認清事實便以記定印象來說。不論參賽者是扮唔識李克勤還是電視台要求用來宣傳的技倆,我都覺得唔需要這樣。

個人立場: 首先如果普通一個14,5歲唔聽歌GE女仔唔識李克勤我唔怪佢, 但如果參賽者話唔識李克勤就太離譜, 一係佢扮嘢, 一係佢唔識尊重樂壇前輩和對樂壇無料, 唔係話你好有唱歌天份便來參賽, 係你的參賽目標是你有興趣加入香港樂壇成為一份子, 條件當然基本香港樂壇歷史和知識唔多唔小都知道下, 如果李克勤都唔識, 我唸你只是來表演下你所謂的唱歌而已, 而沒有加入香港樂壇的心, TVB呢個節目便很難看出更有質素, 因為純賣呢班靚仔靚妹表演唱歌有咩好睇? 我唔係好想到時聽到有一個參賽者問李克勤 "回首' 怎唱, "一生不變" 怎唱? 男仔唔好只是識2001年首 "飛花", 克勤再經典D歌不只有呢首, 唱下 "大會堂演奏廳" 先似樣, 仲要話首"飛花" 係在2015年容JOEY克勤演唱會聽過JOEY唱先識, SAM許唱歌我夠未出世, 可以聽返搵返來聽GA MA, 唔該TVB正視一下, 唔識香港樂壇歌手歷史便想成為香港歌手, 香港樂壇怎返生?

https://www.youtube.com/watch?v=-LWyxqd8l28

[ 本帖最後由 ppp666 於 2021-4-11 03:14 PM 編輯 ]進入香討影片區



熱賣及精選
想做歌手,但活在自我世界。
假如有外國人問香港有乜歌手,相信呢啲00後會話香港冇歌星,佢自己係第一位歌手。

其實傳媒一早放風話李克勤做導師,有心嘅都做下功課,查下李克勤啲料,依家咁講太唔尊重人嘞。更何況李克勤無退過休,久不久有新歌出添。



提示: 作者被禁止或刪除 內容自動屏蔽
非常同意,李克勤都唔識,真係服咗佢哋,真係想知佢哋平時做乜嘅。


[隱藏]
同意樓主所講,我姨甥女都唔識克勤,但佢唔睇TVB唔聽廣東歌、更加唔會參加歌唱比賽、無諗過加入香港樂壇,所以我覺得ok

但你既然諗住喺香港樂壇發展,至少應該留意吓而家有乜歌星有乜歌,好似樓主所講,克勤一直有出新歌亦有上TVB宣傳,佢話唔識人真係好離譜



白痴妹 返屋企啦




克勤好耐無上電視


日,月,季
TBB 特色
1) FANS 永遠向前看 ,所有講過大台 負面的都是'x手
2) 三寶: 口水餓底查案劇,  律C 高智劇,  N角戀磚業劇
3) 大導3招:  人格分裂,  餓底,   留尾 (又可拍多輯)
4) 編劇template: 尾5集含包散

回覆 引用 TOP

唔出奇⋯⋯


[隱藏]
🤔殘酷一丁不是成日重播嗎?


cd勤都唔識,我係李生唔教好過


引用:
原帖由 ppp666 於 2021-4-6 02:11 PM 發表

事件: 年僅14歲的姚焯菲Chantal直言自己認到他的樣子,但不知其名,當聽到李克勤自我介紹才記起爸爸經常播李克勤的歌。15歲的詹天文Windy在李克勤走進來的一刻,第一反應是問身邊的16歲參實者炎明熹Gigi:「邊個嚟㗎?」炎明熹回答:「李克勤」。詹天文更直言:「我真係唔識佢,當佢自我介紹完,我先知呢個人係邊個」。

個人立場: 首先如果普通一個14,5歲唔聽歌GE女仔唔識李克勤我唔怪佢, ...
我諗你一定無睇過呢條片,睇完就知而家班後生已經唔識四天王,更何況李克勤(而家班後生係鍾意睇“笑波子”嫁)
https://www.youtube.com/watch?v=E21YX1YNBJQ



吾出奇
好似問80後邊個系關正傑,葉麗儀,可能未必識答你



我更加不識呢班友啦!岩岩鏟鏟,完全無期待!


[隱藏]
李克勤都唔識,咁佢識邊個歌星先?


主題標籤 #李克勤
提示:支持鍵盤翻頁左 右
[按此隱藏 Google 建議的相符內容]