• 瀏覽: 3,663
  • 回覆: 58
[隱藏]
短短2,3個月 , 熱刺的成績愈差 , 連續6個客場失分 , 而劇情也大同小異 , 同樣先熱刺入球 , 但之後被對手追平乃至反勝 , 如果這6場比賽熱刺可以守住領先優勢至完場全取18分而不是2分 , 那他們現積69分 , 排在聯賽穩坐第2位 , 而不是現在為一個前四位置苦苦相逼。

摩連奴的戰術以防守起家 , 初到英超時被稱為煲粥專家 , 因為他帶隊的比賽有不少也是1球或2球小勝 , 而英超史上最強的防守球隊車路士也是他帶領的 , 全季只失15球 ! 但相不到這位16年前的防守大師 , 現時已守不住他的球隊。

戰術過時 , 球隊內部問題也嚴重 , 球隊中場大腦艾歷臣走後無人能取締他的角色 , 阿里早早和摩連奴不和 , 而新上位的尼當比利也明顯不是進攻天才 , 三千幾百萬簽來的盧思素更是水貨...... 如此的中場配置 , 要熱刺爭取好成績絕對不易 , 而熱刺現時也和阿仙奴一樣 , 高薪厚轉會費簽來一大票球員 , 但現在賣出去只態蝕賣......

摩連奴的戰術是否過時? 續在曼聯後再次在熱刺失敗 , 但我認為英超之所以好睇 , 在於無一套戰術一套排陣可以稱霸 , 曼聯和阿仙奴的雙雄年代可能可以 , 但現在近呢十年八年絕不可以 , 看一看上季的英超冠軍 , 再看一看今季初的曼城乃至聖人便可略知一二 , 英超好睇之處在於各大小戰術不停在流轉 , 可能上季興433 , 但今季433轉眼已過時 , 但未來兩三年又再復興 , 這正正是英超吸引之處。



熱賣及精選
不進則大退之最佳例子!


按劇本走,解約錢已袋


雲格幾時有過時?
咁既爛9阿狗,帶到年年保到四
而家換左人,4都無埋



[隱藏]
雲格過時😂同一班入到歐洲賽事🤣


班兵玩嘢,總統教都死喇


老實講,其實佢係皇馬個陣已經走下坡
只係當時皇馬星光熠熠,加上巴塞太屈,大家唔太覺
去到車仔雖然贏左1次英超,但表現已經唔再壓倒性
然後去到曼聯,唔到你唔信佢已經過時



引用:
原帖由 水留情 於 2021-4-22 10:50 AM 發表

老實講,其實佢係皇馬個陣已經走下坡
只係當時皇馬星光熠熠,加上巴塞太屈,大家唔太覺
去到車仔雖然贏左1次英超,但表現已經唔再壓倒性
然後去到曼聯,唔到你唔信佢已經過時
唔同意佢過時, 佢依然係有功力, 只係佢傾向防守既戰術唔適合攻強守弱既熱刺者......但佢管理方面真係要改善下, 近年執教虎頭蛇尾都係因為去到後期被班大帝反佢....



我覺得佢係最大責任, 但我同時認為佢有料, 值得教大球會. 只係唔想佢成日"J歷史", 同埋戰術唔好咁單一...
我認為始終隊隊波唔同, 領隊無可能一套戰術出天涯, 要按每隊特性去微調. 因為就算買人都無可能全部換晒自己心水, 現實係一定好多時只能睇"送"食飯. 明知防守唔太強, 仲主守只會玩死自己...



[隱藏]
摩連奴本身就係一個金錢領隊,無論喺葡萄牙,西班牙,意大利同埋英國,都係做班霸級球會領隊先有成績,熱刺請佢嚟教,根本係不自量(財)力,我係刺迷,從來都唔相信摩佬可以帶領熱刺到達世界頂端,呢個同佢戰術無關,係熱刺財力滿足唔到佢,但最糟糕嘅,係佢將更衣室矛盾,帶咗嚟熱刺!


你睇吓雲加嗰隊用咩人先啦
乜都簽唔到拎住啲伊保爾丹尼臣桑治
年年要賣隊長還債都仲有歐聯踢
摩連奴基本上除咗c朗美斯乜都有錢買
都餐餐搞到兵變被炒
點比
你試吓比雲加教皇馬
比摩連奴教阿仙奴
睇吓會點

[ 本帖最後由 cha1202 於 2021-4-22 12:17 PM 編輯 ]



引用:
原帖由 ericlkyuen 於 2021-4-22 11:16 AM 發表


唔同意佢過時, 佢依然係有功力, 只係佢傾向防守既戰術唔適合攻強守弱既熱刺者......但佢管理方面真係要改善下, 近年執教虎頭蛇尾都係因為去到後期被班大帝反佢....
講真,熱刺班球員相對已經冇乜大牌球星脾氣,冇公開不滿同玩嘢,大部分都算聽教冇乜脾氣,都被摩連奴攪到更衣室氣氛唔好,從而影響表現同士氣,特別係處理阿里方面,表演正常同算落力都雪,呢方面佢真係要改善😔



過時咗好耐,不過佢仲揾到筍工先至叻,唔知今次仲有冇球隊上當呢?


其實戰術冇話過唔過時, 只係而家球員傾向個人主義, 令到注重團隊精神嘅摩佬執教變得困難


[隱藏]
引用:
原帖由 ericlkyuen 於 2021-4-22 11:16 AM 發表


唔同意佢過時, 佢依然係有功力, 只係佢傾向防守既戰術唔適合攻強守弱既熱刺者......但佢管理方面真係要改善下, 近年執教虎頭蛇尾都係因為去到後期被班大帝反佢....
唔認同
佢初初去皇馬時,西甲絕大部分球會都大打進攻足球
咁佢果套當然好成功
但當後期多左球隊戰術針對佢,大打龜縮陣,皇馬既成績就開始跌
同理今季熱刺,季初SONKANE戰術大成功
但到季中其他球會識得點限制呢個戰術,佢俾唔俾到新一套去適應新既形勢呢
你只係講佢既管理能力有問題,但呢樣只不過係佢其中一個問題



提示:支持鍵盤翻頁左 右
[按此隱藏 Google 建議的相符內容]