• 瀏覽: 4,031
  • 回覆: 56
[隱藏]
是咁的. 有日如常早十分鐘到場館, 簽0左場入去, 個court入面有人打緊波, 個court近底線既長凳無放任何野, 我咪如常坐低換羽毛球鞋. 突然其中一個本來打緊波既男仕停低, 同我講, 佢地個場未完, 我唔可以坐0係長凳到. 我就回佢, 如果佢有需要坐, 我會讓返比佢坐, 佢就死死地氣走返去打波, 無再理我.

就算book場係連埋場邊既長凳, 其實都係大家張就下, 你既然都無用, 我坐底換鞋都影響唔到佢.

我book場打波都幾年, 呢次係第一次有人咁講. 其實係我錯0左幾年, 定係新規則?

P.S. 個場無觀眾席

[ 本帖最後由 今天回收的山頭 於 2021-5-16 10:07 PM 編輯 ]



大家就大家方便
佢張凳都無擺野,咁小家做乜



http://i39.tinypic.com/200sd41.jpg
自己冇放嘢咪比人用囉,都唔影響打波嘅


唔影響打波, 係冇乜所謂。

但有時唔知有乜人坐. 
來一位, 再來一位兩位, 然後四位大大聲傾計.
有啲玩手機開聲或傾電話. 有啲玩手機唔知自己閃燈著左.
有啲玩拍波揮拍.  這就有影響. 



[隱藏]
未夠鐘唔準入場的!


為 ALL C 而 ALL C~ 攪來攪去都係一Pat C~
咁夠咗鐘,又係到影相,成十幾廿人仲坐係兩張長櫈到唔走,仲黑人憎。我同啲波友,一個袋都放唔落,正自私精,真係當自己係皇帝咩!有冇病丫!

[ 本帖最後由 ggmum 於 2021-5-17 04:51 PM 編輯 ]



引用:
原帖由 alexhon 於 2021-5-17 02:04 PM 發表

未夠鐘唔準入場的!
呢位師兄每次都係夠鐘先簽場入場,夠鐘先開始做熱身?


請教邊度有註明呢條條例?有既話真係小弟忽略咗。而奇怪小弟打過十幾個場都無職員阻止,莫非佢哋全部失職?



夠鐘先簽場入場? 租用人可在租訂段節開始前15分鐘登記取場.
夠鐘先開始做熱身? 這係你決定.

未夠鐘唔準入場? 這就一定有寫明, 租用人必須於所租訂段節在場使用設施.
即係場內只供租場者使用.
至於長凳, 只否當租場範圍, 係場館決定.

係你忽略咗, 仲想怪職員失職. 你係唔係想職員執到很嚴?

無職員阻止, 因一旦執得嚴, 你都玩得唔開心.
難道真係搵職員坐定定?  每次出入都查場紙?

如你訂兩節不同場地,  如果執得嚴, 不得換場. 你不可與人換場變兩節同場
如果執得嚴, 有些人服裝都唔正確.  應該係更衣室換好鞋才入場. 不是去到才換鞋
如果執得嚴, 活動範圍內不准飲食. 你係唔係想飲水都要出場外?

"所租訂段節/時間結束後,所有使用者必須離開活動範圍"
如果執得嚴, 一夠鐘應要離開場地. 理論上你要幾分鐘前就要執野準備離開.

https://www.lcsd.gov.hk/tc/condition/index.html

[ 本帖最後由 zzzxxx111 於 2021-5-18 11:37 AM 編輯 ]



引用:
原帖由 zzzxxx111 於 2021-5-18 09:18 AM 發表

夠鐘先簽場入場? 租用人可在租訂段節開始前15分鐘登記取場.
夠鐘先開始做熱身? 這係你決定.

未夠鐘唔準入場? 這就一定有寫明, 租用人必須於所租訂段節在場使用設施.
即係場內只供租場者使用.
至於長凳, 只否當租場範圍, 係場館決定.

係你忽略咗, 仲想怪職員失職. 你係唔係想職員執到很嚴?

無職員阻止, 因一旦執得嚴, 你都玩得唔開心.
難道真係搵職員坐定定?  每 ...
多謝呢位師兄打咁多字回覆,但我諗你理解錯我同alexhon兄既對答。


首先,我完全無怪場館員工,你誤會了。


第二點,大家對"場"既定義唔同。我一路問緊場邊既凳,上面alexhon師兄回我話未夠鐘係唔可以入場,我理解佢係指未夠鐘,整個場館,包括場羽毛球場邊,及場邊既凳,都唔可以進入。


而你引用既規則,"場" 係指羽毛球場範圍,比如我book1號場,自然未夠鐘唔可以用1號場。所以,不是指包括羽毛球場場邊既整個場館。



[隱藏]
引用:
原帖由 今天回收的山頭 於 2021-5-18 12:15 PM 發表


多謝呢位師兄打咁多字回覆,但我諗你理解錯我同alexhon兄既對答。


首先,我完全無怪場館員工,你誤會了。


第二點,大家對"場"既定義唔同。我一路問緊場邊既凳,上面alexhon師兄回我話未夠鐘係唔可以入場,我理解佢係指未夠鐘,整個場館,包括場羽毛球場邊,及場邊既凳,都唔可以進入。


而你引用既規則,"場" 係指羽毛球場範圍,比如我book1號場,自然未夠鐘唔可以用 ...
無怪場館員工? 但你說佢地係唔係失職.

我未有將"場邊既凳"定義. 這交俾場館職員決定.
但如果場邊既凳都定義為羽毛球場範圍.
你係book某時段1號場, 係只限某時段既1號場你才可進入.
但你都冇訂2至8號場, 這些羽毛球場範圍, 嚴格上你唔入得.
即係整個場館, 你絕大部分都唔入得.

的確係未夠鐘係唔可以入場. 你只能頂多留觀眾席.
但有啲場館, 職員可以拒絕公眾坐觀眾席
你係連觀眾席都不可坐.

只係, 一般場用使用者及非場用使用者, 冇樣睇唔易分.
如果冇投訴或主辦單位冇要求, 職員一般都唔會嚴格執行.

[ 本帖最後由 zzzxxx111 於 2021-5-18 12:45 PM 編輯 ]



引用:
原帖由 zzzxxx111 於 2021-5-18 12:36 PM 發表


無怪場館員工? 但你說佢地係唔係失職.

我未有將"場邊既凳"定義. 這交俾場館職員決定.
但如果場邊既凳都定義為羽毛球場範圍.
你係book某時段1號場, 係只限某時段既1號場你才可進入.
但你都冇訂2至8號場, 這些羽毛球場範圍, 嚴格上你唔入得.
即係整個場館, 你絕大部分都唔入得.

的確係未夠鐘係唔可以入場. 你只能頂多留觀眾席.
但有啲場館, 職員可以拒 ...
我問alexhon,有邊度有條例話未夠鐘唔可以入場?事實上係無,所以員工無失職,我亦無怪員工,咁清楚未?


而場邊既凳算唔算book場既一部份?呢個咪係我開post問既問題。起碼依家都無人肯定到話係。


師兄呢d無限上綱上線,真係好難頂,我唔再回呢位師兄啦,再見。

[ 本帖最後由 今天回收的山頭 於 2021-5-18 01:10 PM 編輯 ]



我幾時無限上綱上線? 我用"康樂及體育設施使用條件"內文同你講.
我post左link又唔睇.

剩係下列這兩條康樂及體育設施使用條件, 已經夠晒.

2. 用場許可證/批准信不得轉讓。租用人必須於所租訂段節在場使用設施。

32. 康文署保留權利,可拒絕/取消租訂安排而無須事先通知申請人/租用人,並可限制進入場地的使用者及/或觀眾的人數,或以衞生理由或任何其他理由拒絕任何人進場,以及/或加入其他有關使用康樂及體育設施的條件。



zzzxxx111! 要打個"讚"字比你!


為 ALL C 而 ALL C~ 攪來攪去都係一Pat C~
其實有啲館, 張長椅寫明只供租用者使用. 令外你覺得可以坐, 而租用人唔俾你坐, 你應該問工人員, 他們話可以未可以.  話唔可以便不可以.


[隱藏]
引用:
原帖由 butsiu 於 2021-5-18 05:45 PM 發表

其實有啲館, 張長椅寫明只供租用者使用. 令外你覺得可以坐, 而租用人唔俾你坐, 你應該問工人員, 他們話可以未可以.  話唔可以便不可以.
呢d灰色地帶,其實唔洗煩工作人員,根本無條文寫清楚,你去問員工只係為難佢地。而且只係坐幾分鐘既時間。

我終於見識到原來真係有咁小家既人,仲唔止一個。



提示:支持鍵盤翻頁左 右
[按此隱藏 Google 建議的相符內容]