• 瀏覽: 6,925
  • 回覆: 28
[隱藏]
本國內時打算自駕到青島陪老婆探家人,並且已經在此爬文並得到其他師兄的指引。但由於有其他事故於是暫時擱置。終於,在6月底見工作上有空檔,公司有肯批假,而小孩又剛考完試剩下的全是上網課,可以隨時隨地上課(於是有幾天是在車上一面行一面上課的,連老師亦發現這個情況),於是便來一個比較即興的行程。由於當時廣東尚有中高險風險區,離省需要48小時內的核酸報告,於是在出發前一天到醫院做核酸檢測。以為第二天招式核酸報告已經發到手機,沒想到8點起來時手機仲未收到核酸檢測結果,唔敢冒險一直等到差不多10點先收到核酸報告。於是立即出發。查導航,提供3個選擇,其中兩個係要經過廣州;另一個就有粵東(惠州、梅縣)轉上江西,經安徽、江蘇、浙江再上山東。由於廣州當時仲爆緊疫情,於是毫不猶豫就算粵東線。一路暢通,直至到咗梅縣離粵前最後一個服務區(葉塘),高速封路,所有車要開始服務區做分流和檢測。深圳、東莞、廣州和佛山的車一條隊、其他地區的車另一條隊。
深圳、東莞、廣州和佛山的需要出示48小時內的核酸報告、度體溫和登記車輛資料、出發點和目的地。搞咗一輪用咗差唔多20分鐘先可以放行。在登記資料時見到表上有幾部車因為冇48小時內核酸報告而被勸返。
一路繼續行到5點幾就開始搵酒店,見離景德鎮查400公里,預計3個多小時車程,於是便決定在景德鎮留宿一晚,隨便挑了一間離高速最近同埋評分最高的酒店。開到約晚上9點半左右到達酒店。沒想到這間酒店是新開的,硬件仲係好新淨。第一天行咗約950公里。第二天約9點繼續行程,一路路況都唔錯,但到咗南京就由於高速修路,路面不平要減慢速度,兼且落雨有積水,比較塞車,用咗差唔多個半鐘先行玩呢10多公里的路段。通過呢段之後路面有回復暢通,到晚上差不多10點到達目的地。第二天行咗約1050公里。到達青島後,在青島留在差不多7日,期間以探親為主,冇點樣去玩。由於自己有車,佢邊都比較方便,唔似以前冇車時要老婆家人請假做我哋司機。回程時由於有經驗,於是便按原路回程,順利2日返回深圳。總結這次行程路費和油費如下:路費:1971人仔;油費:2622人仔。路費是在意料之內,但油費預算係6毫1公里,但沒想到在江西開始汽油加做酒精,不耐燒,直接增加油耗,埋單計數要差唔多7毫半1公里,比預算多咗五百幾人仔。
補充一下:一路平均每隔50公里就有一個服務區同油站,如果唔係預得太盡係唔驚冇油。而且個別服務區係有客房提供,可以喺服務區休息一晚。不過價錢同衛生程度留冇研究。














[ 本帖最後由 深圳港農 於 2021-7-12 08:23 AM 編輯 ]



附件

08852da706bc53681577cc0578751bf.jpg(197.34 KB)

2021-7-11 10:36 AM

摘下的葡萄

08852da706bc53681577cc0578751bf.jpg

熱賣及精選
C兄行程都幾緊迫下. 俾我就請多幾日假沿途一路玩, 一日揸一千公里太辛苦


旅途愉快


係大陸住就邊度都去得啦


[隱藏]
感謝師兄分享
請問是用自己車還是租車? SUV?



一家大細一日行成千公里,冇事冇幹就幾好玩嘅,不過我唔會咁様對屋企人囉。

有乜事首先部notebook 就飛落個頭度。



老實講,埋單4千幾+酒店錢,當4個人圍埋每人都千幾.
然後每日開車成千公里.
俾我就寧願搭飛機到當地再租車了.
不過師兄開心就得,也很感謝詳細既資訊.



c hing一個揸定2個輪流揸?2個揸中途停一日都正常,1個揸就辛苦d


引用:
原帖由 殘廁浪漫的腳毛 於 2021-7-11 12:26 PM 發表

C兄行程都幾緊迫下. 俾我就請多幾日假沿途一路玩, 一日揸一千公里太辛苦
冇法,公司在出發前兩日先話可以批我假,仲要趕在客人來之前返到深圳。

難得可以返青島,想盡量留返啲時間係青島,所以咪濃縮喺路上的時間。

由於係淡季,路上車唔多,除咗南京整路有塞車同有幾段落暴雨要開慢啲外,全程都好順。



[隱藏]
引用:
原帖由 billionar9 於 2021-7-11 03:39 PM 發表

感謝師兄分享
請問是用自己車還是租車? SUV?
揸自己部7人車仔。







[ 本帖最後由 深圳港農 於 2021-7-12 08:28 AM 編輯 ]



引用:
原帖由 hfceddie 於 2021-7-11 04:25 PM 發表

一家大細一日行成千公里,冇事冇幹就幾好玩嘅,不過我唔會咁様對屋企人囉。

有乜事首先部notebook 就飛落個頭度。
屋企人有冇覺得辛苦,佢哋都幾enjoy咁樣出現。

之前試過過年揸去桂林玩,回程800幾K,車多勁塞,行咗14個鐘先返到深圳。

相比起來呢次唔算辛苦。

部Notebook有條帶固定,都幾搵陣。



引用:
原帖由 湯美小兒 於 2021-7-11 08:23 PM 發表

老實講,埋單4千幾+酒店錢,當4個人圍埋每人都千幾.
然後每日開車成千公里.
俾我就寧願搭飛機到當地再租車了.
不過師兄開心就得,也很感謝詳細既資訊.
主要係出發前2日公司先話批我假,訂機票都唔知訂唔的切,另外當時疫情關係,要有48小時核酸先可以入機場,怕出唔切報告就麻煩。

宜家自駕,時間比較有彈性,好似出發時可以等到有核酸報告先出發,比較保險。

至於費用方面,如果買到打折機票,每人來回都要1600人仔,一家人就要6400人仔。如果買唔到打折機票,每人要三千幾人仔。
由於之前有開過長途經驗,所以最後都係揀揸去青島。



引用:
原帖由 herohero 於 2021-7-11 09:39 PM 發表

c hing一個揸定2個輪流揸?2個揸中途停一日都正常,1個揸就辛苦d
小弟1個人揸,約每200公里就入服務區去廁所同休息,順便加油。都有差唔多20分鐘,唔算太辛苦。



響大陸住應該買部房車去旅行,30萬左右嘅房車已經唔錯


[隱藏]
我有機會都想試下


提示:支持鍵盤翻頁左 右
[按此隱藏 Google 建議的相符內容]