• 瀏覽: 2,031
  • 回覆: 2
[隱藏]
引用:
原帖由 程琛 於 22/7/2021 22:48 發表

如果我係要併入高速公路, 一定先收慢車速, 等無車先併入!!!

照計人人都應該係咁...

有次我行緊高速, 因為得兩條線, 右邊係快線...
我係左線, 左邊有架的士...
照計佢應該收慢, (無理由我收慢就佢啦下話)
點知佢無收慢, 仲照樣入黎, 咁我唯有轉右線, 點知後面車就笨我..
咁我唯有收慢...

請問, 是否的士問題??
我應該點做?? 笨的士??
真係發 ...
""我係左線, 左邊有架的士...""

的士當時位置係邊?
佢同你平排? 前過你?? 還是後過你???



精選汽車
引用:
原帖由 程琛 於 26/7/2021 22:05 發表

俾我搵返條片, 俾你地睇下
https://streamable.com/hdr2qg

左邊有的士, 我係見到呀, 佢係併入我條主線, 佢應該停, 但佢無停
一係佢快過我入主線, 一係佢收慢由我後面入主線, 同我同速, 搞到我要扭軚, 好彩右面無車
不過後面架車上緊黎, 就必我, 佢要收慢...

同樣情況出現係葵芳上公路橋位, 又係的士硬CUT, 搞到私家車要扭過線, 搞到快線貨 ...
的士的確係有唔岩,而且係未完全去到虛線就已經開始壓過黎。

不過好老實講,揸車係講危機意識、互相禮讓遷就,而唔係「正線大曬、得理不饒人」。

雖然你係正線有優先權,但的士當時位置比你前,你係好應該收一收油提防佢會抽出黎,呢D唔係叫禮讓,係叫做"防禦性駕駛"。

如果你收左油之後,見部的士冇加速仲要減速,咁你先加番速過佢,成件事咪唔會咁尷尬同危險。
正正就係因為你冇"防禦性駕駛"嘅概念,你淨係諗「我正線喎,點解要讓小路呀?」,所以成件事咪咁...唔好睇。

其實收一收油比小路車出,呢個行為嘅主要目的係避免意外發生,亦姐係"防禦性駕駛",唔好咁單純話禮讓。
你都見到部的士車速唔係慢,而且佢仲要冇收過油去減速,但你都仲繼續比油去。
呢個情況,如果真係發生左碰撞,其實雙方都有責任,只係睇邊個責任比較大咁解,但呢D就要睇個官點判。

雖然你係正線,但都唔係代表你係嬴曬。
考過車都知,條路係唔通、有危險就要減速甚至停車,而唔係有優先權就大曬可以繼續行。

坦白講,意外唔係一定有輸嬴之分,好多時可以係兩個一齊輸,你呢個情況都有機會係一齊輸。

如果真係撞左,上到庭個官/律師都可能會問你,你當時係咪見唔到的士? 見到點解你唔收油?
上到庭就係用考牌個套黎審,考牌係要求係咩? 就係危機意識、防禦性駕駛、避免意外發生。
你冇盡能力避免意外發生,的士亦都冇,即係一齊錯曬,只係的士錯多少少咁解,但都唔代表你係岩。

再講啦,如果真係撞左,可能你部車比的士撞到散曬,搞到自己重傷,好番都冇得如正常人生活。
咁嬴足100%都冇意思啦,有咩緊要得過條命、身體健全?
又或者,撞左,之後的士比你撞右車身,的士司機比你撞死左,到時你更加一身蟻。


總而言之,駕駛係代步,係咪真係有需要擺自己嘅生命財產上枱去同人搏呢??
收一收油避免意外發生,呢個行為值唔值得,係咪真係咁辛苦呢?
呢D雖然每個人睇法唔同,但我可以肯定個答案一定係值得,完全冇需要去搏。


當然,如果你覺得自己真係冇問題,咁真係講咩都冇用,他朝真係要"交學費"個時,就多數自然會明,但只怕明得太遲。

[ 本帖最後由 zerickL 於 2021-7-27 08:01 AM 編輯 ]



樓主,我都有少少印象曾經回覆過點樣處理類似情況,真係估唔到原來係同一位版友....

https://www.discuss.com.hk/viewthread.php?tid=29728014&page=1&pid=531912919#pid531912919

希望你真係明我講嘅野,因為人生中有好多野真係冇take 2,唔好令自己有機會後悔。

[ 本帖最後由 zerickL 於 2021-7-26 11:18 PM 編輯 ]



[按此隱藏 Google 建議的相符內容]