• 瀏覽: 65,887
  • 回覆: 437
  • 追帖: 20
[隱藏]
差不多有兩年都未離開過香港。現在終於有機會可以出走了,可以離開香港既範圍,雖然呢程只得兩日咁多,都好過無啦,雖然兩日後都要回來面對現實。

帶埋情人同埋知己,三個人一齊去。

要上船既條件係要香港人,要打齊兩針再相隔 14 日,到出發時要出示48小時內的陰性核酸証明先至過到香港衛生署果關。



早幾日搭車經過,睇到隻船已經停泊左係碼頭度,等緊我上船。


按照船公司既指示,我地要一點來到碼頭辦理 Check-in手續,搞完手續後再等到三點先至可以上船。


今次安排比我地既係位處船尾,正中間既高層普通露台房,打開門睇睇,空間都幾大,可以接受。


洗手間都不錯,應有儘有。水龍頭寫着可以直接飲用。估計應該都係化淡,但味道可以接受。


附送一份首航証明書。


個露台都幾大,視角都幾闊,可以放得落兩張沙灘椅。


睇完房間,就出船上周圍走走,來到位處十六層既甲板層船尾,有個小小迷你影院,晚上會有電影睇下,旁邊有水力按摩池,但因為疫情唔開。


來到甲板層中間既泳池,無人玩喎,即刻換件衫,登記落水玩下,每一輪一小時,上限二十人,但呢個時候整個池我地三個玩晒。


差不多六點幾,來自助餐廳吧,原本資料寫有早中午下午茶晚餐宵夜,但可能因為疫情原因,只有早午晚餐,八點多就收檔無宵夜。
全部食物都要由工作人員分派比客人,無得自己動手。不過食品種類真係唔多,但係甜品有驚喜。


水果得果三味。




晏啲出左公海㞊無晒手機訊號,如果要上網就要買WIFI套餐,這程船兩日船要價 $118。


未完,待續.....

[ 本帖最後由 andylam3318 於 2021-8-2 02:13 AM 編輯 ]



熱賣及精選
呢隻船既排水量係14萬頓,船上有一千七百間客房,員工數量有八百四十五人,大部份職員身上都有名牌寫係邊度來,睇到大多數都係國內,還有少量馬拉,印尼,印度既,所以船上主要係講普通話及英文(南亞口音)為主要溝通語言,廣東話既都有,但唔算多。

根據電視新聞所講,呢程首航只有一千位客人,就我目測所見,大部份客人都係中老年,後生既唔多咯,不過有好多小朋友仔。雖然話全部係『香港人』,但就我所見,都有好多南亞,國內,西方人都有唔少。

食飽都仍然未開船,路過六七樓既娛樂中心坐滿客人,但因為船未開,大家無得玩,唯有繼續等等。


主要大堂係六樓中間,不時會有Mini Show,小型遊戲節目都係呢度進行。


隻船有十九層,主要活動區域係六七八樓既主場,接待處,娛樂中心,餐廳以及甲板層既十六~十九層既泳池,酒吧。


船尾有電影播緊,可以得閒睇下。唔鍾意既,番入房部電視都一樣有好多電影可以睇,遇有香港新聞台添。


甲板既燈光真係幾靚既。但甲板上無人既,咁就証明呢程船既客人真係亞洲人為主。


到九點先慢慢離開維港。


這兩晚既主場SHOW係『兩生花‧韻』。都值得睇下。



未完,待續。

[ 本帖最後由 andylam3318 於 2021-8-2 02:28 AM 編輯 ]



呢個主場館都算幾大既,目測可以容納近千人。


上船會派份清單,上面有齊這兩天既活動時間表,來到中庭,看介紹寫有小遊戲可以參加,只要積極參與,輸贏都有小禮品。


到指定時間,還有個小小既泡泡表演,值得睇下,不過講真呢個表演場位置真係細左啲,只要有一百幾十人就差不多無位企了。


呢程船都幾多小朋友仔。


行出行入都要經過娛樂中心的,見到好多人都係呢度玩到天昏地暗。


表演廳每晚都有兩場3D電影可以睇睇。
  


三層高既娛樂中心有個小舞台,可以坐低點杯飲料,聽下歌,如果要飲野,罐裝汽水 $19,啤酒 $29 起。


離開左香港,向着大海駛去,坐係房間既露台,望住個表面平靜既大海,係月光倒影既照耀下,顯得一片寧靜,詳和既感覺。



未完,待續。

[ 本帖最後由 andylam3318 於 2021-8-2 02:40 AM 編輯 ]



可能要避開風風雨雨,留意到隻船係公海度走來走去,最遠甚至係去到汕尾以南。


除左自助餐廳,還有一個免費既主餐廳,早午晚餐都有中西餐可供選擇,但不設預約,人多就要排隊等位。但菜品相對比較正路,但比較需要時間去等待廚房精心煮理,所以上菜好慢,一餐可以食一個鐘,之不過味道真係唔錯,個人覺得,份量偏少,所以第二晚早少少,五點半去食左一轉中菜,早去唔駛等位,之後八點再去食一轉西餐,咁樣份量就剛好食得飽。

呢份係西式早餐,都比較正路,中式早餐試過,就不推薦了。


中庭又有SHOW,不過呢次係娛樂部既人好詳細介紹隻船既資料。主要係用英文。


要聽完後先可以開始報名去參觀船長室。人數有限,所以千其唔好走開。


室外活動有幾個,有迷你GOLF,乒乓球,以及重點既呢兩項。


又有SHOW睇,今次係名人既魔術表演。真係好受歡迎。



未完,待續。

[ 本帖最後由 andylam3318 於 2021-8-2 03:26 AM 編輯 ]



附件

Screenshot_20210731_075701_com.autonavi.minimap.jpg(419.13 KB)

2021-8-1 04:26 AM

Screenshot_20210731_075701_com.autonavi.minimap.jpg

[隱藏]
中式晚餐參考:


西式晚餐係呢個:


船上有好多親子WORKSHOP可以參加,Kill time 一流。


中庭間中會有MINI GAME可以參加,我地玩既呢場係看圖估商標品牌,可能係撞時間,無人黎玩,得我地三個,唯有自己友互相爭奪,等佢地可以交功課。


我地都玩左幾場遊戲,得到呢啲少少既禮物。


購物大道開店了。大部份黎幫襯既都係員工,聽講佢地已經餓左一年幾,到今日先有機會可以Shopping,好多特價貨都比佢地掃光光。了解過,原來船上員工還有額外既七五折,所以先至咁積極。


我地都好積極買左幾袋牌子野,都係錢包,包包之類,諗住做手信送人,咁先至似去旅行,有番少少儀式感啊嗎。


保齡球場$200四局,送飲品,可惜無時間了。



未完,待續。

[ 本帖最後由 andylam3318 於 2021-8-2 03:05 AM 編輯 ]



行程大概係咁上下了,如果大家想知得詳細啲可以問問,我儘能力答下。基本上我係一個非常多問題既人,所以船上好多員工都比我問過話。


補充一下資料,上船必須帶住既係果粒人群聚集監察器,如果有人群聚集就會轉色。而出入食飯購物直接用房卡就可以了。


上船前建議裝佢地呢個 Apps,入面有齊所有必須既資訊,買 WIFI 等。離船前可以用呢個 Apps 去埋單,可以用信用卡,支付寶付款。(竟然可以用支付寶去扣消費券喎。)


每人每日一支水,送的。


自助餐既甜品賣相不錯,味道都可以。


呢程船既表演『兩生花‧韻』既介紹係呢個。


船上亮點係五條滑水梯,我全部都試過晒,玩得下,但唔好有太大期望。


自助餐吧飲品有咖啡,茶,牛奶,橙汁,蘋果汁,至於其他既就要收錢。



如有問題歡迎查詢。

[ 本帖最後由 andylam3318 於 2021-8-2 03:16 AM 編輯 ]



咁玩下埋單要比幾錢


引用:
原帖由 marykiki 於 2021-8-1 06:35 發表

咁玩下埋單要比幾錢
三個人計,船票連稅,碼頭服務費合共 七千幾。
如果係兩個人就五千八百幾。


船上服務費,每人$240



千祈唔好話比峯峯聽去咗咁靚嘅兩天遊😂


[隱藏]
c hing,
看來你都ENJOY
多老人家嗎?


CHEERS



不錯, 謝謝分享


引用:
原帖由 weisacmei 於 2021-8-1 13:07 發表

千祈唔好話比峯峯聽去咗咁靚嘅兩天遊😂
呀仔今次知道的,佢已經唔在意了。

佢比較鍾意早年去過既果架『海洋航行者號』多啲,果次玩過後都話想再去。



引用:
原帖由 chauluilui 於 2021-8-1 15:29 發表

c hing,
看來你都ENJOY
多老人家嗎?


CHEERS
都有唔少上年紀既。
不過見好多老人家都去晒娛樂場所拉 Bar。



引用:
原帖由 andylam3318 於 2021-8-1 03:14 AM 發表

兩年都未離開過香港。

現在終於可以出走了,可以離開香港既範圍,雖然得兩日咁多,都好啦,不過兩日後都係要面對現實。

決定帶埋情人,知己三個人一齊去。

要打晒兩針再隔14 日,出發時要出示48小時內的陰性核酸証明。

早幾日已經見到隻船泊係碼頭等緊我上船。



待續.....
下次去試吓皇家嘉勒比!



[隱藏]
引用:
原帖由 阿布拉莫域 於 2021-8-1 20:15 發表


下次去試吓皇家嘉勒比!
不才的我,皇家加勒比既第一首船來港時都曾經玩過,印象好深刻。

https://www.discuss.com.hk/viewthread.php?page=1&tid=25196945


來緊諗緊報名玩第一水 5/10 既量子號,好多野玩,個人想去玩沖浪及空中飛行。

呢兩間公司比我選,一定係選擇加勒比,食既高質好多,有儀式感啲。
之但係,佢啲大型節目全部係美式歌舞表演為主,唔係咁適合本地觀眾。

[ 本帖最後由 andylam3318 於 2021-8-2 01:36 PM 編輯 ]



主題標籤 #香港
提示:支持鍵盤翻頁左 右
[按此隱藏 Google 建議的相符內容]